طريق نحو العشق
البارت 13
فاطمة
........
مسويت شي
واجت مرت حماي وتدك بلباب وكل هذا محجه شي ولا فتح الباب
فتح الباب لزمني من ايدي بقوة وكال
كدام امي ومرت اخوي
انتي طالق
فاطمة
........
بقيت صافنه ياربي هذا حلم لو حقيقة
شنو جاي يصير
دفعني وطلع
بقيت بحالة صدمه اريد افهم شنو شبي
عمتي ولا مرت حماي حجن شي لان انصدمن حالهن حالي
شنو اسوي تطلقت يعني هاي هيه حتى ماصارلي شهر ابوي اذا سألني شنو اجاوبه
يافضيحتي كدام الناس
باوع على روحي بالمرايا بعدني عروس وبسرعه تطلكَت ضربت وجهي شنو اكول لابوي
اذا كلتله تطلكَت ينجلط
ويموت ومحد يبقالي
شنو سويتي بروحج بعدج زغيرره شتكول عليج الناس
فتحت كنتور ملابسي حتى ملبست هوايه منهه
حسيت روحي من هبطه شويه واوكع
طلعت جنط خليت بيهن ملابس
ويه كل قطعه هدم ضميتها احس جزء من روحي كسرته
مسحت دموعي
على شنو تبجين يا فاطمة لازم تتعودين
لبست الجبه وحجاب وطلعت
امشي يارب لو ابوي سألني شنو اكله
باوعت على بيت
وكلت حسبي حسبي ونعم الوكيل
الله لايوفقك لا دنيا ولا آخره
اسح بجنط
وأنبت ضميري ليش اخذتي ملابسج جوز ترجعين
بيته بعيد وصار ابعد عليه لان امشي وتراب وراي وصلت للفرع
شفت لحجي وكَباله جهال
سمعته كال
اذا صار وياكم شي مو زين
بس نادوا يا اماه يافاطمة ادركيني
وماتقصر وياكم
وكف طفل وكال
جدو اني اريد اشتري سياره اذا كلتلها هيج تجيبلي
فاطمة
. ....
ياريت لو باقيه بهذا عمري مالي غرض لا بصغيره ولا بجبيره
وكفت كبال الباب
دكيته مره مرتين ماكو
صاحلي الحجي
انتي بت ابو فاطمة
فاطمة
......
يي عمو
ابو داوود
تعالي جدو ابوج طالع
فاطمة
......
وين اجي
ابو داوود
لبيتنه تعالي
فاطمة
......
لا عمو ابقى اهنا ميحتاج
ابو داوود
.......
شلون نخلي بناتنه واكفات
ادخلي بويه
فاطمة
.......
نحرجت ودخلت للبيت
اول مدخلت شميت ريحه حلو
غمضت عيوني براحه وفتحتها
الله حسيت روحي بمرقد الائمة
خليت جنط بطارمه
وكفت
فتح الباب
شفت المره عجوز وبنات تقريباً بكدي لابسات اسود
ابو داوود
.......
هلا بتي فاطمة
فاطمة
بلعت ريكَي وابتسمت
ام داوود
هلا بنيتي تعالي كعدي على جربايه
فاطمة
........
استحيت وكعدت يمها
"ابو داوود عنده كتب فتح كتاب وكال"
شلونها علاقتج بصاحب الزمان تحجين وياه
فاطمة
.......
شنو اكله مااحجي وياه وماعرفه يرربي
