حبة مشاعر 1

للحياه حياه أخرى ٧

ايام تمر على الواحد يتمنى بيها يضل وحده يضل بس يحاول يطلع من الي هو بيه بالبدايه يضل يبجي وراها يبدي يحاسب نفسه وراها تبدي مرحلة اليأس الي أغلبها نكضيها نوم وراها تجي مرحله توكف بيها وتكول كافي خلص لازم اتخطه هل شي تبدي تلهي روحك بشغل بأي شي يبعدك عن عالمك الي ياذيك تبدي تحاول وتحاول توصل مرحله تعب نفسك وتشتغل بدل الشغله اربعه بس حتى تطلع من الي انت بيه وفجأه يدخل شخص الحياتك شخص يخليك تحس اكو احد يحاول علمود  سعادتك الي انت ضيعتها من زماااااان يدخل ويحاول يضحكك يحاول يسوي من حياتك شي حلو لأنه يشوف حياتك متعلقه بحياته بس ووووووين يجيك بعد ما خسرت نفسك بس بمحاولاته تبدي تحاول تكتشف نفسك من جديد يبدي يحاول يذكرك بنفسك الي انت نسيتها بالحزن الي عشته بسبب مشاعر حتى انت مجنت تعرف شنو هي....

صعبه انسان ما يهزه ريح ولا يخوفه احد تكدر حبة مشاعر على أنها تهزمه وتخليه يفقد نفسه نوبات الواحد يحاول بس مشاعره الي صرفهن اقوه، كل هل حب وهل مشاعر الغيره والحزن وتعصب من شخص تحبه تخليك تنسى نفسك لفتره طويله حتى ترضي الي تحبه حلو لو جان شعور متبادل هذاك الوكت تخسر نفسك وهو بحبه يرجعها يكون شعور حلو بين ثنين لو كل واحد حاول يحب من صدك ويحاول علمود الي يحبه ميضل حزن ولا يضل اي شي يأذي أو يخليه يخسر نفسه

الطبيب أمر انهم ينطوها المهدئ بس طلب منهم  ينقصون الجرعه وبده يكتبلها كورس علاج من نوع آخر ونقل غرفتها من القسم النفسي بالمستشفى إلى قسم الأطفال صارت بغرفه قريبه على الأطفال وبدت تسمع أصوات الأطفال وهو بده ينقصلها جرعات المهدئات حتى تبدي تحس بالي يصير صارت كل يوم باليل تكعد تروح على قسم حديثي الولاده تكعد تفتر بينهم تشوفهم وطبعا الدكتور جان يراقبها من بعيد حتى يتأكد انها مراح تأذي روحها بدت كل يوم باليل تتسحب وتشوفهم وتشيلهم وتبجي وتضحك وياهم وفجأه بيوم من الايام كعدت على صوت طفل جان يعيط ويصيح ساعدوني ساعدوني راحت وره الصوت وشافت طفل صغير يكول ساعدوني اني جسمي كله يوجعني ضلت تبجي عليه لأنها مكدرت اساعده جان بغرفه مشددة الحمايه ضلت تأشرله من وره الجام وبدت تبجي وياه وهنا طلع الطبيب وكاللها هذا هم مثل ما شفتج اول مره وانتي وكعتي وتبجين بس هو يبجي من وجع الكيمياوي لأنه مريض سرطان وجرعات هذا المرض تأذي الجسم كله فرقه عنج انه جاي يحارب وجعه وبدل ميطلب مسكن كاعد يطلع لي بداخله عن طريق العياط بس انتي شنو نوع وجعج كلنه متحملينه ومتحملين صوته وره كل جرعه لأن نعرف شبيه ونعرف شنو حالته لهذا جاي نساعده بأنو ننطيه امل حتى يقوه وانتي هم لو كلتيلي شنو وجعج يمكن راح أبدي اتفهمج واعيط وياج ومراح اكولج بس!! انتي دوختي الكل
هنا ضلت ساكته............
ليحد ما هل ولد نام من شدة وجعه وبجيه
هذاك الوكت هي اتكأت على الجامه ومن دون سابق إنذار بدت تحجي كلشي وطبيب هنا فرح وخصوصا بعد ما اتأكد من حبه الها طول هل شهر الي هو ضل يتابعها طول النهار والليل ويمشي وراها وحجت الي صار وياها هذاك الوكت هي حجت الي بكلبها و كالت