نوارة رحيم
"الابتلاء واختبار "
"لا تنسون تنون قبل قرائة البارت "
كمت من يم نسوان وعيوني تدور على ابوي ماعرف وين راح انوب مالكيت لا سايق ولا ابوي اثنيهم اختفوا معقولة راحوا وعافوني
اجتلي هيج افكار راح ابقى طول عمري اهنا ومحد اليه
رفعت راسي لگبة مولاتي شريفه" جانت گبه مو نفس هسه معمرينها ،جانت گبه عاديه وناصيه بس هسه ماشاءالله جاي يعمرون بيها وتحلى حضرتها اكثر واكثر "
ياا مولاتي انه ضيفة عندج وتايهه دليني ياا مولاتي
ماحس على رجليه ودتني لسوك الي لازم نمر بي علمود نروح للكراج ضليت اباوع اكوو فرعين بس ياا فرع امر بي
سئلت واحد من موجودين كال
بكيفج اثنيهن يودنج للكراج
ضليت امشي وادور بعيوني على ابوي هلبت احصله
وصلت للكراج وجانن سيارات قليلة بس اغلب سيارات نفس سيارة الي جابنه
جان الجو بارد لان بشهر ١١ بقيت واكفه وارجف واباوع هلبت يجووون وراها بساعه يمكن اله اجه سايق وضل يكول بصوت عالي
هاااا انتي هنااا وابوج راح يتخبل صارلنا شكد ندور عليج
فتحت عيوني وحسيت گلبي ضل يأذيني من سمعت هيج
هسه وينه
امشي امشي وراي هلبت احصلله لان ابوج كلساع يدور عليج
ضليت اضرب ع خدي
عمت عيني عليك يا بويه
تخيلت ابوي يموووت وضليت ابجي
حسيت الدرب صار شكد طويل عليه ما جنه نمشي جنه نركض
لحد ماوصلنا ضلينه ندور عليه ماكو
نغزني كلبي جااا وين راح
باوعت لگبه مولاتي شريفه وكلت
مولاتي لا تخلين گلبي يتعلعل احلفج بلعبايه الي سترت مولاتي زينب
بس كلت هاي كلمه شفت ابوي كبالي ماعرف شسوي ضليت ابجي وحاضنه ابوي
وهوه نفسي وكال
ماقصرت شريفه بنت الحسن خلتني الكاج
رفع راسه وكال مشكور يا ربي
وبعدها باوع للگبه وكال
ماتقصرين يبنت ساده
وطلعنه وضليت اسولفه وهوه يسولفلي شلون ضل يدور عليه وشلون راح لحضرة سيدة شريفه وضل يبجي
وبس طلع لكاني
باوعت لابوي وكلته
بابا هما شلون يسمعونه
خله ايده على جتفي وكال
قال تعالى ولا تحسبن الذين قتلوا في سبيل الله امواته بلا احياء ولكن لا تشعرون
هم احياء
واشهد انهم يسمعون كلامي ويردون سلامي
بقيت صافنه على كلام ابوي وكلتله
بابا منين تعلمت
ضحكت وكال
اهلي كلهم يدرسون بلحوزة وانه بلبيت مكبال تلفزيون وبشغل هم كذالك واستفاديت من سيد الصافي وشيخ احمد الوائلي وان شاء الله هم نعي لان تعلمت من سيد جاسم الطويرجاوي
رفعت راسي اله وكلتله
بابا شنو غيرك
رد عليه وعيونه على طريق
البتلاء الي غيرني
رفعت حاجبي وكلت
ليش الله يبلينه
هز راسه وكال
يختبر الناس صبورين المؤمنين مو انه جنت لا صلي ولا صوم على رغم اخواني مو نفسي بس انه مادري عليمن هيج طلعت
