في منزل يغلب عليه طابع التواضع والمحبه في بيت الحج عبد الحميد والد حسن .
دخل حسن من البيت بعد مسلم علي والدته
وبيفتح باب اوضته فجاه لقي مين ..؟..
حسن:انتي بتعملي اي عندك
-عاااااا خضتني يا كابتن 🙄
حسن :بتفتشي علي اي في اوضتي يا بت ها انطقي بدل ما اعلقك انهارده 😠
بس اهدي بس وسيب افايا وانا اقولك ،وبعدين انا كنت بطمن عليك مش انت اخويا حبيبي🥺.
حسن : بت الشويتين دول مش عليا اعترفي كدة بالزوق بدل مخليك تعترفي بالعافيه .ها هتنطقي ولا لا
هنطق هنطق الحق عليا اني كنت بشوفك صاخ سليم ومعلكش غبار 😉
حسن :اي صاخ سليم دي انتي بتعمليلي فيش يا بت اخلصي يا ندي علشان بصي هيا ثانيه ومش هتشوفي في وشك ملامح
ندي:هقولك هقول قرب ..اي ..بس قرب كلام سر
قربت يا ستي ها قولي ...اصل انا كنت بشوف عندك صوره مزه كدا ولا كدا 😉وكنت هقفشها عليك بقا وسيطك في المنطقه 😂😂😂.
حسن :والله داخله اوضتي علشان كدا ها طب تعالي بقا وهب تاخ🤛👊👋علي قفا وفي الوش البت باظت
ندي: عااااااااااااا يا ماما الحقيني من ابو لهب 😭😭اهدي يا شبح اهدي بس طب اقولك علي سر
حسن بصريخ:تعالي بت تعالي يا اوزعه تعالي انا ابو لهب وشبح بتجيبي الكلام دا منين تعالي هنا
ندي : لا مش هاجي ومش هديك المفتاح وشوف بقا هتلحق تقل الاوضه ازاي من ولاد اختك عبير اللي جايين دلوقت .
حسن :نهار اسود عبير ام الشياطين جايه 😳هاتي يا بت المفتاح بسرعه هاااااتي
ندي:طب عمض عنيك وانا ادهولك ...اهو انجزي بقا .
ندي :😂😂وضحكت عليك ههههههههه مش هدهولك .
حسن :اه يا بنت ......خدي يا بت وجري وراها .
راحت فين البت دي استغفر الله العظيم انتي ابت يا ندي انتي زفته.ياماما يا ماما
ماما:ايوه يا حسن صوتك طالع ليه عايز اي
حسن :بنتك راحت فين ؟
ماما :عند ابوك لسه داخل
حسن :اه عند ابوك يبقا مش هنخلص انهارده .
وفي نفس البيت هنلاقي ندي قاعده في حضن الحج عبد الحميد .
ندي بتمسكنه.شوفت أبابا ابنك الحمار المتوحش عمل فيا اي 🥺🥺
عبد الحميد :قوليلي عمل فيك اي الطور اللي جوه دا وانا ادبهولك
ندي :مسكني وفضل يضربني علي قفايا بالالام وبالبوكس في وشي وضهري وبطني ودماغي را ح مسكها كدهون وخبطها في الباب 😭😭وانا معملتلوش حاجه خالص خالص
عبد الحميد بضحكه مكتومه :عمل فيك دا كلو دا وقعتو مش فايته انهارده اصبري عليا بس ،بس انتي متزعليش وهاتي بوسه لبابا 😘يلا مين حبيب بابا :ندي مين روح بابا :ندي
حسن : وصله العشق الممنوع دي هتخلص امتي علشان اجي في وقت تاني 🙎
عبد الحميد :مالك ومال اختك يلا ها
-يا بابا هيا اللي غلطانه ....بس ولا كلمه اختك دي ملكش دعوه بيها خالص طول منا عايش سامع ولا لا
-ربنا يديك طوله العمر يا بابا بس والله هيا اللي غلطانه وبعدين انا لو عملت اللي بتقولوا دا كان زمانها في المستشفي .
عبد الحميد :تعالي علشان عاوزك في موضوع اطلعي يا ندي
ندي وهيا طالع بصت علي حسن 😛😛..شايف يا بابا شايف .
عبد الحميد مقدرش يمسك نفسو اكتر من كدا 😂😂😂😂😂😂😂😂😂😂😂الله يخربيتك انت وهيا ههههههههههههه
معلش يا حسن اختك الصغيره وبتدلع عليك
حسن :دي بتتبلي عليا مش بتدلع يا بابا دا انا داخل اغير هدومي تلاقيها زي الفار بتقلب في الاوضه وتقولي بطمن عليك ليكون عندك صوره مزه ولا حاجه وخدت المفتاح وجريت.
_ههههههههههههههههمعلش يا بني حقك عليا وانت يعني علي رايها مفيش مزه كدا ولا كدا 😉 ها
حسن:حتي انت يا بابا لا مفيش والله مفيش لسه مش لاقي الانسانه اللي قلبي يدق اول ما يشوفها😊
_احم نحن هنا يا استاذ..
_معلش يا بابا انت منا وعلينا 😂😂
_ماشي يا حسن روح شوف انت كنت هتعمل اي
_بابا وسع كدا
_اي
حسن نام علي حجر ابو : انا حلمت حلم غريب اوي يابابا امبارح وخايف اوي .
عبد الحميد وهو بيمسح علي شعر حسن : متخفش يا حسن أن شاء الله خير بس قول حلمت اي يمكن اقدر اساعدك .
حسن :حلمت يا بابا أن في بنت لابسه اسود قربت من هنا وكانت بتعيط جامد اوي وباين الحزن في عينيها وفي تعابين ماشيه وراها ودخلت عندنا هنا واحنا طلعناها تسكن في الشقه الدور 3والتعابين كانت ماشيه وراها برضو وانا جيت الحقها راح تعبان عضني بس وقمت مفزوع
عبد الحميد وهو بيقرا قران علي شعر حسن: أن شاء الله خير البنت دي يتيمه وهتيجي نقويها هنا بس هيبقى عندها مشاكل واحنا المشاكل دي هندخل فيها يلا قوم غير هدومك وصلي ركعتين ومتقولش لمك حاجه ماشي وتعالي .
حسن باس ايد والدو:حاضر يا حج ربنا يخليك ليه .
🌹🌹🌹🌹🌹🌹🌹🌹🌹🌹🌹🌹🌹
في مكان تاني بعيدا عن القاهره في قلب الصعيد
انت لازم تلاجي مقصوفه الرجبه اللي جبتلنا العار دي .
_حاضر يا ابوي اني جالب الدنيا عليها بس هانت يا ابوي ولما هلاجيها محدش هيرحمها من تحت يدي .
🌹🌹🌹🌹
أنت تقرأ
دموع العاشقين 💔
General Fictionاجتماعيه . ومليئة بتحديات الحياه .رومانسيه . تحتوي علي 3حكايات بثلاث ابطال وبطلات بقلمي :_لمياء احمد 💖 ..ممنوع تماما نقل الروايه أو نشرها حيث أن حقوق النشر لجميع رواياتي مسجله حصري ومن يفعلها يعرض نفسه للمسائله .
