العريس المناسب بقلم دهب محمد ❤️

الفصل التاسع 🤍🖤

الفصل التاسع :-

ابتسم بحنو و هو يقول بنبره لينه
مهاب : علشان انتى شخص مهم جدا فى حياتى

ابتسام : مهم ازاى يعنى

مهاب : هقولك يوم كتب الكتاب

نظرت له بفضول و تعجب

ابتسام : اشمعنا انا عايزه اعرف دلوقتي

مهاب : فى حاجات كتير بتكون احلى لما تيجى فى وقتها

حركت رأسها بازعان و هى حقا لا تستطيع أن تناقشه ليس الان ربما بعد أن تجلس و تفكر بهدوء ستساله
عن كل ما يقلقها

وصلت إلى بيتها متاخره و قد قصت كل ما حدث على والدتها كالمعتاد
حسنيه : ابن ال ** حسبنا الله ونعم الوكيل بس كويس بردوا أن مهاب عرف يتصرف صح
ضربت صدرها بسعاده و هى تقول
حسنيه : نظرتى متخيبش فى حد ابدا
ابتسام بقلق : يعنى انتى شايفه ايه يا ماما اوافق

برجاحه عقل لا تظهر الا فى الأوقات الهامه
حسنيه : بصى يا حبيبتى إذا كان انا أوقات بضغط عليكى علشان الجواز فده علشان خايفه عليكى عايزاكى مع حد بيحبك و شاريكى بجد مش الاسم راجل متجوزاه و خلاص لا انا عايزه راجل فعلا يكون ابوكى قبل ما يكون جوزك يكون صاحبك و سرك يكون هو الامان و السند الحقيقى انا مش هضغط عليكى بس انا واحده بقالى سنين بشوف ناس اشكال والوان و مهاب انسان محترم بان أصله فى الموقف المهم
علشان كده صلى استخاره و إلى ربنا عايزه هيكون

طبعت قبله على رأسها و هى تتجه للخارج و هى تدعوا فى داخلها أن توافق و لا تعاند كالمرات السابقه
فكل ما قالته لا يناقض أنها تريد رؤيتها عروس سعيده خاصه و أنها قاربت على الثلاثين

________________________
عادت إلى العمل و هى تشعر بالراحه

فقد مر ثلاث ايام منذ الحادثه صلت استخاره و من وقتها تشعر بالراحه
ايضا كان مهاب دائما يظهر أمامها
فأما فى الاجتماع لا ينظر الا إليها
و أما فى فترات الراحه تجده يرسل إليها مختلف أنواع الشيكولاته الفاخره حقا لقد شعرت بالذهول كيف و متى أصبح يراها و تعلق بها أيضا و لكن للحق هى أيضا بدأت تفكر فيه شكله ملابسه كلامه تحاول تحليل شخصيته تحاول فهمه و معرفته أكثر حتى لا تقع فى الخطأ لقد تحملت سنواتها 29 لكى تكون خطأ فى النهايه
29 عاما لم تتقبل اى احد حتى لا تندم فى النهايه لم تفعل كما تفعل أكثر الفتيات الذين يريدون الخطبه و الزواج فقط لتقليد الأخريات أو لغيظهن هى تريد النجاح و بناء اسره سعيده

أبعدت كل ما يلهيها عن عملها لتركز مع الجالس أمامها

فواز : لا بقى كده كتير يا استاذه
ابتسام : هو ايه إلى كتير يا حضرت
ورقك ناقص روح كمله و تعالى
وقف بعصبيه و هو يحرك يده فى وجهها
فواز : هو ايه إلى اروح اخلصه أما انتى دورك ايه هااا فين المدير هنا ايه الاستهتار ده
وقفت ساره بجانبه تحاول اصلاح الأمر
ساره : أهدى يا استاذ ممكن حضرتك تتفضل عندى على المكتب و انا هخلص كل إلى محتاجه

بغضب قام برفع صوته أكثر من ذى قبل
فواز : و لا تخلصيلى و لا اخلصلك الاستاذه قلت ادبها عليها و انا عايز حقى فين المدير

حاولت بسمه التدخل و لكنه كان يزيد فى الأمر أكثر حتى جاء وائل من الداخل يركض اتجه إلى الرجل و منه إلى مكتب المدير يدله عليه و لكنه لم يستطع أن يرافقه إلى الداخل
بينما وقفت ساره تبعد الاخرين و بسمه جالسه بجانب ابتسام
بسمه : ايه يا بنتى حصل ايه
ابتسام : مش عارفه انا اصلا مجتش جنبه هو طلع فيا مره واحده
ساره : بس شوفتوا البارد وائل و هو بيعرفه مكتب استاذ مهاب

نظرن لها سويا : صح استاذ مهاب يا ترى هيعمل ايه

_________________
فى الداخل :-

وقف الرجل غاضبا فواز : اهم الورق
بقولها تخلصه تقولى ناقص و روح كمله الاول

التقط منه الاوراق و هو يتطلع بها
مهاب : تمام يا استاذ فواز انا بعتذرلك عن إلى حصل و اكيد مش هيتكرر تانى تقدر تتجه لمكتب الاستاذه بسمه و هى هتخلص لك ورقك
فواز : انا عايز ينزل عليها جزا علشان تتعلم ازاى تتعامل مع ناس محترمه

اشتدت نبره مهاب و هو يقف : خلاص يا استاذ الموضوع منتهى و مش هسمح باى تطاول تانى اتفضل

تلجلج الرجل و هو يتجه للخارج صوب مكتب بسمه بينما تعالى صوت مهاب
مهاب : استاذه ابتسام على مكتبى
استغل الرجل انشغال العيون بانصرافها ليرسل رساله
فواز : كل حاجه تمام حولى الفلوس زى ما اتفقنا
____________---------_____________

ايه رايكم في الفصل 😍😍

اتمنى يكون عجبكم 😍❤️

مستنيه رأيكم 💙💚

متنسوش ال فوت ❤️❤️

اشوفكم على خير الفصل الجاى باذن الله 🌷🌷🌾🌾🌾🌾