البارت السابع
بقلمي اللؤلؤة
في الصباح
استيقظ والد حور وذهب مسرعا الي شركه مالك
عبد الرحيم .. فين خالد
السكرتيره بمياعه .. أقوله مين
عبد الرحيم .. من غير ما تقولي
ودخل مكتبه دون أن يطرق الباب
عبد الرحيم .. انا عرفت كل حاجه وكل حاجه هتوصل لمالك ومش هسكت عليك يا خالد
خالد .. ورحمه ابويا لو حاجه وصلت لمالك بنتك هتدفع الثمن
عبد الرحيم بخوف يخفيه .. وبنتي أي علاقتها بالموضوع
خالد .. علاقتها أنها بنتك
عبد الرحيم .. وانت لي اصلا تعمل كدا عو حرمك من حاجة مديك منصب في شركته ومش عاجبك وبتسرقه
خالد .. دي البدايه وربي ما هرحمه هندمه علي كل حاجه
عبد الرحيم .. وهو عملك اي لكل دا ها
خالد .. عملي اي ابوه كل حق ابويا
عبد الرحيم .. لاء مكلش حق أبوك ولا حاجه وفرضا أن دا حصل مالك أي ذنبه
خالد .. ميخصكش وربي مالك لو عرف حاجه بنتك هتكون التمن
(خالد عباس الملط والده ووالد مالك كانوا أصدقاء وفتحوا شركه سويا ولاكن باع والد خالد نصيبه الي والد مالك قبل وفاته ولأن والد مالك طيب القلب لم يترك زوجه صديقه وابنه ولم يخبرهم أن والده باع نصيبه وبقا يعطيهم من ماله ولم يحسسهم بأي شيء ولاكن عندما توفي والد مالك وفتحوا أوراقه وجدوا ذالك ولم يفهم خالد وفهم انه أكل حقه ولاكن مالك لم يتركه وجعله في منصب كبير في شركته ويعطيه أضعاف مرتبه بس هنقول اي الطماع ابن أمه عاوز ينتقم من مالك الحيوان الحمار )
خرج عبد الرحيم من مكتب خالد وهو يفكر ايخبر مالك ويخسر ابنته أم يترك خالد يسرقه والله أعلم بماذا سيفعل أكثر بمالك تعب من كثرة التفكير ولم يعلم ماذا سيفعل ذهب إلى منزله بعد تفكير طويل فوجد حور تجري عليه
حور .. بابتي وحشتني
عبد الرحيم .. وانتي كمان يقلبي
حور .. عندي ليك مفاجأة
عبد الرحيم .. أي هي
حور .. أكرم هيخلص السنه دي وينزل يكمل هنا
عبد الرحيم .. احسن حاجه عملها والله
حور .. آه
عبد الرحيم .. وانتي مش ناويه بردو تخلصي السنه دي
حور .. لائحة هخلصها مع حياه
عبد الرحيم .. ماشي ربنا معاكي انا هطلع اريح شويه عشان تعبان
حور .. ماشي هصحيك علي الغدا
عبد الرحيم .. ماشي يا حبيبتي
وبعد مرور أسبوعين كان هذا اليوم يوم مجئ مالك وملك وحياه ووليد من السفر وكان في انتظارهم جميله وحور واروي في منزل مالك وأيضا لم يعلم والد حور حتي الآن ماذا سيفعل ضميره يأنبه كل يوم ولاكن هو خائف على ابنته كثيرا فماذا سيفعل يا تري
وبعد فترة دق الباب وكان وليد وحياه
حياه .. حور وحشتيني
حور .. وانتي كمان يجزمه
حياه .. وانتي كمان يا أروى وجميله كمان كلكوا وحشتونى
جميله واروي .. وانتي كمان يقلبي
وليد .. وأنا موحشتكوش ولا اي
جميله .. ازاي يعني اكيد طبعا وحشتنا
وليد .. بحبك اوي والله يا جميلتي
ثم أكمل
آمال مالك لسه مجاش ولا اي
مالك من وراءه .. لاء لسه
وليد .. يخربيت أمك خضتني
أروى .. مالك حبيبي وحشتني
مالك .. وانتي كمان اوي وانتي كمان يا جميلتي
جميله .. امال فين ملك
ملك .. ملك أهي يا جميلتي
جميله .. وحشتيني اوي يقلبي
ملك .. وانتي كمان يروحي
وبعد السلامات جهز الفتيات السفرة ووضعوا عليها الطعام وتناولوا غدائهم في جو من المرح والضحك فهل ذالك السعادة ستظل أم للقدر رأي آخر
وعندما وصلت حور الي منزلها وجدت والدها حزين
حور .. مالك يا بابا
عبد الرحيم .. مفيش انا كويس المهم انتي اتبسطي
حور .. اه يا حبيبي اتبسط بس انت شكلك زعلان
عبد الرحيم .. ولا زعلان ولا حاجه شويه مشاكل في الشغل بس
