زواج من أجل الانتقام

البارت الرابع

البارت الرابع

بقلمي اللؤلؤة

في صباح يوم جديد استيقظ مالك بهمه ونشاط فهو قد حصل علي ما يريد وتزوج من يحب
ارتدى ملابسه وذهب إلى منزل ملك واخذها وذهبوا الي الشركه في العربيه
مالك .. ملك انتي آخر يوم ليكي النهاردة في الشركه
ملك باستغراب .. ودا لي
مالك .. انا المدير وقررت ارفدك عشان فرحك بعد أسبوعين يا هانم وعشان تلحقي تجهزي وعشان تفضي لجوزك
ملك .. وهو انا هسيبك عشان البنات تقعد تبص عليك انسي انا بعد كدا معاك في اي مكان انت هتروحوا
مالك .. طب براحة علينا بس يا عم
ملك .. مش بهزر انا مش هسيبك
مالك .. طيب علي الأقل الفترة دي وبعد الجواز بفترة انزلي تاني
ملك .. طب وهتجيب مين مكاني  
مالك .. مش عارف يعني اروي في طب ومش هتعرف وحياه واهي هتتجوز معانا مفاضلش غير حور بس هنقنعها ازاي
ملك .. مش عارفة اقولك سيب عليا الموضوع دا وانا هكلمها
مالك .. ماشي يقلبي
وعلي النحو الآخر
استيقظت حياه علي صوت رنات الهاتف
حياه .. الووو
وليد .. يلهوي علي الرقة يا ناس اي الرقة دى
حياه .. في اي انجز عايزه انام
وليد .. لاء تنامي اي مفيش نوم احنا هنخرج
حياه .. أما اصحي يا وليد نخرج
وليد .. قومي يا حياة عشان ما اجيش اقومك انا
حياه .. مش هقوم
وهنا فتح باب غرفتها ودخل وليد فهو كان في بيتها منذ مدة وانتظرها كثير حتي تستيقظ وحدها وعندما اتصل بها كان يقف خارج غرفتها
حياه .. يخربيت أمك
وليد .. قومي بالزوق بقا يا عسليه احسن ما اشيلك وارميكي تحت الميه
حياه بغضب .. قومت اهو عبوشكلك
وليد .. بتقولي حاجه يا حياتي
حياة بغضب .. اه بقولك عبوشكلك عند امك مانع 
وليد .. لاء يقلبي بستفسر بس
دخلت حياه الي المرحاض وتؤضت وخرجت ووجدت وليد مازال بالغرفة
حياه ..قوم من هنا يلاه عشان أصلي    
وليد .. ربع ساعة وتكوني تحت
حياه .. ماشي غور بقا
خرج وليد في الغرفه
وليد في نفسه .. وانا اللي كنت بقول رقه
وبعد نصف ساعه نزلت حياه
حياه .. يلا يلاه
وليد .. هو مش عيب زوجه تقول لزوجها يلاه وكمان نازلة بعد نص ساعه وانا قايل ربع بس
اما حياه فا اكتفت بكلمة واحدة فقط
حياه .. معلش
وليد .. انا زهقت من أول يوم آمال بعد كدا اي اللي هيحصل
حياه .. هو بمزاجك يلاه دا غصب عنك هو انت فاكر انك لو مكنتش اتجوزتني امبارح انا كنت هسيب امك لاء كنت هتجوزك بردو فا عشان كدا لم نفسك واهدي شويه 
وليد .. هي فين حياه يا خالتي وبعدين انا بردو اللي الم نفسي
حياه .. اه اذا كان عاجب امك
وليد .. طب يلا يختي هو ابتلاء من ربنا انا عارف
حياه .. يلا فين انا مش هخرج من بيتنا من غير اما أكل
وليد .. هنفطر بره يا حياه
حياه .. ومالوا نفطر بره ونفطر هنا بردو
وليد .. يلا بس وانا هجبلك اللي انتي عاوزاه
حياه .. ماشي يلا
ذهبوا الي مطعم في البدايه وتناولوا فطورهم وبعدها أخذها وليد إلي دريم بارك
(كابتن خدني معاك ونبي اكبتن ☺😂)
فرحت حياه بشده لانها تافهة زي وزيكوا كدا بالضبط بس هي زينا بردو هبله وبتخاف من اللعب الكبيرة وبتركب لعب الأطفال
