حبة مشاعر 1

للحياه حياه أخرى ٥

اشلون كدر ينطقهم حب سنين ينمحي وين وعوده وين حبه وين الايام الي عشناها بهل فتره الي راحت وكفت حاولت تقنع نفسها انو لا اكيد اكو حل لازم اكو حل انتضرت يومين بعدها راحت البيت الولد شافت أمه سلمت عليها بدت تحجي حبها الابنها كلتلها مستعده اتغير شنو ميعجبج بيه اغيره احاول اسوي المستحيل بس حتى ارضيج بس لا تفرقين بينه احنه نحب بعض مو حرام تضيعين هل حب لازم تكونين سعيده السعادة ابنج اول مره اشوف ام متحب ابنها يكون سعيد انتي مشفتي مني شي مو زين ما سويت شي غلط اني جنت احجي وياج جنتي تسلمين عليه ليش تسوين هيجي حرام الي جاي تسويه مهم الأم عندت وكالت لو اعرف اموت وما اخليج تاخذيه
هذاك الوكت البنيه وكفت وكالتلها انتي انسانه انانيه انتي شخص مستبد برأيه كلبه حجر عمرج مراح ترتاحين ولا راح تتهنين لانج خربتي علاقة ثنين يحبون بعض يا ريت انتي ام من صدك يا ريت لو انتي اصلا انسانه وتحس بس مع الأسف ماكو اي انسانيه ولا ذرة حب بكلبج خليج هيجي بس حركة كلبي مراح تطلعين منها انتي ماتعرفين شنو يعني تتحطم احلام شخص كدامه والسبب شخص ، ماتعرفين شنو يعني تكسرين كلب احد ودوسين عليه بس مراح اسامحج على كل الي اني بيه مراح اسامحكم
مهم اكيد الأم مسككت ولكتها حجه حجت الابنها انو حبيبتك اجت وهيجي وهيجي حجت والولد تخبل خابر البنيه وكالها هذا اخر شي بيني وبينج وخلص اعتبري كلشي بينه انتهى
مرت ايام وأشهر والبنيه اخذت اجازه حاولت تعزل نفسها عن كل الناس على أمل ترجع قويه على أمل تنحل السالفه ويجي يوم ويكولولها انحل كلشي
وإذ فجاه يوصلها خبر زواج حبيبها وهل خبر جان مثل الصاعقه الي هدمت كلشي اول مره البنيه تحس انو خلص حيلها راح مكدرت توكف على رجليها وتكمل هل خبر الي اجاها من زميلاتها بالدوام
وهنا هي ماعرفت شلون تصبر روحها و شافت امها كدامها وهنا وكعت البنيه بحضن امها هي مصدومه لأول مره متبجي لأول مره ما تحجي لأول مره ما الها صوت وبعد ما حضنتها امها وعرفت بالخبر لأن صديقتها خابرت امها وكالتلها وإذ البنيه توكع مغمي عليها بحضن امها ونقلوها للمستشفى

صعب شعور اليأس يوم تكون بأني امال على شخص وتتحطم كل هل امال يوم تروح فرحتك بلحضات جنت تخططللها ويريدون اقاوم ويريدوني اكمل عادي شللللون وكلشي بيه مات احساسي أحلامي مستقبلي وحبي ومشاعري كلشي راح بلحضه وبسبب أنانية شخص جان يريد يفرض رأيه بس حياتي وعمري كلها راحت راح احساسي بحبي فجأة لكيت نفسي ما اكدر اسأل على شخص مجنت أبدي يومي ولا انهي الا بسؤالي عنه هذا الي ضايقني وهذا الي كسرني وخرب حياتي فجأه لكيت نفسي بره بره حياتي بره حبي بره كل الأشياء الي جنت مقرره اسويها ويكولون عادي شلون عادي الدنيا سودت بوجهي تعبت وماتت مشاعري واحاسيسي