البارت الثامن
بقلمي اللؤلؤة
مبدئيا كدا وقبل اي حاجة انا أسفه جدا علي التأخير بس كان غصب عني والله
وإن شاء الله مش هتاخر تاني
______________________________________
ذهب مالك وملك الي احدي المطاعم بعد معرفتهم بحمل ملك
ملك .. انا مبسوطة اوي يا مالك
مالك .. وأنا كمان يا روح مالك
ملك .. عارف نفسي في أي
مالك .. في أي ياقلبي
ملك .. نفسي في ولد يكون شبهك عشان اما تروح الشغل وتسيبني الاقيك قدامي
مالك .. انا بقا نفسي في بنت تكون حته منك وهسميها ملك علي اسمك عشان يبقي عندي اتنين ملك مالين عليا حياتي وساعتها مش هحتاج حاجه من الدنيا بعد كدا
ملك .. بحبك اوي يعمري
مالك .. وأنا بموت فيكي يقلب مالك
ملك .. انا جوعت يلا ناكل
مالك .. ماشي عاوزة تاكلي اي
ملك .. اطلبلي انت
مالك .. ماشي يستي
وطلب مالك العشاء وجلسوا يتحدثون سويا
______________________________________
عند والد حور
كان جالس يفكر في ما قاله له خالد وماذا يفعل هو خائف بشده علي ابنته وأيضا خائف على مالك فهو مثل ابنه ووالده كان صديقه ضميره يأنبه كثيرا
وبينما هو يفكر جاء بباله شيء
عبد الرحيم لنفسه .. معقول هو ممكن ياذي مالك اكتر من كدا عشان بس الفلوس اكيد في حاجه تانيه وانا لازم افهم
وقام من مكانة مسرعا ذاهبا الي خالد
وعندما وصل وجده يخرج من مكتبة ذاهبا إلى منزله فا اوقفه عبد الرحيم
عبد الرحيم .. استني يا خالد عاوزك
خالد .. انت بدأت تقرفني بس تعالي
واخذه ودخل الي المكتب مجددا
خالد .. ها عاوز اى
عبد الرحيم .. هو انت عاوز تفهمني انك بتكره مالك اوي كدا وعايز تأذيه بالطريقه دي عشان الفلوس بس
خالد .. مالك اخد مني حبيبتي زمان اما هي حبته ورفضتني وساعتها هو محبهاش وانتحرت بسببه واما حبيت ملك هو برضو اخدها مني واتجوزها عشان كدا هاخدها منه ومش هنيه عليها
عبد الرحيم .. هو ملهوش ذنب أنها محبتكش لي تحرمه منها بعد ما وصلها
خالد بعصبية .. عشان هي مش من حقه ملك دي بتاعتي انا بس
عبد الرحيم .. دا نصيب وربنا مقدرلك نصيبك مع حد تاني سيبهم في حالهم ولو بتحب ملك صحيح سيبها مبسوطة مع الإنسان اللي بتحبه وبلاش تبوظلها فرحتها واتمنالها الخير
خالد بشر .. لاء مش هسيبهم مش هيحصل ملك هتبقى ملكي وقريب قوي
عبد الرحيم .. وانت مش خايف اني ممكن اقول لمالك أو للبوليس
خالد بشر .. لاء مش خايف عشان عارف انك مش هتقدر تعمل كدا عشان هتخاف على بنتك
عبد الرحيم .. بس هتقدر امنعك يا خالد
خالد .. محدش يقدر يمنعني من اني اعمل حاجه انا عايزها
عبد الرحيم .. بص يا خالد انت زي ابني اكرم وابوك كان صاحبي وخايف عليك زي ما انا خايف علي مالك سيبهم يبني في حالهم وربنا هيعوضك
خالد بشر .. لاء مش هيحصل مش هيحصل
خرج عبد الرحيم من مكتب خالد وهو حزين بشده علي خالد وعلي مالك أكثر وهو يحس أن يداه مربوطين ولم يعلم ماذا سيفعل لأول مره يكون ضعيف وحزين بهذه الدرجة منذ وفاه زوجته الحبيبه فقرر الذهاب الي قبرها لأنه اشتاق لها بشده وليتكلم معها فهو منذ مدة لم يذهب لها أو يتكلم معها
______________________________________
وعلي النحو الآخر كان قد انتهى مالك وملك من طعامهم وذهبوا الي المنزل
وعندما وصلوا وجدو وليد وحياه وحور واروي وجميله جالسون يشاهدون التلفاز
مالك .. بما ان الكل متجمع كدا انا عندي خبر حلو ليكوا
جمليه .. خير
ملك .. بعد تسع شهور في بيبي جميل هينور البيت
جمليه .. ألف مبروك يا حبيتي ربنا يتمملك علي خير أخيرا هبقي جده
مالك .. الله يبارك فيكي يا ست الكل
وهنئهم الجميع بما فيهم حور برغم انها حزنت بشده بهذا الخبر لم تعلم لماذا حزنت هي لم تحب مالك ولاكن لما حزنت حاولت حور تجاهل الموضوع ولكنها كانت تكره وجود ملك في المكان هي تحب ملك فلماذا يحدث معها ذالك خمنت حور بأنها مرهقة وان مزاجها ممكن أن يكون ليس جيدا اليوم ومن الممكن انا ترجع لطبيعتها في اليوم التالي واسأذنت حور للذهاب إلى المنزل
______________________________________
ذهبت حور الي المنزل ولم تجد والدها بالمنزل فذهبت الي المرحاض لتأخذ حمامها وبعدها تهاتف والدها حتي يأتي