حور .. طيب يا حبيبى بس متضايقش نفسك كدا
عبد الرحيم .. حاضر يا حبيبتي اطلعي انتي نامي يلا
حور .. ماشي تصبح علي خير
عبد الرحيم .. وانتي من أهل الخير
بعد يومان ذهب مالك الي مكتبه في الشركه وحدث كما توقع فمازال خالد يسرقه وهو يتركه اكراما لوالده ولاكن لم يعلم هو ببقايا نواياه الخبيثه وفي نفس الوقت ذهب عبد الرحيم الي مكتب خالد
عبد الرحيم .. كفايا كدا بقا بطل تسرقه
خالد بشر .. كفايا اي هو لسه شاف مني حاجه وربي لاخد منه اكتر حاجه بيحبها ولو هو عرف الكلام دا انا مش هقولك انا هعمل اي في بنتك فاهم
خرج عبد الرحيم من مكتب خالد وهو خائف بشده من ما سيحدث لمالك لو قال له سيخسر ابنته وان لم يقل سيخسر مالك ويعتبر هو مشترك في الجريمة التي لم تحدث بعد
في مكتب مالك كان مالك يتحدث مع ملك في الهاتف
ملك .. انا عاوزة أنزل معاك بقا الشركه
مالك .. انسي معنديش حريم تشتغل
ملك .. لي بس
مالك .. يا حبيبتي انا مش عاوز اتعبك و اوعدك هجيب سكرتير راجل
ملك .. ماشي اذا كان كدا معلش
وفجأة تركت ملك الهاتف وركضت للحمام مسرعه تتقيئ
مالك بخوف .. ملك ملك
رجعت ملك وامسكت بالهاتف
ملك بتعب .. ايوه يا مالك
مالك بخوف .. مالك بس انتي تعبانه من الصبح
ملك .. متقلقش تلاقي بس واخده برد في معدتي من تغير الجو
مالك .. ولو انا هجيلك دلوقتي اوديكي للدكتور البسي علي ما اجي
ملك .. متتعبش نفسك وتسيب شغلك انا هبقي كويسة
مالك .. ملك اسمعي الكلام
ملك .. حاضر
أغلقت ملك الهاتف مع مالك وذهبت لارتداء ملابسها وارتدت حجاب فوق ملابسها فهي تريد من اليوم ان تلبس الحجاب
وجاء مالك واخذها الي الطبيبه
الطبيبه .. زي ما توقعت دلع بنات هما البنات الصغيره بيبقوا كدا في الحمل
مالك .. لاء ثواني هو حضرتك تقصدي أن ملك مراتي انا حامل
الطبيبه بابتسامة .. اه الف مبروك
ملك .. يعني انا هدفي ماما
مالك .. وأنا هبقي بابا
(وانا هتشل 😊)
آخذت ملك تقفز علي الأرض
مالك .. كفايا يحماره بس عشان ابني
ملك .. انا فرحانة اوي
مالك .. وأنا كمان ينور عيني
الطبيبه .. انا هكتبلها علي شويه فيتامينات وهتابع مع دكتور نسا
مالك .. شكرا يدكتوره
الطبيبه .. بس متخليهاش تتحرك كتير عشان الجنين يثبت
مالك .. ماشي يدكتور شكرا
الطبيبه .. الشكر لله
أخذ مالك ملك وخرجوا من عند الطبيبه
مالك .. شكل الحجاب وشه حلو اوي علينا
ملك .. اه
ثم أكملت هنروح فين بقا دلوقتي
مالك .. عند دكتوره نسا وتوليد
ملك .. على طول كدا
مالك .. اه آمال أي عشان اطمن علي مراتي وابني
ملك .. ربنا يديمك ليا يقلبي
وذهب بها مالك الي دكتوره متخصصة في مجال النسا والتوليد
الدكتوره .. انا كتبتلها علي شويه مثبتات وهتاخد معاها الفيتامينات اللي الدكتوره كتبتها ليها وهتجيلي الاسبوع الجاي إن شاء الله
مالك .. طب هو أمتي نقدر نشوف الجنين
الدكتورة .. بعد الشهر الرابع
مالك .. ماشي شكرا
وذهب مالك وملك
في السياره
مالك .. انا فرحان اوى بجد
ملك .. انا فرحانة انو هيبقى في جوايا حته منك انا بحبك اوي يا مالك
مالك .. انا اكتر يا روح مالك
والي هنا ينتهي البارت السابع
أنت تقرأ
زواج من أجل الانتقام
Storie d'amoreالمقدمه بقلمي اللؤلؤه مالك .. سأخذ حقق من قاتلك يا حبيبتي سأخذ حق ابننا سابكيه بدل الدموع دماء ساحرق قلبه علي ابنته الغاليه ساحرق العالم فوق رأسه اذهبي انتي وابني في سلام وانا ساحرق العالم وساجلب لكم حقكم ساشتاق إليكم كثيرا الوداع يا زوجتي العزيزه...