نسيب دول يستمتعوا ونروح لحور
استيقظت حور العصر
تناولت فطورها وذهبت لتحدث اخاها فهي لم تحدثه منذ يومان واشتاقت له كثيرا
فتح أكرم الخط
حور .. كراملتي وحشتني اوي يا روحي
أكرم .. وانتي كمان وحشتيني
حور .. هتنزل أمتي بقا يا أكرم بقالك 3 سنين في المانيا
أكرم .. معلشي يا حور والله في الإجازة ان شاء الله هبقي انزل عشان انتي وحشتيني جدا وبابا كمان وحشني اوي
حور .. اما اشوف
وتحدثت معه فتره وبعدها اغلقت معه الخط
وهاتفت حياه
حياه .. اي يبت
حور .. زهقانه تعالي نخرج
حياه .. انا بره مع وليد
حور .. طب هي ندي راحت الجامعة النهاردة
حياه .. لاء مراحتش
حور .. خلاص هخرج انا وهي
حياه .. ماشي وانا هبقي اعدي عليكي باليل
حور .. تمام
أغلقت معها حور الخط وهاتفت اروي
اروي .. الو
حور .. بتعملي اي
اروي  .. مش بعمل
حور .. طب اي رأيك نروح النادي شويه وهاتي جميله كمان معاكي
اروي .. خلاص ماشي
حور .. ماشي هلبس واعدي عليكم
اروي .. تمام
أغلقت معها اروي الهاتف
التفت اروي الي جميله
اروي  .. بما ان جميلتي بقالها فترة مش بتخرج اى رأيك نروح النادي النهاردة
جميله .. ومين اللي هيعمل الأكل
اروي  .. مش مهم نبقى نتصل با مالك ووليد يعدوا علينا في النادي ونتغدي هناك انتي بقالك كتير مخرجتيش
جميلة  .. خلاص ماشي هقوم البس
اروي  .. ماشي يا جميلتي
ارتدوا الاثنان ثيابهم وعدت عليهم حور وذهبوا الي النادي
جلسوا في مكان جميله المفضل وظلت جميله تحكى لهم عن ذكراياتها مع زوجها
حور .. بحب أخرج معاكي اوي عشان حكاويكي الحلوه دي يا جميلتي بتفكريني بماما
أخذتها جميلة في حضنها وأخذت اروي أيضا في حضنها
جميله .. انا ماما يقلبي انتوا ولادي انا مخلفتش مالك بس انا خلفت مالك ووليد وحور واروي وحياه وملك
حور واروي  .. ربنا يخليكي لينا
جميله .. ويخليكوا ليا
حور .. طب انا جوعت كلمي مالك يا اروي وانا هكلم حياه
اروي  .. ماشي
هاتفت حور حياه
حياه .. احنا مروحين اهو  وهعدي عليكي
حور .. لاء هاتي وليد وتعالوا النادي هنتغدي هناك
حياه .. خلاص ماشي
أغلقت معها حور الخط وهاتفت اروي مالك
مالك .. ايوه يا اروي
اروي .. بتقولك ماما هات ملك وتعالوا النادي هنتغدي هناك
مالك .. ماشي
أغلق مالك معها الخط وخرج ليخبر ملك
مالك .. ملوكتي كفايا شغل بقا النهاردة وتعالى يلا نروح النادي نتغدي ونقعد شويه هناك  
ملك .. ماشي يقلبي يلا
أخذها مالك وذهبوا الي النادي
وبعد وصول الجميع قاموا بطلب الأكل
وليد وهو يملي الجرسون  .. حد عاوز حاجة تاني
مالك .. اه هات لحور حاجه كمان عشان ماتاكلنيش
حور .. هههه خفة
وليد .. خلاص كدا
ملك .. اه صح يا حور مش انتي هتاجلي السنادي مع حياه
حور .. اه
ملك .. طب عاوزة اطلب منك طلب
حور .. اي هو
ملك .. عاوزاكي الفتره دي تبقي مع مالك في الشركه بدالي
حور .. بس انا السن
ملك .. متخافيش الشغل سهل وانا مظبطه كل حاجه
حور .. ماشي خلاص هنزل أمتي
مالك .. من بكره
حور .. ماشي يبقي حد يصحيني عشان لو محدش صحاني انا مش هصحي
حياه .. متبصليش انا هناك بس بعد كدا
