طريق نحو العشق
البارت 14
صاحلي ابوي شفت بس عمي محمد
حجيتله بسالفة وابجي
قطع كلامنه صوت عركة وصوت عالي بالفرع
بسرعه ابوي وعمي طلعوا
خليت اذني على باب اريد اسمع شصاير
سمعت صوت لؤي
وصوت عمر
حسيت راسي صار ثكيل ورجليه ماكدر اشيلهن
انغمى عليه اسمع أصوات بس ماكدر احجي واصرخ واكول طحت اريد احد يشيلني
بقيت نايمه على كاع ومحسيت بعده بشي
كعدت وانه بالغرفة وحدي
باوعت اي هذا بيتنه الحمدلله
شلت روحي بالكوه ودايخه لان ماكلت شي
شفت ابوي كاعد ومخلي ايده على وجهه
فاطمة
......
شبيك بابا
صادق
......
شنو مسويه انتي
فاطمة
........
ممسويه شي
صادق
.......
عمر طلكَج عند شيخ غيابي
والفجر مادري شسامعه عنج وهيج بسرعه طلكَج
فاطمة
.......
احتاريت شنو اسوي
انه شنو مسويه وهيج طلكَني
رجعت للغرفة وبقيت بس ابجي
وكضيت عدتي هيج اكثر من شهر
من طلعت من عدتي اول بيت رحتله بيت ابو داوود
لبست جبه مالتي وحجابي دكيت الباب وبقيت منتظره احد يفتحلي الباب
طلعتلي نهى سلمت عليها ودخلتني للبيت وسلمت على بنات وعلى ام داوود ضلينا نحجي لحد مااجه ابو داوود وكفت عيب كاعده وماكوم من اسلم عليه
شلونك عمو
ابو داوود
.....
هلا ومية هلا شلونج
فاطمة
........
الله يسلمك الحمد لله انتَ شلونك
ابو داوود
......
رحمه الله والديج
فاطمة
.........
عمو فد محاضرة حلوة منك عن صاحب الزمان
ابو داوود
.......
خادم
"طلع دفتر من مكتبته "
لبست نظاراته كعد على كرسي وكال
بسم الله الرحمن الرحيم
اسمُ محمد ابن الحسن وهوَ احد اولاد الرسول صلى الله عليه وآله
قد استلم الامامه وعمرُ الشريف 5سنوات
في صاحب الامر السنن من أربع الأنبياء يجب ان تجري في المهدي
السنه
من موسى خائف يترقب
وعيسى يقال فيه ماقال في عيسى
ويوسف السجن وغيبه
ومحمد اذا قام رسول يضع السيف على عقل ٨اشهر
صاحب الزمان ياخذ آثار من الذين رضوا بقتل الحُسين ومن الذين يتبعونهُ
بكل ذنب احنه نسوي نأذي صاحب الزمان
ونكون حاجز عن تعجيل ظهوره
هالله هالله بكَلب صاحب الزمان
فاطمة
.......
تفاجئت انه وين جنت عايشه يعني اذا متت وماعرف امام زمان اموت ميته جاهليه يررربي استغفرالله صح بعض كلام سامعته بس احس اول مره اسمعه
عمو شلون اكدر اتقربله
ابو داوود
.........
تبتعدين عن سيئات وتلتزمين بصلاة وحسنات واحجي وياه دائماً ومايخيب ظنج
فاطمة
......
ليش نكول هوَ ننسب ابناء فاطمة الزهراء الى رسول الله صلى الله عليه وآله
قال تعالى
"ومن ذريته داوود وسليمان وايوب ويوسف وموسى وهارون وكذلك نجزي المحسنين "
