طريق نحو العشق
" صاحب الزمان "
شيخ كاظم
رب العالمين خلقنه بهاي الدنيا لختبرنا ويبلينه
و اخرة كل هاي البشر الموت
ضل يحجي جنت كلمة وياه وكلمة مو وياه
رجع تركيزي من كال
امج و اخوانج ماتوا البقية بحياتج
فاطمة
هاي كلمة مثل ضربة قوية أجتلي فجئة يرربي شنو اكول
جنت بحالة مثل الطير الي يطير ونكسر جنحه
حسيت جنت لازمه ايد أمي وبنص السوك تهت منها
حسيت ظهري انكسر ومن صحت آخ إخواني ما اجو يمي
بقيت صافنه ماعرف شنو احجي
صرخت صوت وجان كفيل يطلع كل الألم بيه
وكفت وكلت
ودووني ألهم ودووني
عمي كاظم لزمني
شيخ كاظم
صلي على محمد يا مكَبرة بليل وأنتي بعدج شابه
بجيت بحضنه وكلت
وديني لعلي (عليه السلام) اريده يكفلني
"حسيت كلهم بجوا على صوتي"
لبست عباية وطلعت حسيت طريق صار طويل عليه على رغم قصره و أمشي و أبجي
دخلت للتفتيش ودموعي طاحن أكثر
حسيت نفسي طفله وجايه لابوها تشكيله
دخلت للحضرة جريت نفس وجان النفس أوكسجين ومخالط بريحة مولاي علي
رفعت أديه وصحت بصوت شبه مسموع
مولاي صرت يتيمة بدون أم صرت وحيدة بدون إخوتي وصرت عليلة نفس علة ابوي
مووولاي يا أبا الحسن أكفلني أحلفك بكفيل زينب
موولاي أندعيلي بالصبر أحلفك بصبر زينب
مولاي أدركني أحلفك بغلات الحسين عندك
مولاي ساعدني أحلفك بضلع الزجية
مولاي لا تعوفني أحلفك بوفاء أم البنين الك
مولاي أندعيلي بالقوة أحلفك بقوة زينب بمجلس زيد
لزمت الشباك وضليت أصررخ مجنت أحسها دموع على أمي لا جنت أحسها دموعي على أيامي الي كضيتها بدون صلاة بدون ربي وبدون أهل البيت (عليهم السلام)
لزمت بطني والألم زاد
غمضت عيوني وكلت كل الألم أنه أستاهله
طلعت من الحضرة وخليت راسي على الباب وبجيت
رفعت راسي للسمه وكلت
يارب عوضني وفرحني بفرحه يعكَوب بوسف
مشيت و أحس روحي بقت
مشيت و أحس كَلبي أنفطر
مشيت و أحس عيوني بعدهِ مشبعت من جمال حضرة علي
عيوني ضلت تباوع على عمي بقيت منتظرته وشفته يم شباب وبنات
كعدت على جهه بحدي بس الصوت أسمعه
صاحب الزمان موجود ويانه وجوز هسه بيناتنه
لا تخافون من شي ماطول صاحب الزمان متواجد ويانه
المهدي الحنين علينه عطوف رحيم ويانه يحبنه بحيث تنزل دمعته علمودنه
ياغائبا لم يخل منا
مفهوم الغيبه الكبرى الخفاء بيها نوعين
خفاء العنوان
وخفاء الشخص
شلون يعني هسه نوضح خفاء الشخص يعني الإمام يختفي بشخصه بجسمه هذا وارد بس بحالات تقتضي ذلك لحمايته
بس الاحتمال الأكثر هو خفاء العنوان وهذا بي فرعين او مستويين
الأول هو خفاء الي يوجع بصراحه أنو تشوف أمامك بس متعرفه يعني مثلا بمرقد الإمام الحسين من تمشي قد يكون يصلي يمك بس أنته ما حسيت بي ما عرفته وأصلاً ما ألتفت أله والي يوجع أكثر احتمال بزدحام الزياره تصادمت ويااا أو جنت ضايج أو عصبي بوقته من أبنك أو اي سبب وأجه شخص حجه وياك أو طلب منك شئ وأنته رديته او حتى صحت وطلعت عصبيتك وضوجتك مو وارد هذا الشئ طبعا هو الإمام من يجيك ويطلب منك شئ هو مو بحاجتك أصلا بس يحبك رادك قريب أجه يساعدك تبقى انت ضيف عند جده الحسين أجيته بحاجه بطلب وهو أجاك بعد صوجك أنت هو أجاك انته ماردته طبعا أكو هوايه قصص عن هيج مواقف
مثلا اكو شخص أجه لاحد العلماء طلب منه عمل يخلي يشوف الإمام طبعا العالم ماقبل كاله ماتتحمل متكدر بس بعد إلحاح
