حبة مشاعر 1

للحياه حياه أخرى ٦

ضلت البنيه غايبه عن وعيها سبوع كامل ومن كامت ضلت تكول نوموني اريد ارجع انام وما اريد افكر الله يخليكم نموني وجانت توكع منهاره من عياطها وصياحها فطلب دكتوره تتحول الطبيب نفسي ونقلت البنيه القسم النفسي بسبب وضعها الي جان كل يوم يسوء عن الي قبله عجزو الأطباء يحلون حالتها جانو يضلون ينطوها مسكنات ومهدئت لأنها جانت من تكعد محد يكدر يخليها تلزم اعصابها وجانت تضل تعيط خلوني انام رجعوني اريد انام وإذ صدف انو المستشفى يجيها دكتور جديد جان متخرج جديد يباشر بالمستشفى وجذبته حالة هل بنيه الي محد كدر يعرف شبيها ولا شنو مشكلتها وقرر يجرب وكف كال لحد ينطيها مسكنات ولا اي علاج الا بأمري ولو شنو مسوت و اول ما فكها تأثير المسكنات وإذ ترجع تعيط وتصيح ونفس الحجي وكف الطبيب وصاح عليها وكالها اي ولشوكت تبقين على مسكنات يا ترى هل مسكنات جاي تخليج تنسين الي صار وياج بغض النظر انو محد يعرف شصار وياج بغض النظر انج تعبانه وباقيه من خمس تشهر على هل حاله مشايفه وضع اهلج واصدقائج مشفتي وضع نفسج آخر مره شوكت شفتي نفسج بالمرايه جان لازمها من ايديها وكاعد يعيط عليها مع انه جان هادء بس كل هذا جان جزء من أنه يشوف شنو راح تكون ردة فعلها وإذ توكع البنيه منهاره بين ايديه وتبجي وتكول الله يخليك خليني انام اني لو كعدت ساعه راح يموتني تفكيري ما اكدر ولا اتحمل الي جاي يصير بداخلي كل جزء بيه يوجعني على شي الله يخليك ساعدني الله يخليك وإذ توكع وانهارت أكثر

نوبات الواحد من شدة القلق يخسر روحه يخسر ضحكته نوبات تمر بفتره تحس كل الي حواليك يكولون هذا شبيه شصارله شكد صاير نحس ويدور بشغلات غبيه بس محد يحس لو يفهم الي تمر بيه ايام تمر على الواحد مايعرف شيسوي من الحيره الي بداخله تحسه مسجون تحسه أسير تحسه ميت تحسه مخبل بس هو تعبان هو دايخ ومتأذي نوبات محد يحس بالي تمر بيه والسبب هو محد يخلي نفسه بمكانك محد يحس بالي تحسه محد يعيش هل حرب الي بداخلك تضل تصارع وحدك ومحد يحس بيك كل شخص يشوف المسأله من وجهة نظره الي ضالم والي مظلوم الي ما عايش هل احساس والي عايشه ويكعد يتألم وياك بالنهايه ترجع مثل كل مره مهزوم وتعبان وتستسلم للي يصير وتكول باجر تنحل وتكوم ونفس الشي هل صراع شوكت يخلص لا اني اعرفه ولا حتى انته الي  كاعد جاي تقره محد بينه عنده الحل غير رب العالمين

#على أمل انو تُفرج💔

بس هنا بدت قصه جديده قصه ثانيه اول مره الطبيب هذا يجيله شعور غريب شعور بداخله بس مجان يعرف هل شعور تعاطف وياها لو هو بداية حب