أمطرت حباً.

اليـوم الرابـع.

اليـوم الرابـع 💗.

ممكن نـموتو مـن فـرط الإنتظـار، روحنـا تـنور مـن فـكرة لقـاء.. نـقدمو منغير مـانوقفو، نـتراجعو زي شريط ذكـرى قـديم..
ممكن نـتوهجو زي نـجم صغير وممكن نـطفو مـن العتمـه.. نـغرقو بـنظراتنـا.. نـفيضو مـن الحب!
نـقربو ونـتراجعو، نـتعلو ونـطيحو،
حـ يقعدو أرواحنـا ادور بين مـد وجـزر.. يـوم وألـف مـزاج متلخبط فينـا حيقعد يرفـع ويـجيب..

يـوم جديد وأفكـار وضعفـهم مـن الشعور المزاجي اللي مش عـارف ياخد قـراره.

فـاقت وزي ما إعتـادو عيونهـا يتصبحو على كـلامه اللي يسقي في روحهـا العطشانـه بـالبـعد.

"في صبـاح اليـوم الرابـع في كوخنـا اللي انتي محليتيه نبي نقولـك إن أنـا معاك بـكامل نرجسيـتي ومـغرم بيـك ♥️.
ضايـع حتى فـي رمـوشك اللي ينقاسـوا. و طـولك الـروحاني اللي سـاندني و مقـوينـي.
تـي يـاودي و من الأخير هذا حـكم الحـق وحكم قلبي نحـبك ♥️."

ضحكتهـا اللي أمتلت بيهـا وعيونهـا المغرومات.. نـاضت ومشت تصلي صبحهـا وعباتـه بـالدعاء من وسط الخـاطـر 🤍.

دارت تـرويقتهـا وقعمزت فمكانهـا المعتـاد في جنـانها المعبي بـالورد اللي يشبهلهـا.

خدت نقالهـا وكتبتلـه بقلبهـا وبكل روح معبيه حنيـه فوسط كلامهـا

"لـقريبي من جيهة قلـبي ، حبيـت نفكـرك ان مكانك في قلبي وهوا حوشك الدافي ، وإن البعـيد على العين ساكن في الروح ، وعبيط هلبا اللي قال الغـايب عذره معاه ، إنت تغيب وقلبي يغيب معاك ♥️."

مرو دقـايق في تـأملها وخطر فبالهـا فكرة إن تطلع وتتمشى في البـلده لعـل وعسى يصادفهـا شي يصنع يومهـا ويخليـه خفيف.

جت العصريه وجهـزت روحهـا بمعطفهـا الصوف ووشاحها وشويـة لمسات لطيفه انـزادو في أناقتهـا.

وهي مـاشية وعيونهـا يشبحوا بـتمعن لـكل التفاصيل فـ الطريق هكي من يومهـا تحب تـتأمل أبسط الحاجات وتـخلي منهم حكـايه 🤍،

لفتت نظرهـا مرأة تبـان وكـأنها فـ60 من عمرهـا تتمايـل فـ مشيتهـا والبـاين إنهـا بحاجه للمساعدة ، بلا تـردد رفعوهـا رجليهـا ليها.. كـانت مراه ببياض الحليب ، شقوريتهـا مأخوده مـن العسل ، بـعيون زرق يأخدوا العقـل،
ساعدتهـا فـ قيمـان بضاعتها حتى مقتنياتهـا لطيفه زيهـا 💗.

شكرتهـا وعزمتهـا على فنجان قهوه فـ مكـان قريب ومكانش منهـا غير انها تـوافق.

ضحكتلها مـن القلب اول مخبرتهـا إنها متحبش الـقهوه وتفضل الكاكاو خصيصاً مع اجواء ينـاير البـارده، شربت معـاها ومع كـل سيره وسيره انجاب الكـلام على إنهـا من ليبيـا وعـلامات فـرحـه كبيره بـانو على تـالا أول ما خبرتهـا المـرأه إن في نـاس ليبين في البـلده ،
بـ لهفه طلبت منهـا إنها تعرفهـا عليهم..
مـه الغربه خلتهـا تستاحش تـشوف عيون بـلادها في حـد!