______________________________________
في المقابر
كان والد حور جالس عند قبر زوجته يشكي لها مما يحدث ويتذكر أيامهم سويا فهو كان يحبها بشدة وبينما هو يتذكر أيامه مع زوجته الراحلة اتي له حارث المقابر
الحارث .. مينفعش كدا يا باشا الدنيا ليلت مينفعش تفضل هنا اكتر من كدا
عبد الرحيم .. حاضر همشي
الحارث .. مع السلامه يا باشا
وذهب إلى منزله وهو يتمني أن تأتي له زوجته في المنام لأنه اشتاق لها بشده
______________________________________وصل والد حور الي المنزل وفي هذا الوقت أيضا كانت حور تنزل الي الأسفل لجلب الهاتف للإتصال علي والدها فوجدت والدها يدخل من الباب
حور .. بابتي اتاخرت كدا لي
عبد الرحيم .. معلش يا حبيبتي رحت عند أمك شويه عشان كانت وحشاني اوي
حور .. طب اطلع غير هدومك عقبال ما أحضر الأكل عشان ناكل
عبد الرحيم .. لاء كلي انتي يا حبيبتي انا مليش نفس انا عاوز اريح بس شويه
حور .. ماشي يا حبيبي المهم راحتك راحتك عندي بالدنيا
عبد الرحيم .. ماشي يحبيبتي تصبحي علي خير
حور .. وانت من أهل الخير يا روحي
صعد والد حور الي غرفته ليستريح من التفكير في كل ما يحدث حوله
وذهبت حور الي المطبخ لإعداد وجبة خفيفة وهي تفكر في ما حدث معها اليوم
وبعدها هاتفت حياه
حياه .. اي مشيتي بدري لي
حور .. مفيش حسيت ان مودي مش حلو وكنت عاوزة ارتاح
حياه .. حور انتي مخبيه حاجه عليا
حور .. وهخبي عليكي اي يعني
حياة .. معرفش انا بسالك
حور .. لاء مش مخبيه عليكي حاجه
حياه .. عامتا اي وقت عاوزة تكلميني في كلميني
حور .. اكيد هعمل كدا هو انا ليا غيرك اقرفه معايا
حياه .. علي رأيك بس صحيح انا كنت عاوزة نرجع الكليه تاني دا هو ترم اللي فاضل لينا حرام نضيع سنه كمان في تعالي نرجع الكليه ونخلص منه وخلاص
حور .. معاكي حق انا اصلا عاوزه ارتاح وبابا كمان كل اما يشوفني يقولي مش ناويه تخلصي السنه دي بقا
حياه .. خلاص تعالى نروح بكره
( والله احسن قرار اخدتوه عشان انتو لسه متعرفوش اي اللي هيحصل هيخليكوا متخلصوش السنه دي 😊😊)
حور .. خلاص ماشي بس إياك بس ابويا ميدبسنيش في الشغل معاه
حياه .. مهو لازم يدبسك هيجيب مين غيرك يعني يدبسه دا حتي أكرم اخوكي هيبقى دكتور فا لازم انتي اللي تشيلي معاه
حور .. علي رأيك دا حتي بابا تعب اوي والفترة دي حاله مبقاش عاجبني علي طول سرحان وحاسه انو علي طول مضايق مش ابويا اللي انت عارفه
حياه .. ربنا يخليهولك ياقلبي وميحرمكيش منه
حور .. يارب ياقلبي
حياة .. طب يلا هقفل انا بقا عشان انام عشان اصحى بدري
حور .. ماشي باي
حياه .. باي
أغلقت حور الهاتف مع حياه وهاتفت أخيها
أكرم .. وحشتيني يا كلبه البرك
حور .. وانت كمان والله
أكرم .. مال صوتك
حور .. بابا حاله اتغير اوي يا أكرم وعلي طول زعلان وسرحان
أكرم .. خلاص هي كلها 3 شهور هخلص السنه دي واجي أكمل هنا واهو ابقي معاكوا
حور .. ربنا يرجعك لينا بالسلامه يا حبيبي
أكرم .. مش ناويه تخلصي بردو آخر سنه بقالك سنتين فيها مره عشان تستني حياه ومره عشان حياه اتجوزت
حور .. لاء منا هخلصها بقا وخلاص انا وحياه
أكرم .. طب الحمد لله ربنا يهديكي
حور .. ويهديك يقلبي
أكرم .. طب يلا قومي نامي بقا عشان تلحقي تصحي بدري
حور .. ماشي يلا باي
وأغلقت حور الهاتف مع أخيها وذهبت لغرفتها للنوم
فماذا سيحدث يا تري
هل سيأخذ خالد ملك من مالك
وهل ستؤمن اروي واكرم بالحب
وهل ستحب حور مالك
وماذا سيفعل عبد الرحيم مع خالد
وماذا سيحدث مع حياه ووليد
وهل ستدوم سعاده الجميع
كل دا هنعرفه في البارت الجاي ان شاء الله
والي هنا ينتهي البارت الثامن
لو عجبكم البارت ياريت متبخلوش عليا بفوت وكومنت
الي اللقاء 👋👋❤
أنت تقرأ
زواج من أجل الانتقام
Romantikالمقدمه بقلمي اللؤلؤه مالك .. سأخذ حقق من قاتلك يا حبيبتي سأخذ حق ابننا سابكيه بدل الدموع دماء ساحرق قلبه علي ابنته الغاليه ساحرق العالم فوق رأسه اذهبي انتي وابني في سلام وانا ساحرق العالم وساجلب لكم حقكم ساشتاق إليكم كثيرا الوداع يا زوجتي العزيزه...
