العريس المناسب بقلم دهب محمد ❤️

الفصل الاول ❤️

الفصل الاول :-

وقفت واضعه يدها فوق راسها بينما اشعه الشمس العموديه تكاد تحرقها من شدتها ظهر علي وجهها ما تشبه الابتسامه الصغيره ما ان لمحت مواصله النقل العام تقترب منها
استجمعت طاقتها و تستعد للقفز داخلها ما ان توقفت في هذا الوقت بالاخص فانك ان وجدت حافله بها كرسي فارغ فانت محظوظ فان الشعب باكمله يذهب الي اعماله او الي دراسته في نفس هذا الوقت
تاففت و هي تحاول حشر جسدها النحيل كالمعتاد بين النساء تمسكت باقرب مقعد لها و هي تتحمل مضايقه من حولها .....توقف الحافله اخيرا امام مقر عملها رفعت انظارها للاعلي و هي تقرا العنوان بضجر ثم دلفت الي الداخل " الخدمه الاجتماعيه "
دخلت بهدوء و هي تنظر للمقاعد الفارغه امامها بينما تضع حقيبه يدها علي مكتبها و تشرع في عملها
#################
يعني ايه يا محمود صاحت بها باستنكار اقترب منها زوجها بهدوء
محمود:  يا حسنيه انا قلت حاجه انا بقول نسيب البنت براحتها تختار دي حياتها و هي حره فيها
وقفت متخصره و هي تحرك يدها بينما تحاول الحفاظ علي صوتها حتي لا يسمعه احد
حسنيه: بقولك ايه يا راجل متجننيش يعني اسيب البت لحد ما تعنس دي خلاص كلها سنه و توصل لتلاتين
محمود: لا جوزيها بالعافيه لاي واحد و في الاخر ترجعلك بجوز عيال
انهارت اعصابها اكثر و هي تجد كلامه صحيح و لكنها بالطبع لن تترك ابنتها بدون زواج
حسنيه: بنتك قربت علي التلاتين يعني بعد كده فرصتها هتقل جدا و احنا محلتناش غيرها يرضيك اموت و انا مش مطمنه عليها
فرت دموعها ما ان انهت كلماتها بحزن بينما شعر بالثقل في قلبه و لكن ماذا يفعل انه القدر ولن يرضي ان تتزوج ابنته من شخص لا يليق بها لمجرد الزواج او شخص هي لا تريده فتعيش حياتها في عذاب معه
اقترب ياخذها باحضانه و هو يقول بصوت حنون
محمود: متقلقيش اكيد هتجلها نصيبها بس انتي قولي لام عبده متجبش عرسان اي كلام و لا عايزه تجوزي بنتك لواحد مش قدها
انتفضت واقفه و هي تقول بحمائيه
حسنيه: فشر دانا اجبلها الي يهننها و يسعدها دلوقتي اكلم ام عبده و اقولها يا واحد بمستواها او احسن يا بلاش دي بردوا بنت حسنيه
تعالت ضحكاته و هو ينظر لها تتحرك بجسدها الممتلئ للهاتف الارضي تحادث صديقتها التي تطوعت لجلب العرسان لابنته تحت مسمي " جمع راسين في الحلال "
رفعت راسها للجالس امامها و هي تاخذ بياناته حتي تسجلها
ابتسام: حضرتك دلوقتي هتاخد الورقه دي و هتروح بيها للاستاذه سعاد و هي هتمضيهالك و بعدين تروح للاستاذ وائل علشان تخلص باقي الاجراءات
استلم منها الورقه و هو يبحث عن الاستاذه سعاد ظل يدور في الغرفه و هو لا يعلم اين يذهب ثم تافف بغض و كاد ينصرف نهائيا لولا انها راته ثم اشارت للامام
ابتسام: مكتب الاستاذه سعاد الدور التاني يمين
نظر لها بشكر بين نظراته المنزعجه ثم اتجه لما اشارت له عليه
بينما كانت تجلس امامها تتافف بضيق و هي تقول
فاطمه: هي الليله دي مش هتخلص ولا ايه يا انسه يلا ورايا مشاوير تانيه
نظرت لها شزرا من اسلوبها ثم حولت نظراتها للبرود و هي تقول بسماجه
ابتسام: والله يا استاذه زي ما انتي شايفه انا مش بلعب هنا فيريت نصبر شويه الدنيا مطارتش
انفعلت المراه و هي تواجه برودها و لكنها ظلت مكانها تنتظر انتهاء اوراقها بنفاذ صبر .........
رفعت يدها بارهاق و هي تظر لهم
ابتسام: اخيرا خلصنها دا انا طلع عيني النهارده
تعالت ضحكات من حولها
ساره: مين سمعك انا ضهري وقف
بسمه: و يقوم كمان خلص امتي بقي يجي اخر الشهر
تعالت ضحكاتهم الثلاثه من جديد
ابتسام: اه علشان تخلصي المرتب علي العيال
غمزت ساره بعينها: و ابوالعيال
نظر بسمه بخجل و هي تصيح: بس بقا اما اخلصها علي مين مش دول اغلي حاجه عندي في الدنيا
ابتسام: يا عيني يا عيني
ساره: لا يا ختي انا اتفقت مع رامز ان شغلي ليا مش هديه حاجه
ابتسام: برافو عليكي هو ده الصح مش الهبله بسمه
صاحت بغضب و هي تضع حقيبتها علي كتفها: اما نشوفك يا ابتسام اما تتجوزي ال يعني البنت نزيهه اووي
تعالت ضحكات ساره و هي تقف كذلك
ساره: فكرتيها ليه بس دي جيلها عربس كمان ساعتين و بتفكر تطفشه ازاي
لوت شفتيها و هي تجمع اغراضها واقفه
ابتسام: عريس الندامه اما الحق اروح علشان النيو لوك الجديد
#################
وصلت منزلها و هي تتنهد ارهاق
حسنيه: حمد لله علي السلامه يا بسبس
ابتسام: الله يسلمك يا ماما
اقتربت منها بخبث و مسكنه
ابتسام : ماما مينفعش ناجل معاد النهارده انا بجد تعبانه جدا و عايزه انام
شهقت حسنيه: عايزانا نكرش العريس قبل ما يجي
اغمضت عيناها و هي ترقق صوتها
ابتسام: مقلتش كده بس ..
قاطعتها بغضب: بقولك ايه يا بت بطني هو انا مش عارفه عمايلك ده عريس لقته روحي خدي دوش و فوقي كده عقبال ما احضر الغدا يلا بسرعه
تحركت من امامها و هي تتحدث بصوت خافت
صاحت حسنيه بوعيد: بتقولي حاجه
ابتسام: مش بقول ...الله يخربيتك يا عريس الغفله حسبي الله
....................................
😍😍😍😍😍😍😍😍😍😍😍😍😍😍

انتهى الفصل الاول منتظره رأيكم 💚💚

لا تنسوا الفوت ❤️

اراكم غدا ف الفصل الثاني 💜