كاتبة نوارة رحيم
(طريق نحو العشق)
"لاتتعلق باحد
تعلق فقط بصاحب الزمان"
لا تنسون النية قبل قرائت البارت
.
.
.
حسيت تگطع كلبي
سكت شوية وكال
اكو شخص راح لمولاي الإمام علي عليه السلام
كلاله مولاي انه عيني لا تدموع ولا قلبي يخشع
واعوذ بالله من عين لا تدمع
كملنا وياه وكلنا
ومن قلبٍ لا يخشع
مولاي كلاله
هذا بسب الذنوب
وانه لهذا سبب كلتلكم استغفروا لان عندنا ذنوب لو ما هذا استغفار يمكن حتى دمعه وحده مانزلت للمصاب
كال ابوي
والله مشتاق لهاي كعدتنه
دوم مرو علينه
رد عليه عمي عمار وكال
تعرفنه مانحب نقطع صله الرحم
بس ماكدر افتح عيوني وماشوف قبة الإمام علي
لو الله يهديك وتجي يمنا حتى حوزة ادخلك وادخل جهالك
حك لحيته ابوي وكال
انته تعرف يا خوية ليش انتقلتوا
ابتسم عمي وكال
اي صح وجان من ورة نظام انتقله جنت كارره روحي بس بعدين عرفت الله خلانه سبب علمود ننتقل النجف
وهاي شوفتك صارلي شكد بنجف احس روحي ضايع اذا مازرت الإمام علي
لعد شحالك انته وصارلك جم سنه مازاير
ابوي دنك راسه وكال
متكلي وين ارروح صارلي شكد مازاير
صرت فاقده هواي وهسه ضليت ماحس بفقدة
رد عليه عمي كاظم
لا تكول هيج ترا يشورون بيك
شلت استكاين وطلعت
وراها بدلت وتغديت رحت أنام سمعت صوت عمامي يردون يطلعون
بسرعه كمت
وكلت
وين رايحين
ابتسموا وكالوا
شوية ونجي ان شاء الله
جريت نفس براحه وكلت
اي خوش
طلعوا وانه دخلت انظف ديوانيه
شفت دفتر جبير
فضول كتلني علمود اقرأ
فتحت اول صفحة
سلام عليك يا مولاي يا صاحب الزمان
شلونك اليوم مولاي دير بالك على روحك يا بعد روحي مولاي ليلة بارده دفي روحك زين لان بس انته بقيت من أهلك
ومكتوب اخر صفحة
اللهم عجل لوليك الفرج
2009/12/11
درت صفحة ثانيه ومكتوب بيها
رسالتي الى سيدي ومولاي صاحب العصر والزمان
السلام عليك مولاي
شلونك اليوم
مولاي راح افتح جامع بس ماعندي مبلغ كافي مولاي احلفك بعباية عزيزتك فاطمة ساعدني
انه أمن بحديث رسول الله صلى الله عليه وسلم
"استعينوا على قضاة حوائجكم بالكتمان...."
فانته مو اي شخص علمود ماكلك
انته روحي والروح تعرف شنو يسوي صاحبها
كعدت على كاعد وكلت هنيالك شلون تحب الإمام
وشفت صفحة الكدامها
جان مبين من خط الي يكتب فرحان او جاي يبجي لان شوية مخربط
شلونك مولاي
ابشرك يا بعد كلبي ابشرك
اكتمل مبلغ اكتمل وراح آبني الجامع
اندعيلي مولاي.....
