نوارة رحيم
",حرمة الغناء"
"تحديد موعد الخطوبة"
لؤي
انته تفهم بووويه ماخذ مني وبيه
واذا ماقبلتت بيها اتبرررة
مني
ماريدكم
فاطمة
.... جنت واكفة يم الباب غرفة عمي محمد اباوع على بنات وجوهنه صارن صفرر من خوف
شيخ محمد "بصوت مليان هدوء"
.... وعلى شنو تصيح
اب وابنه جاي يناقشون ميحتاج موضوع كل هذا الصياح وحترم حرمه البيت
لؤي
.... لا تخليني
دار وجهه من شيخ محمد واستغفر
شيخ محمد
....احجي وانه اسمعك
فاطمة
...... بقيت مصدومه شلون عمي محمد يحجي بكل برود
لؤي
.... بويه اريدها
شيخ محمد
.... ماتفيدك واذا صدك زوجتها ماتستمر علاقتكم فترة وتنتهي
لؤي
.... ليش انتَ تعلم الغيب
شيخ محمد
"راح لمكتبة اخذ كتاب منها ضل يتصفح "
ما أعلم الغيب ومنو انه علمود اعلم
بس الله انطاني احساس نحس بي واذا اتقينه بي يصير
لؤي
..... بوية ماكدر ماكدر
فاطمة
.."دنك راسه وحسيته راح يبجي من خلال نبرة صوته
التفتت على زهور شفتها مخليه ايدها على وجهه وتبجي بسكته
كسرت خاطري ورحت يمها
لزمتها من جتفها وكتلها"
هاي الأمور عاديه وبعدين والله تصير سوالف وتذكرن مواقف
زهور "بصوت بي بحه"
.... تعبنه والله لا ليلنه ليل ولا نهارنا نهار من وره لؤي وصاحبته
فاطمة
...دنكت راسها استغفرت ومسحت عيونها
حسيت مسرحيه وجاي نتفرج عليها ومانعرف بنهاية منو راح يفوز اب لو ابن ؟
وشنو هذا احساس عمي معقولة كل مره نحس بشي يطلع صح؟!
صادق "والد فاطمة"
..... شيخ اقبل وخل نخطبها هسه عاجبك الوضع الي هو بي اشو لا انته مرتاح ولا هو مرتاح وباقين على هاي وضعيه عليمن لو انه منك ازوجه وافتك وخل يتحمل نتيجة افعاله
فاطمة
..... يمكن جان موقف والدي حافز لعمامي خاطر يدخلون لان اشدد الكلام وخاصه لؤي الحب مايعرف لا اهل ولا صديق اهم شي احصل على الي احبه
شيخ عمار
..... شيخ اتوكل على الله وخل انخطبها واذا اجالك يشكي سد بابك بوجهه ويتحمل بعد
فاطمة
..... باوعت على لؤي ماحسه واكف على كاع احسه جاي يطير من فرحه الي هو بيها
زهور
...... بويه تعبتت من وضع بيتنه ،ابوس ايدك اقبل
وضلت تبجي
فاطمة
.... بس شفتها تبجي ضليت ابجي وياها
"خله ايده على ظهرها وطبطب عليه"
شيخ محمد
جر نفس
...... شوكت نروح نخطبها
فاطمة
.... الكل نصدم لاا مو نصدم الكل فرح
شفت عمتي أحلام رفعت راسها لرب العالمين وضلت تحجي بعيونها
