العريس المناسب بقلم دهب محمد ❤️

الفصل السادس 💜

الفصل السادس :-

انتهوا من عملهم ليتوجهوا للخارج

بسمه : ولا ايه يا ابتسام هى طنط مجبتش عريس جديد

تعالت ضحكات الآخرى و هن ينظرن لوجهها الغاضب
ابتسام : انتو بتتسلوا عليا بقى
ساره : هم يضحك و هم يبكى
بسمه : يا بنتى تعبتينا اتجوزى بقا علشان نلبس الفساتين الحلوه
بتهكم قالت : روحوا  اشتروا فساتين و بينا على اى فرح زى كل مره
وقفن فى الخارج كل واحده تنظر لطريق منزلها
بانتباه قالت ساره بصوت هامس
ساره : بت يا بسمه هو مش هو ده المدير
بسمه : فين
ساره : على ايدك الشمال بس متبصيش
ابتسام : بتقولوا ايه
بسمه : استاذ مهاب واقف هناك اهو
ابتسام : و احنا مالنا
ساره : مالنا ازاى ده بيبص علينا
نظرت إلى ما تشير إليه و هى ترى نظراته الغريبه نحوهن توجست منه خيفه لذلك أسرعت تقول بقلق
ابتسام : بقولكوا ايه انا مش ناقصه كفايه الزفت وائل عليا يلا كل واحده تروح تشوف وراها ايه

تذمرت كلا منهن و هن يشعرون بالفضول و لكن لا يوجد شئ لذا فتصافحن و هن يذهبن فى طريقهن

_______________________
وصلت لمنزلها مرهقه تريد النوم سريعا لتسمع صوت والدتها
حسنيه : حمد لله على السلامه يا بسبس
ابتسام : اهو انا مش بخاف غير من كلمه بسبس دى ربنا يستر
حسنيه : بتقولى ايه يا سوسو

ابتسمت بقوه و هى تحتضن والدتها
ابتسام : بقول وحشتينى يا قطه كنتى فين من الصبح

تظاهرت حسنيه بالامبالاه و هى تضم ابنتها لصدرها و تتجه معها إلى أقرب مقعد
حسنيه : موجوده اهو هكون فين يعنى انتى إلى بقالك يومين مش بشوفك يا دوبك تيجى تنامى و تصحى الصبح بدري على الشغل

ابتسام : ولا حاجه يا ماما ما انتى عارفه باجى تعبانه و عايزه انام

حسنيه : و على ايه كل ده ما تقعدى فى بيت ابوكى معززه مكرمه و إلى تحتاجيه هيكون عندك

ابتسام : و هفضل قاعده دايما منا هتخنق بردوا و هكون عايزه اخرج اغير جو

* ها قد جاءت الفرصه *
كان هذا ما تفكر به منذ علمت بمواصفات العريس الجديد مال و شباب و على قدر عالى من الأخلاق
لن تكون حسنيه إن لم توافق عليه ابنتها

ابتسمت بحب : طب منا عندى الحل

ابتسام : قولى يا امى  هو فى غيرك يعرف يسهل لى حياتى
وضعت يدها على قدمها سريعا و هى تقول
حسنيه : عليكى نور اهو انتى كده بنت بطنى
تخوفت مما قد تقوله هى امها و تعرفها كما تعرف نفسها
ابتسام : ايه يا ست الكل فى حاجه عايزه تقوليها

حسنيه : اسمعينى و من غير ما تقاطعى كلامى هم كلمتين وبس

ابتسام : ربنا يستر قولى

حسنيه : جالك عريس انما ايه ابن ناس و محترم و اخلاق و مستوى المادى كويس
ما أن جائت أن تتكلم حتى قاطعتها سريعا
حسنيه : اسمعى بس للآخر ده مش تبع ام عبدو ده جايلك مخصوص تبع الشغل بتاعك

نظرت لها بتعجب و قد جاء اول اسم أضاء به عقلها لتقول بشرر و صوتها يرتفع

ابتسام : لا هى وصلت ليه البجاحه لحد كده والله ما انا ساكته انا حذرته كذا مره أنه يبعد عنى بس شكل الأدب وحش مع الأشكال دى

ما أن أنهت كلامها حتى قامت غاضبه تتبعها والدتها بجزع

حسنيه : هو مين ده اوعى يكون العريس هو بيدايقك ولا ايه و انا إلى افتكرت أنه ابن ناس و محترم

لم تعير والدتها اهتمام و هى تتجه إلى غرفتها مقرره أن غدا ستضع حدا لما يفعله

حسنيه : طب اصبرى بس قوليلى قالك ايه ابن ال*** ده والله لو طلع بيلف عليكى الحيوان مهاب ده منا ساكته

كادت تدلف لغرفتها و لكن ما أن استمعت لكلمتها الاخيره حتى وقفت و هى تستدير بذهول

ابتسام : انتى قولتى مين !؟
حسنيه بغضب : مهاب الكلب والله منا ساكته ايه فاكر معندكيش رجاله لاااا
اوقفتها سريعا و هى تقبض على يديها الاثنين
ابتسام : مهاب       مهاب ده المدير الجديد يا ماما انا كنت فاكره انك بتتكلمى عن وائل

حسنيه : وائل مين قصدك الحيوان إلى كان بيحاول يتكلم معاكى كذا مره ........هو حاول تانى ولا ايه

اتجهت سريعا الى غرفتها تغلق الباب خلفها تريد أن تفكر و تتحدث مع صديقاتها هناك شئ غريب و يجب ان تعرفه

حسنيه : يا ابتسام فهمينى طب
ابتسام : بعدين يا ماما مش لما افهم انا الاول
___________________
ايه رايكم في الفصل ❤️
متنسوش ال فوت ❤️💚
و مستنيه رأيكم فيه

اشوفكم على خير الفصل الجاى باذن الله 💫💫💫💫