حبة مشاعر 1

للحياه حياه أخرى ٣

بس لمن وصلت للبيت وهدئت شفت انو لازم الكه
حل حرام حب ايام واسابيع وأشهر وسنوات يروح فكرت بعقل ورحت وكتله لا تروح أرفض اثبت الأمك حبنه هي عبالها اني مرحله بحياتك و وراها راح تعوفني اثبتلها حبك الي هذاك الوكت وكف وكلي لا اشلون انتي ماتعرفين امي لو مرحت راح تعند أكثر وكتها وكفت وكتله و اشلون تسوي هيجي شلون تكول هل حجي واني متوقعه راح يتكنسل كلشي وعادي تمر، بس لا انت رايح تشوف بنيه امك حابتها

رجائا لا تروح أرفض اني ما اكدر اعيش بدونك تحملنه كل هل سنوات وصار الوكت الي نحارب علمود بعض هذيج اللحضه بابا  بس الي جان يعرف بحبي إله ويعرف بعلاقتنه حاول يهديني اول محس اني تعبانه وكعد يقنعني انو ماكو شي يصير غير الي مكتوب الي

هذاك الوكت كلي خلص اني مستحيل اعوفج وين وعدي الج نسيتيه اني ما عوفج نسيتي انو احنه راح نكمل سوه اخذيها مني ما صير الغيرج
وبعدها
هذا جان حجيه مجنت اعرف انو حبي إله قليل مجنت اعرف انو حب السنين ممكن ينمحي وهو ابتعد حتى يصفي دماغه متوقعته جان صدك معتبريني محطه بحياته

أصعب شي الانتظار بس الي أصعب منه
هم تنتظر وهم يكون إنتظارك لشخص تحبه يوم تنتظر صدفه تجمعكم يوم تنتظر لقاء تضل حاير ومختنك متعرف شتسوي يوم تجرب كل شي وتوصل مرحله يصير لقائق وتصرفاتك مو تحت ارادتك هذاك الوكت تصير تتمنى الصدفه ترجعلك روحك الي راحت وياه تصير تحلم تشوفه يوم توصل بيك الحاله تصير تتمناه حتى لو بالحلم تشتاق لا ويكتلك الاشتياق نوبات تفز من شخص يشبه ونوبات من احساس ونوبات تفز من حنينك إله ونوبات تفز على حلم يجمعك بيه وتكوم وانت ماخذك الواهس وحسبالك صدك وتلزمك العبره الي تخنكك يوم تكول طلع حلللم
ياااااااااااااااا صعبه تعيش على أمل وعلى حلم متكدر توصله والأصعب انك متكدر تتخطه هل شعور تحس روحك للحضه أو لساعه او ليوم أو للأسبوع أووووووو شهر وانت ضايع وتحاول تلملم بروحك

#سهله وتهون🥀💔

وكتها اني اجيت بكل مشاعري وكتله
جانت مكالمتي إله
هااااااا رحت شفتها شلون جانت شنو شكلها اليوم جنت فرحان طبيتلها بأبتسامتك الي احبها شون جنت أنيق مثل ما جنت ارهملك ملابسك شون جنت طالع شونها شنو فرقها عني جانت احلى لو اثقف جانت مؤدبه لو مكشره شنو سوت بحيث امك حبتها شنو الي سوته واني مكدرت اوصله الامك شون جان لقائك وياها مثل اول مره لكيتني معقوله راح تحبها مثل محبيتني احنه التقنيه صدفه شنوووو برأيك الي صار انت عبالك مثل مفهمتني انو هل شوفه بس حتى تسكت امك وتكوللها معجبتك تعرف يعني شنو هل لقاء يعني خلص امك راح تخليك تحت امر الواقع ليش والي بينه راح تمحيه انت عبالك  امك لو منتظره جوابك وما مقتنعه جان جبرتك تروح كتلك أرفض ولا تشوفها حتى تصير عندك حجه قويه انك مصر عليه وتحبني ومتريد اي شخص