اروي .. خلاص هصحيكي انا
حور .. ماشي
وبعد مدة جاء الأكل
مالك .. حور
حور .. نعم
مالك بضحك .. انا متوقع انك هتسيبي الشغل وتروحي تاكلي
حور .. طب مهو دا اللي هيحصل فعلا
مالك .. لاء بقولك اي كدا وربنا ما هينفع
حور .. خلاص هبقي أجيب 112 سندوتيش معايا
مالك .. واشمعنا 112
حور .. 110 ليا وهعطف عليك واديك اتنين
مالك بضحك .. شكرا لكرم اخلاقك
اروي .. بقولكوا أي يا جماعه انا معنديش كليه بعد بكره اي رايكوا نروح نشتري الفساتين
حياه  .. والله فكره حلوه
ملك .. خلاص اتفقنا نروح كلنا
مالك وهو يتحدث لحور .. طبعا الكلام دا مش ليكي
حور .. لي بقا ان شاء الله
مالك .. مين هيبقى مكانك أما تروحي انتي معاهم
حور .. لاء بقولك اي انا موافقتش عشان سواد عيونك انا وافقت عشان خاطر ملك بس فا انا اعمل اللي انا عاوزاه براحتك وملكش دعوه
مالك .. انا خايف انتو هتسبوني معاها ازاي دي
حياه .. والله حور طيبه بس انت اللي بتستفزها علي طول
مالك .. ما واضح أنها طيبه
حور .. اهدي كدا علي نفسك وقول هديت انا عامله حساب لجميله بس ومش راضية أعلي صوتي
مالك .. دا علي أساس انك لسه معليتهوش
حور .. اه لسه
مالك .. خدوها معاكوا يجماعه انا مش مستغني عن عمري
ملك .. طب مالك انا كنت عاوزة اخد رأيك في حاجه كدا
مالك .. اي يقلبي
ملك .. كنت عاوزة البس الحجاب زي حور وحياه
مالك .. احسن حاجه عملتيها والله
حور .. بما انك قررتي كدا يبقي انا لازم اجي معاكي بقا الأسبوعين كلهم عشان اختارلك حاجه حلوه عشان انا زوقي حلو
مالك  .. لاء يا شبح حياه هتبقى معاها انتي هتبقى في الشركه بعد بكره بس هو اللي مسمحولك تروحي معاهم في
حور .. عبومنظرك عيل تنح
مالك .. حور انتي متأكدة انك بنت
حور .. بس يلاه
مالك .. حاضر انا اسف
جميله .. فرحانالكوا اوي يحبايبي
مالك .. واحنا فرحانين بوجودك معانا يست الكل
وليد .. دا انتي اللي منوره حياتنا يا جميلتي
جميله .. ربنا يخليكوا ليا
الجميع .. ويخليكي لينا
وهنا صدع صوت رنين هاتف حور
حور .. ايوه يا بابتي
والدها .. معلش يقلبي انا مسافر شرم النهاردة سفر مفاجئ وهاجي كمان يومين
حور .. خلاص هخلي حياه تبات معايا النهاردة
والدها .. ماشي يا حبيبتى
اغلقت حور الخط مع والدها
حور .. حياه بابا مسافر سفر مفاجئ النهاردة تعالى باتي معايا وانتي كمان يا اروي
حياه .. ماشي هكلم ماما واقولها
اروي .. خلاص ماشي هعدي بس على البيت أجيب حاجات بكره
حور .. ماشي وانتي كمان يا ملك
ملك .. مش هينفع اسيب ماما لوحدها  كفايا بسيبها طول النهار
مالك .. صح يا ملك كنت حابب افاتحك في الموضوع دا
ملك .. موضوع اي
مالك .. مامتك يعني تنقل معانا وتقعد مع ماما أهي تونسها
ملك .. بس ماما مش هترضي ولا حتي بعد ما نتجوز
مالك .. لي
ملك .. ماما بعد الفرح هتسافر اسكندرية عند خالتي  وهي اللي طلبت كدا
مالك .. خلاص اللي هي تحبه يقلبي
ظلوا يتحدثون سويا وبعد فترة ذهبوا كل واحد الي منزله وذهبت معهم حور وحياه لتأخذ اروي أغراضها وتذهب معهم وذهب مالك ليوصل ملك
والي هنا ينتهي البارت الرابع