زواج من أجل الانتقام

البارت الحادي عشر

البارت الحادي عشر
بقلمي اللؤلؤة ❤
في صباح يوم جديد مليئ بالأحداث الشيقه
استيقظت حور علي صوت رنين الهاتف وكان من يتصل هو مالك
حور بنوم.. الو
مالك.. اي يعسل قومي هو اكل امبارح كبس علي نفسك نيمك كتير انتي نايمه من الساعه 10 والساعه دلوقتي 7 بقالك تسع ساعات نايمه
حور بنوم.. طب سيبني 3 ساعات كمان وحيات امك
مالك.. قومي يسكر عندنا اجتماعات
حور.. كان يوم اسود يوم ما قررت أن اجمع الشركتين مع بعض
مالك.. قومي بقا عندنا اجتماع مع الوفد التركي الساعه 8 ونص
حور بعد أن هبت واقفه.. قول وحيات امك
مالك بضحك فهو يعلم انها تحب التركيين( مثلي انا كدا يعني)
مالك بضحك.. آه قومي بقا
حور.. اديني ربع ساعه وهكون في الشركه
مالك.. ربع ساعه وتكوني في الشركه اللي هي اساسا بتاخد وقت في الطريق من بيتكوا نص ساعه دا غير الوقت اللي هتلبسي فيه
حور.. يعم ملكش فيه انت انا هتصرف
مالك.. ماشي مستنيكي
حور.. ماشي سلام بقا
مالك.. سلام
أغلق مالك الخط مع حور وهو ينفخ بشده لا ينكر انه معجب بها ولاكن هو يفكر في الانتقام فقط ودائما يقنع نفسه انها ابنه قاتل ابنه وزوجته ويحاول الا يحبها بقدر الإمكان
مالك.. يارب ساعدني انا مش عاوز احبها
ولاكن مالك لا يعلم أن القدر يخبئ له الكثير والكثير
وبعد حوالي ساعه الا ربع كانت قد وصلت حور الي الشركه
دخلت حور الي مكتب مالك فهي الوحيد المسموح لها أن تدخل مكتب مالك دون أن تطرق الباب
حور وهي تلهث.. اوعي تقولي انهم جم
مالك بضحك.. لسه مجوش يختي اقعدي بقا نراجع ورق الصفقه
حور.. الحمد لله بس استني اما اخك نفسي ونراجع كل حاجة
مالك.. مش فاهم انا اي اللي يخليكي تيجي جري
حور.. اتنيل واطلبلي حاجه اشربها
مالك بضحك.. ماشي
طلب مالك من السكرتير ان يجلب له قهوه ولحور عصير جوافه لأنها تحبه(  نعم فا مالك اجلب سكرتير حتي لا يجلب فتاه اخري ويحبها او تاخذ مكان ملك وهو لا يعلم أن التي ستأخذ قلبه هي من تجلس أمامه )
_-_-_-_-_-_-_-_-_-_-_-_-_-_-_-_-_-_-_-
في مكان مجهول
شخص 1.. ها عرفتي هتعملي اي
شخص 2.. طبعا يا خالد فهمت بس انا عندي سؤال
خالد.. اسألي يا ميار
ميار .. ازاي هقدر ادخل ما بينهم ومالك مش هياخد باله
خالد.. يهبله انتي ومالك كنتوا صحاب وهو ميعرفش انك كنتي بتحبيه فا هيفرح انو وصلك تاني وكمان محدش كان يعرف انك انتي انتحرتي
ميار.. صح معاك حق
خالد.. بس صحيح انتي محكتيش ليا لحد دلوقتي انتي لسه عايشه ازاي وكمان اختفيتي فين الفتره دي كلها واي سبب كرهك للعيله دي وانتي كنتي بتحبي مالك
