وصلنا لغايه لما رحمه خلاص هتبيع الشقه ....
في الصباح الباكر:خدت رحمه شنطتها وحاجتها ونزلت قابلت عمو عبدو السلام عليكم.
-وعليكم السلام ورحمه الله وبركاته يا بنتي جاهزه الراجل سبقك علي البنك .
رحمه: ايوه جاهزه يا عمو يلا اشوف وشك بخير .
-مع السلامه يا بنتي روحي اللهي يوقفلك ولاد الحلال يا رب .
ومشت رحمه وراحت البنك لقت الشخص اللي هيشتري الشقه ازيك يا استاذ ..
_اهلا يا انسه اتفضلي الفلوس جاهزه والعقد ناقص امضتك عليه ..
-حاضر هات العقود ومضت رحمه العقد وخدت الفلوس دخلت بسرعه البنك ودفعت الفلوس واستلمت المخالصه...
رحمه :استني يا استاذ :دي نسخه من المخالصه علشان لو حصل حاجه ..
-ماشي يا بنتي مع السلامه
رحمه: مع السلامه في امان الله
ومشت رحمه قعدت علي الرصيف المقابل مش عارفه هتروح فين ولا هتعمل اي دموعها نزلت دموع الوحده والألم دموع العجز ..
مسحت دموعها وقالت :انا خلاص مش هضعف تاني وهبقا قويه يا بابا زي معلمتني..وخلاص انا معدش ليا مكان هنا بعد مسبتوني .......
.......................................
وفي مكان تاني بعيدا عن المدن في قلب الصعيد ...
-انت يا عمران انت يا زفت
عمران: ايوه يا ابوي ايوه
-وصلت لعمك محمود ولا لاه
عمران :ايوه يا ابوي وصلت بس الاخبار مش ولا بد يعني يا ابوي .
-اخبار اي انت هتنجطني بكلمتين كل شويه اخلص علي طول .
عمران : قاعدين في اسكندريه ومن اسبوعين أكده عمي عمل حادثة هو ومراتو وابنو وراحوا فيها وبنتو باعت الشجه اللي كانو جاهدين فيها ومعرفلهاش طريج واصل ..
-يا وجعه طين البت طفشت .اسمع اهو عمك غار والسلام وكويس انو ابنو راح وياه .،تجلب الدنيا علي مقصوفه الرجبه دي وتجيبها ندفنها وندفن عارها سامع يا عمران..
عمران: سامع يا ابوي واني مش ساكت اني جالب الدنيا عليها ومش هسيبها واصل ..
..........
نرجع لرحمه .
خدت شنطتها وركبت السيارة وقالت عايزه اروح القاهره لو سمحت ....وانتلقت رحمه الي المجهول الخفي اللذي ينتظرها .....
.....................
عند حسن :::
رجع حسن من شغلو ..
حسن : السلام عليكم يا بشر عاملين اي ...وباس ايد مامتو ازيك يا صفصف وحشتيني والله ...
صفيه الام : يا واد لم لسانك دا ابوك لو سمعك هيبهدلك .
حسن : ولا يهمنا يا قمر انت يا عسل ...فين البت المفعوصه راحت فين .
صفيه : لسه في الجامعه وانت جاي في معادك اصلي كان في موضوع كدا عاوزاك فيه .
حسن في سره :موضوع اه انا عارف انا الموضوع دا
ها يا ماما موضوع اي
صفيه : يا ابني انت مش هتريح قلبي وتتجوز بقا نفسي اشوف عيالك قبل ماموت 🥺..
حسن : يا ماما يا ماما هو احنا مش اتكلمنا في الموضوع دا خمسين مره قبل كدا وقولت انا مش لاقي الانسانه اللي انا عايزها
صفيه : طب انا عندي اللي انت عايزها .
حسن : وانا قولت لا يعني لا .
صفيه : مالها رانيه بنت خالتك وحشه يعني ولا وحشه .ادب واخلاق مفيش بعد كدا .
