حبة مشاعر 1

للحياه حياه أخرى. ١

حلو تحب بس الحلو يكون للشخص الصح المشاعر من تعبر حدها ويه شخص بعد صعب تتحكم بيها تصير تحاول وتحاول وتفشل لأن انت الي اختاريت تحبه بجنون او تحبه بكلب طيب حاليا عرفت انو الحب لازم يكونله حدود لازم يكون بالقدر المناسب لانو مو كل شخص يستحق حبك ومشاعرك الجياشه اتعلمت احب بمقدار...
هذيج الي جانت تحب بكل قوتها هذيج الي جانت مُفرطه بمشاعرها على أساس انو الي تبادله هل شعور راح يبادلك بنفس الشعور
غلط احيانا الحب الزايد عن حده يقتل صاحبه المشاعر المفرطه نوبات تأذي صاحبها و ادمره وتأذيه نوبات شعورج الزايد يكون ماله نفع لمن يكون بغير محله لمن يكون للأشخاص الي ماعندهم كلب، الي يكونون فاقدين هل شعور الحلو، الي تشعر بيه الناس العاديه الي هو الحب

البدايه...

لمن كلشي يكون تمام وتكون عايش ومرتاح وعندك أهل وأصدقاء وحب انت معتبره شي حلو بحياتك وتحبه وتعيش وياه، قصة حبي قصة حب عاديه تعرفت بشخص عجبني تبادلنه نضرات صرنه أصدقاء وراها اعترفلي واني قبلت وعشنه قصة حب عاديه بين اي ثنين نحب نتغازل نتعارك ونتجادل بس بالنهايه محد بينه يكدر يكمل يومه بدون الثاني جانت علاقتنه جديه بس المشكله انو هل شخص عنده ام كلش كلش مزعجه جانت تتمنى الابنها بنيه تعجبها هي جانت دور نوع خاص بيها، مع هذا بقيت اتوصل وياها وبقى يكوللها هاي حبيبتي وأكمل وياها بس جانت تتراهن وياه انو هاي مراح تصير اي شي بالنسبه اله ونشوف منو بالاخير راح يربح اني لو انت، طبعا اي ام بالدنيا وهن قليلات هل نوعيه بس اول متسمع بأبنها حاب بنيه أو هو مختارها وبما انها تعرف ابنها واحد يحب الحياة والصياعه اصدقائه كلهم شله تحب الفرح الضحك جانت اتشوف ابنها  مايتحمل مسؤوليه لهذا تعتبر انو هو جايبلها أو مختار وحده ممسؤله لهذا جانت رافضه وطبعا دائما الانطباع الأول هو الي يفرض رأيه بكل لقاء وهي جان أنطباعها عني اني مثل ابنها مراح اتحمل مسؤوليه بمجرد شافت اني جنت مرتاحه وياها وافرح واتشاقه وجنت احاول اغير جو الكعده الي جان ممل وبس ساكتين محبيت تأخذ عني نضره اني وحده مو اجتماعيه أو مو ودوده بس هي فهمت كل هل سوالف غلط كل إنسان بالنهايه بيه جانبين جانب رسمي واحترام وجانب للفكاهه والضحك من تخسر جانب واحد راح تختل حياتك يا اما تكون كلها بارده من دون طعم يا اما تكون حياة بلا هدف وسخيفه يا ريت لو جان سامع كلامي يوم كتله لا تكوللها اني احبها جان عرفتها عليه كصديقه وبس يمكن جان أخذت غير انطباع عني جان يمكن شويه شويه عرفتني كصديقه احسن ما ادخل حياتها وكأني مفروضه عليها بس هو مسمع كلامي ضل يكولي لا اني ما اخاف من شي واني مو ما واثق بيج أو انتي تفشلين حتى اخلي هيجي شي ضل مصر كبل يعرفني عليها وضلينه متواصلين ونشوف بعض ويحضرون عزايمنه ومنتسباتنه واني اهلي نفس الشي  جان حبنه شي حلو كامل اوكي هو جان مشاكس  بس هو بالنهايه ولد وما اكدر ألزم هل خاصيه بيه لهذا جنت مقرره اني أعوفه على راحته حتى لا أكون وحده سيطرت عليه بأول مره واكون مضوجته جنت اكوله دائما اني ما اجبرك لو انت بيوم فكرت تعوفني او تغيرت مشاعرك تجاهي كولي واني مراح ازعل لا والله بس احسن ما انخان أو اكون مُستغفله لهذا  انت طالما تحبني اني واثقه بيك ومراح اخليك بيوم بموقف اخيرك بين شغلتين واني عمري مراح احاول افرض نفسي على حياتك أو اغيرها خليك مثل ما انت مثل ما حبيتك اول مره لهذا لو شنو مسويت راح اكون وياك لهذا جنت خالته على راحته جنت واثقه ثقه عمياء انه يحبني، جنه نطلع ونطب ونحجي ونسولف ونفضفض البعض جنه بنفس الشغل سوه وحبنه بده من مكان شغلنه جانت علاقتنه تقوه اقوه واقوه بكل يوم وبكل ساعه صار سنتين مرت على أول اعتراف اعترافه الي واني وافقت كبل بدون تفكير لأن جنه أصدقاء وجنت اعرف عنه كل شي وهو يعرف عني