ميار.. قبل ما جوزي يموت كنت عاوزه اشكر مالك عشان بسببه اتعرفت عليه وفهمت اني محبتش مالك وان اللي حبيته بجد هو طارق بس هو كان السبب في موت جوزي لما خد منه صفقه عمره وخلاه يعلن افلاسه وبعدها جوزي مقدرش يتحمل الصدمات دي كلها ومات فا عشان كدا بكره مالك وأما بقا اتعرفت علي جوزي ازاي فا جوزي كان في نفس المطعم اللي كنت في اما قررت انتحر وساعتها شربت دوا عرفت انو بيموت خلال 5 ساعات وبعدها اغم عليا وهو شافني واخدني المستشفي ولحقني قبل ما اموت وبعدين طلبت منه ومن الدكتور ان اي يسأل عليا بقولهم اني انتحرت كنت فاكره مالك هيسال عني بس مسالش لانه انشغل في قصه ملك بتاعته وبعدين اتقابلت انا وطارق عشان اشكره واتعددت خروجاتنا لحد ما طلب ايدي وفضلنا عايشين مبسوطين لحد ما حصل اللي حصل فا عشان كدا انا عاوزه ادمرهم كلهم
خالد.. بس الحقيقه ان مالك سأل عليكي وانا قولتلوا انك سافرتي عشان اعرف انتقم منه براحتي بس دا ميمنعش انه يستاهل التدمير علي كل اللي عملوا
ميار.. معاك حق
-_-_-_-_-_-_-_-_-_-_-_-_-_-_-_-_-_-_-_-_-_-
في بيت وليد وحياه
كانت حياه تجلس تشاهد التي في الي ان جائها اتصال فا أجابت فكانت اروي
اروي..الو
حياه.. اي يا اروي
اروي.. هو انتي فاضيه
حياه.. اه فاضيه
اروي .. طب كنت عاوزه اخرج شويه اي رايك تيجي معايا
حياه.. ماشي هكلم وليد والبس
اروي.. ماشي هلبس واجي
حياه.. ماشي
اغلقت حياه الخط مع اروي وهاتفتت وليد
وليد.. الو
حياه.. وليد كنت عاوزه اخرج شويه مع اروي
وليد.. ماشي يلا روحي
حياه باستغراب.. وليد مالك هو في حاجه
وليد بغضب مصطنع.. لاء مفيش يلا اقفلي بقا
حياه.. وليد انت كويس
وليد بنرفزه مصطنعه.. قولتلك مفيش يلا سلام
وأغلق الهاتف بوجهها
حزنت حياه بشده بمعاملة وليد لها وقامت وارتدت ملابسها وجائت لها اروي وذهبوا الي النادي
في الطريق
اروي بخبث.. مالك يا حياه
حياه بحزن.. مفيش بس وليد زعق فيا شويه بس
اروي بخبث.. لي حصل حاجة
حياه.. معرفش هو مره واحده عمل كدا معرفش لي
اروي .. تلاقي ضغط شغل بس لو كان عنده عمليه
حياه.. ممكن
اروي.. فكي بقا
-_-_-_-_-_-_-_-_-_-_-_-_-_-_-_-_-_-_-_-_-_-
في شركه مالك
كانوا قد انهو اجتماعهم
حور.. شوفت يا مالك شوفت
مالك.. اي في اي
حور.. شوفت قمرات ازاي
مالك بضحك.. يلا يهبله
حور.. هبله اي انت اصلك مخدتش بالك هما قمرات ازاي
مالك بضحك.. طب يلا يختي عشان نلحق نروح عشان وليد رن خمسين مره
حور.. وربنا وليد دا مجنون
مالك.. صح بس هو بيحب يفاجئها
حور.. ربنا يخليهم لبعض
مالك.. يارب
حور.. طب هنروح بعربيتك ولا عربيتي
مالك.. لاء تعالي معايا وهبقي اخلي حد يوديلك العربيه علي البيت
حور.. ماشي يلا
وبعدها ذهبوا الي النادي
-_-_-_-_-_-_-_-_-_-_-_-_-_-_-_-_-_-_-_-_-_-
في النادي
كان قد وصل مالك وحور ووليد وجميله ووالد حياه والدتها وأكرم قبل حياه واروي
وعند وصول حياه واروي
ذهبوا الي مكانهم المعتاد علي البحر ووجدوا الجو ظلام
فاستغربت حياه
حياه.. هو في اي يا اروي
ولاكن لم يجيبها احد
فقلقت حياه
حياه.. اروي انتي فين يا اروي
وفجأه فتح النور ووجدت الجميع يقف ويغني لها ووجدت أمامها تورته عليها صورتها هي وكل واحد من الموجودين وصوره لوحدها أيضا
ففرحت بشده
وجاء لها وليد