حسن : بالله عليك متقوليش كدا بس انتي متعرفيش حاجه ..انا قايم ماشي انا مش عارف انا اي اللي جابني ....
ودخل غير هدومو ونزل للجيم .......وبعد ساعتين رجع البيت كلو موجود وكانت الصدمه انو خالتو وبنتها موجدين😳 ..
حسن : احم احم اه السلام عليكم ازيك يا خالتو عامله اي ..
-كويسه يا حبيبي انت عامل اي مش تسلم علي بنت خالتك رانيه
حسن : اه انا تمام ومالو نسلم ازيك يا انسه رانيه ..
رانيه بسهوكه : كويسه الحمد لله وبعدين اي انسه دي قولي يا راني رانيه بس .
حسن : اه طبعا معاك حق احنا اخوات برضو وانتي زيي ندي برضو .
(بهتت معالم رانيه وامها🤭 )
حسن لمامتو : ماما انا داخل اغير واستريح شويه لما تجهزي الاكل نادي عليا .....
...ودخل اوضته وما هيا الا ربع ساعه ولقي اللي داخل اوضته
رانيه بسهوكه: خالتو بتقولك يلا علشان تاكل
حسن : ماشي اطلعي وانا جاي
رانيه بسهوكه راحت لعندو علي السرير :مش عايزني اجيبلك حاجه ولا اساعدك في حاجه
حسن بعد اديهاوبقرف : لا مش عايز منك حاجه ومشفكش في الاوضه دي تاني سامعه ولا لا بره يلاااااا.
رانيه خافت وطلعت جري
حسن /: استغفر الله العظيم اي الاشكال الزباله دي اف 😡.
...........
ونرجع لرحمه تلك الملاك البرئ الذي أصرت الحياه علي كسر اجنحتو وهو مازال في ريعان الشباب ...
وصلت رحمه القاهره بس قبل متنزل قالت للسواق لو سمحت متعرفش شقه تاجير
السواق :بنظرات اشمازاز : لا معرفش ويلا بقا مش فاضيين ...
رحمه : طب اي فندق اقعد فيه
السواق : اعرف فندق بس غالي حبتين -رحمه : مش مهم المهم اللاقي مكان اقضي فيه للصبح ..
السواق : ماشي استرها علي ولايانا يا رب وهو ميعرفش حاجه من اللي مرت بيه هيا دي البشر بتحكم علي الناس من بره قبل متشوف المعدن الاصيل ..
وصل الفندق وصلنا اتفضلي
رحمه : شكرا
دخلت الفندق وراحت تحجز اوضه
موظف الاستقبال :اهلا وسهلا يا فندم اي أوامر
رحمه : لو سمحت عايزه اوضه واحده ليوم واحد بس
الموظف : اتفضلي املي الاستماره دي وسعر الغرفه 500جنبه
رحمه 😳😳خمسميه: تنهدت بقله حيله ماشي اتفضل
وراحت لغرفتها في الفندق ونامت من كتر التعب ............
والصبح نزلت تدور علي شغل لفت ولفت ولفت لغايه في الاخر لقت محل ورد اتفقت مع الست أنها تشتغل معاها وكمان هتنام في المحل والست وافقت ورحمه الفرحه مش سيعاها مشت راحت الفندق خدت شنطتها وابتدت تشتغل وسط الورد ........
🌹🌹🌹🌹🌹🌹🌹
بس يا ترا الحياه ابتدت تتعدل مع رحمه ولا للقدر راي تاني ؟
هنعرف في الفصول الجايه أن شاء الله....
متنسوش اضغطوا علي النجمه ⭐
بقلمي Lamiaa 💖
أنت تقرأ
دموع العاشقين 💔
Fiction généraleاجتماعيه . ومليئة بتحديات الحياه .رومانسيه . تحتوي علي 3حكايات بثلاث ابطال وبطلات بقلمي :_لمياء احمد 💖 ..ممنوع تماما نقل الروايه أو نشرها حيث أن حقوق النشر لجميع رواياتي مسجله حصري ومن يفعلها يعرض نفسه للمسائله .
