زواج من أجل الانتقام

البارت العاشر

البارت العاشر

بقلمي اللؤلؤة 😘

طبعا دا اول بارت بعد مارجعت وطبعا اسفه علي التأخير بس الحساب كان ضاع وعملت واحد تاني ويارب بس دا ميضعش مني وطبعا اي أخطاء املائيه مش مقصوده دا الكيبورد اللي بيكتب مع نفسه وللأسف كل الصور اللي كانت موجوده في البارتات اللي فاتت مش موجوده بس ان شاء الله هحطلكم صور في اللي جاي وان شاء الله هحاول اعوضكم يلا نبدأ
_________________________________
في صباح يوم جديد مليئ بالأحداث الشيقه والحزينه
يستيقظ بطلنا بوجه عابس برغم مرور شهرين علي وفاه زوجته ولكنه مازال يفكر في الانتقام ويراقب عبد الرحيم من جميع الجهات ولم يمر يوم من الايام الماضية الا ومالك يتعامل مع الجميع ببرود وقسوة وكما وعد زوجته الراحله لم يذهب الي المقابر ولا مره حتي يأخذ بالثأر
&&&& &&&&
بعد انا آفاق مالك من نومه وذهب الي الحمام وتوضئ وصلي فرضه ودعا الي زوجته وابنه ذهب الي الشركه ليتقابل مع حور للعمل نعم ف حور مسكت كل شغل والدها ويسعادها أكرم لان والدها مرض بشده بعد الحادث
&&&&&&&&
دخل مالك الي الشركه بوجه عابس غير ما كان عليه من قبل وأصبح يتعامل مع موظفينه بحده وقسوة وأصبح يهابه الجميع دخل مالك الي مكتبه وجد حور في انتظاره
____________________
مالك وهو يحاول ان يتعامل معها بلطف كي يحقق الخطه مع العلم انه أصبح يكره والدها بشده ويكرهها أيضا ولكنه يتعامل معها بلطف من أجل الانتقام
مالك..  صباح الخير يا حور
حور.. صباح النور يا مالك عامل اي النهارده
مالك.. الحمدلله
حور.. يارب دايما
مالك.. ليا وليكي يقمر
فخجلت حور بشده وقالت
حور بخجل.. نبدأ في الشغل بقا
مالك.. تمام
وظلوا يعملون حتي 3 ساعات وبعدها ذهبت حور الي شركتها
------___------______----------_____
عند حياه ووليد
كانت حياه تجهز طعام الغداء فهذا يوم اجازه وليد وهي تفكر في انها مر عليها ما يقارب ال3 شهور من دون حمل وفي هذا الوقت دخل عليها المطبخ وليد واحتضانها
وليد.. اميرتي سرحانه في اي
حياه.. بفكر في أن لي مفيش بيبي لحد دلوقتي
وليد.. ياروحي احنا معداش علي جوازنا 3 شهور وعملت ليكي تحاليل قبل كدا وليا كمان ومطلعش في اي موانع بس من عند ربنا بس
وبعدين احنا لسه العمر قدامنا
حياه.. طب نكشف تاني
وليد.. حياه يا حبيبتي سيبيها علي ربنا وبلاش استعجال
حياه.. حاضر هحاول
وليد.. طب اي مش هناكل
حياه.. عشر دقايق بس والاكل يكون جهز
وليد.. ماشي يا روحي
-----_______------___________---------
ذهب اكرم كالعاده في الصباح الي جامعته وظل ينظر الي جميع الفتيات بكره شديد الي ان بدأت محاضراته وبعد انتهأها ذهب الي الكافتيريا وجلس يتذكر ما حدث معه في الثانويه العامه
فلاش باك
اكرم.. انا مستني بس نخلص السنه دي وهتقدملك يا منه
منه بارتباك.. طب ولي الاستعجال
أكرم بشك.. منه هو انتي مش عاوزه تبقي معايا
منه بارتباك.. طبعا عاوزه اكون معاك بس...
أكرم بشك.. منه هاتي من الاخر
منه بصراحه.. بص بصراحه كدا يا أكرم انا مش بحبك انا كنت بقربلك بس عشان اوصل لكريم صاحبك بس اما لاقيتك حبتني خوفت اكسرك
اكرم بوجع.. اه فا تسبيني لحد ما اتعلق بيكي بصي عموما انتي متستاليش الحب اللي حبتهولك واياكي اشوفك في اي مكان تاني هقتلك
منه.. أكرم انا مش عاوزه اخسرك احنا ممكن نفضل صحاب
أكرم بكسره.. عمري ما هقدر ابص في وشك تاني يا منه
انتهي
رجع أكرم الي الواقع
أكرم في نفسه.. كلكوا شبه بعض محدش فيكوا بيحب بجد
وبعدها قام اكرم للذهاب إلى البيت وهو خارج خبط بكتف فتاه ولاكنها لم تقع ونظر ليرها فوجدها اروي
أكرم.. معلش يا اروي انا اسف مخدتش بالي
اروي.. حصل خير
اكرم.. إنما اي اللي جابك متأخر كدا دي المحاضرات النهارده بتخلص بدري
اروي.. منا عارفه بس اصلي صحيت متأخر فاقولت مضيعش عليا حاجه واجي اخلي حد يشرحلي اللي فاتني
اكرم.. انا ممكن اشرحلك
اروي.. شكرا بجد يا أكرم هتعبك معايا
اكرم.. لاء عادي ولا يهمك بس تعالي نقعد في كافيه بره عشان نعرف نركز
اروي.. ماشي يلا
ذهب أكرم واروي الي كافيه بجوار الجامعه نعم أكرم يكره الفتيات ولكنه يعتبر اروي وحياه اخواته ولاكنه يحب ان يتحدث مع اروي
----------_------------------_-------.
عند حور كانت جالسه في مكتبها منهمكه في عملها الي ان جائها اتصال هاتفي فوجدت مالك فا ابتسمت لانها معجبه به
واجابت عليه فورا
مالك.. الو
حور بخجل.. ايو يا مالك في حاجه
مالك.. اه في جهزي نفسك ربع ساعة وهعدي عليكي في مطعم فاتح جديد في التجمع نفسي اجربه وبما انك خبيره في موضوع الاكل قولت اعطف عليكي واخدك معايا
حور.. طيب يسيدي شكرا زلنا بقا عشان هتاكلنا
مالك.. حاضر هذلك
حور بضحك.. ماشي يا مالك الف شكر علي كل الاحترام دا مش عارفه والله لولاك مين هيحترمني
مالك.. شوفتي عدي الجمايل بقا
حور.. حاضر يا يسيدي هعد
مالك.. ماشي هقفل وربع ساعه وتلاقيني قدامك
حور.. ماشي مستنياك
مالك.. اشطا سلام
حور.. سلام
اغلقت حور الخط مع مالك وجهزت نفسها وانتظرت مالك
وبعد ربع ساعه وصل مالك
حور.. مظبوط علي الساعه
مالك.. انا في المواعيد معنديش يما ارحميني
حور.. طبعا انت هتقولي
مالك.. بقالك 3 شهور ماسكه في ام الموضوع دا اي يعني زعقتلك دون عن كل الناس عشان اتاخرتي دقيقه وربع هما دول شويه
حور.. والله لولا ملك الله يرحمها ما كنا هنكون واقفين مع بعض دلوقتي
مالك بحزن.. الله يرحمها
حور.. طب مش يلا بقا ولا اي انا حمير بطني بتنهق
مالك.. شوفي كل الناس عندها عصافير بتصوصو وانتي عندك حمير بتنهق
حور.. وانت عندك بهايم بتنعر
[ دا اي مزرعه المواشي اللي انا وقعت فيها دي 😂😂]