وليد.. كل سنه وانتي حياتي يا حياتي
حياه.. وانا اللي فكرتك بتخوني
وليد.. حد يبقي معاه القمر ويبص للبشر
حياه.. يمجنون يا وليد
وليد .. بحبك يا حياتي
حياه.. وانا بموت فيك يا عمري انا
وليد.. طيب دي هديتك افتحيها
فتحتها حياه فوجدت بداخلها اشياء كثيرة
وليد.. دي كل حاجه كانت بينا من اول ما حبيتك من وانتي في الإعدادي دا كل جواب كنت عاوز اديهولك وكنت برجع في قراري دا كل رسمه رسمتهالك وكل الكلام اللي كتبته عنك من اول ما حبيتك هتلاقيه في كشكول كبير عندك دي كل صوره كانت ما بينا وكل ذكره كانت لينا سواء حلوه أو وحشه وفي حاجات كتير تانيه هتشوفيها
حياه بدموع وفرحه.. ربنا يخليك ليا يا روحي وميحرمنيش منك ابدا
وليد.. ولا يحرمني منك ابدا
فتاثر الجميع ولكن مالك حزن لان زوجته تركته ولم يقدر ان يفاجئها فأحثت حور بذالك فحاولت تلطيف الجو
حور.. طب بعد اذن المحن كلنا سناجل بس معلش ومشاعرنا هتطلع تشتمكوا وكمان التورته دي مغريه وانا مكلتش حاجه من الصبح انا والغلبان دا فا كفايا كدا وأما تروحوا بيتكوا اعملوا اللي انتو عاوزينوا عشان انا جوعانه دلوقتي
فضحك الجميع
وقاموا بتقطيع التورته وبعدها قدم كل واحد هديته لحياه وجاء دور حور
حور.. بصي بقا يستي انا جبتلك حاجه جميله اوي جبتلك سلسله فيها فيديوا متحرك في صورنا كلها وانا كمان نفس السلسله بس بتاعتك مكتوب عليها حور وانا بتاعتي مكتوب عليها حياه وكمان فيها جي بي اس عشان لو حصل لحد فينا حاجه نقدر نوصل لبعض وكمان جبتلك فأر ابيض غير ميرو اللي مات رغم اني كنت خايفه وانا شايلاه
مالك.. مثلي بقا وانا اللي شايله طول الطريق وكمان دا انتي حتي سيبتيه مكانه عشان تروح هي تجيبه
فضحك الجميع واحتضنت حياه حور وقالت لها
حياه.. ربنا يخليكي ليا يا حور بجد فرحتيني
حور.. ويخليكي ليا يا حياه
وبعدها جلس الجميع يتحدثون ويضحكون الي ان ذهب كل واحد الي منزله واوصل مالك حور وفي الطريق
مالك.. حلوه اوي الهديه بتاعتك عجبتنا كلنا
حور.. حياه دي اختي مش صاحبتي وكمان دا شويه عليها
مالك.. انتي جميله اوي يحور جميله في تصرفاتك في معاملتك للناس جميله في طيبتك كل حاجه فيكي جميله
حور بخجل.. شكرا يامالك
ووقف مالك عند بيت حور
حور.. يلا سلام
مالك.. هعدي عليكي بكره اخدك معايا
حور.. ماشي باي
مالك.. باي
ودخلت حور بيتها وذهب مالك
وكان مالك يعتقد انه قال هذا الكلام لحور حتي ينفذ الخطه ولاكنه لا يعلم انه قال ذالك من كل قلبه
اما في بيت حور عندما دخلت بيتها قامت بوضع يدها علي قلبها لانه كان يدق بسرعه من كلام مالك لها ولأول مره كانت تعترف حور لنفسها انها احبت مالك وبعدها ذهبت الي والدها وتحدثت معه وبعدها ذهبت الي غرفتها كي تنام ولاكنها ظلت تفكر في مالك مده طويله ولاكنها ذهبت في ثبات عميق بعدها
-_-_-_-_-_-_-_-_-_-_-_-_-_-_-_-_-_-_-_-_-_-
الي هنا وكان البارت قد انتهي ونلتقي في بارت جديد إن شاء الله
سلام 👋👋❤