حبة مشاعر 1

للحياه حياه أخرى ٤

وهذاك الوكت فهمني انه جانت مجرد لقاء بين ثنين وراح يرفض ومراح يقبل بيها واني صدكته وكتله اني وياك وراحت ايام واجت ايام هو بده يبتعد بده يجي يطلع حجج اني تعبان ما اكدر احجي بالدوام يبتعد عني ويكول ما اكدر احجي شغلي هوايه بالبدايه عذرته كلت ممكن يكون تعبان وهو ممتعود يسكت متعلم يحجيلي كلشي عن نفسه من بداية اليوم النهايته ولو شكد مجان  تعبان  و إجه يوم اني تعبت وكفته وحجيت وياه كلي امي تعبانه كلش لأن لحيت وياها بسالفة البنيه وخطوبتي وبيج بسببج راح اخسر امي وممكن من وره اختيار طايش امي تخسر حياتها وابويه تعصب عليه وكلي بطل تفكر بنفسك وبطل انانيه وفكر بأهلك

صعب تعيش كل يومك واسابيعك واشهرك وسنينك وانت بأني آمالك على شخص ، هو عنده عادي يروح عادي يتخلي عادي يكمل بدونك وييين الخلل هو الخلل يم الناس الي تحب لأن صرنه عايشين بمجتمع عملي قبل مايكون رومانسي أو الخلل بالناس الي يكونون فاقدين الشعور بالحب وجاي يعكسوه على الناس ويدمرون حياتهم زين اوكي لمن الشخص يحس روحه مو كد الحب ليش يأذي الناس ويحب ويعلق الناس بيه ليش المشاعر هيجي صارت رخيصه صارت عادي هي فتره اكضيها ويه هل شخص وبعدين الله يسهلها ليش التفكير والناس صارت هيجي

بعد هل البنيه بدت تحس يوم بعد يوم بفراغ يصير بعلاقتها صح بعد كلشي هم قررو يصبرون ويشوفون شيصير بس الي يحب من صدك احساسه يصير أصدق شي يكوم يحس بالي يحبه يحس بحبه ويحس بالي راح يصير البنيه بدت تعيش صراع ويه نفسها تخاف وتجي ويهديها الولد ويطمنها انه مراح ياخذ وحده غيرها وتهده مؤقتا بس اجه يوم الي مرت بيه فترة اسبوع مداوم بيه الولد ولا حاجين انو هم اتفقوا هل فتره يصير حجيهم إله وقت معلوم حتى ما يضوج أمه أكثر ويحاول يقنعها بس هل غياب خوفها خلاها تحس بشعور غلط انتضرت لحد ما خلص اليوم توجهت للموبايل جانت جاي تخابر حتى تسأل عنه إذ يكوللها امي بالمستشفى حالتها صعبه اني اسف احنه لازم نفترق مستحيل اخسر امي بسبب بنيه حتى لو جنت احبها صح اني احبج وصح مراح احب غيرج بس هي امي حاولت افهمها بحبنه طول هل سبوع ما رضت وبالاخير تعبت وكالت لو تريد تخسرني روح واتزوج الي تحبها واني ما اكدر على فراك امي

جانت هاي المكالمه وهل خبر من اسوء الأشياء الي سمعتها بحياتها حست للحضه سودت الدنيا بوجها تعبت ومكامت تحملها الكاع ضلت ضايجه وتعبانه ماكو شي يوصف هذيج اللحضه هذاك الشعور هذيج الكلمات ومع هذا صبرت ومع هذا انهارت وراحت عليه وحضنته وجانت تبجي وكالتله شلون تعوفني واني  يوم اجاني شخص وطلبني حسيت انه راد يخطفني من حياتي ومن شفت الكل موافق على ارتباطنه اهنا اكتشفت اني خسرت حب حياتي خسرت الي جنت اصيحله حبيبي خسرت روحي حاربت الكل بما فيهم امي الي جانت رافضتك وضليت متمسكه بيك شلون تقرر تعوفني اني رفضت  علمودك علمود حبنه بس انت استسلمت ورضيت بأمر الواقع