مالك.. طب يلا بينا بقا قبل ما اديكي علي قفاكي
حور.. وانا هسكتلك ساعتها اصلي
مالك.. يابنتي وانا خارج معاكي بحسك اشرف صاحبي
حور.. اشرف اشرف المهم اكل
مالك.. طب يلا يختي
حور.. يلا
ذهب مالك وحور الي المطعم وطول الطريق لم يخلو الجو من المناقره بينهم ونسيبهم بقا ونروح نشوف أكرم واروي
___________________________
اكرم.. ها يستي فهمتي
اروي.. فهمت دا اي دا انت تقعد الدكاتره كلهم في البيت
أكرم.. ربنا يخليكي بس كنت عاوز أسألك سؤال كدا
اروي.. انت تعمل اللي انت عاوزه يا باشا
أكرم.. هو اي الفكره من أن اسمك ندي وبيقولوا ليكي اروي
اروي.. بص يسيدي انا كانت ماما الله يرحمها نفسها تسميني اروي ولانها كانت واعده وليد اخويا انو هو اللي هيسمي البيبي عشان يعني ميغرش مني وميكرهنيش سموني ندي عشان وليد كان عاوز يسميني ندي وبقيت ندي لحد ما ماما ماتت هي وبابا فا قرر وليد اخويا انو يندهوني ب اروي عشان ماما كانت بتحب الاسم دا بس كدا
أكرم.. اممممممم انا كدا فهمت بس انتي بتحبي انهو اكتر
اروي.. بص مش هكدب عليك بحب الاتنين بس بحب ندي اكتر
أكرم.. اشطا يا ندي
اروي.. اشطا يمان
اكرم.. يلا عشان اوصلك في طريقي
اروي.. معايا عربيتي
أكرم.. يستي هاتي المفاتيح وانا اجبهالك بعدين
اروي.. ماشي يلا
ذهبت اروي مع أكرم واوصلها الي البيت وبعدها ذهب الي منزله وصعد الي غرفته يرتاح قليلا
__________________________
في مكان مجهول
شخص 1.. مش قادر انسي ولا قادر اتخيل اني انا اللي قتلتها بأيدي
شخص 2.. انت هتخيب من اولها احنا لسه في الأول ومش هنسيب حقنا
شخص 1..صح انتي صح
شخص 2.. هندخلهم منين
شخص1.. من اروي
شخص 2..ازاي
شخص 1.. هقولك
__________________________________
والي هنا ينتهي البارت العاشر من روايه زواج من أجل الانتقام
وهل يتري مين دول اللي بيتفقوا مع بعض ولي عاوزين ينتقموا منهم
ولي عبد الرحيم لسه ساكت لحد دلوقتي
وهل مالك هيحب حور بجد ولا هيكمل في الانتقام
وهيعمل اي لما يعرف ان ابو حور ملهوش ذنب
وهل أكرم واروي هيغيروا فكرتهم عن الحب
وهل أكرم هيعرف يحب تاني
ولي حياه لسه محملتش
كل دا هنعرفه في البارتات الجاية
توقعوا معايا اي اللي هيحصل ومتبخلوش عليا بفوت وكومنت سلام😘😍👋👊
بقلمي اللؤلؤة