نوارة رحيم
"الغضب"
بالبتلاء والاختبار لو تصعد لو تنزل وطبعاً رب العالمين يعرف مصير العبد شنو
سئلة ابوي زين ليش يختبرنا اذا يعرف مصيرنا
مثلاً اكو استاذ اذا كان استاذ زين يعرف مصير طلابه شنو ومنو ينجح ومنو يرسب
وجواب سؤالك يا خوية
استاذ من يختبر طلابه
طلاب راح يدرسون ويفهمون مادة
واحنه هم كذالك من يخبرنا رب العالمين نعرف درس ونعلمه لغيرنا ويعرف من خلالها حكمة رب العالمين
سكت شويه وكال عطروا مجلسنا بصلاة على محمد وآل محمد
كلنا صلينه على محمد وآل محمد
بقيت كاعده وصوت بطني احسها كلها سمعتها من جوع
نروح ونرجع على موضوع ولد عمامي
تفاجئت حيلل شلون حلوين معقولة هيج نجفيين حلوين
قويت روحي وكمت عمي احمد كلالي مناك مطبخ روحي يمهن خل يسولج شي تاكلينه
ابتسمت وكلتله
خوش
دخلت مطبخ جانن بس نسوان اثنين اول مادخلت مرت عمي أحمد
كلتلي
تعالي فاطمة اكعدي هنا علما اصبلج الغدة
هيه تحجي وانه صافنه على جمالها ونور الي بوجهه
صبتلي وضليت اكل وضلت تسئل عن أحوال امي وتدعيلنا
شكد ماحجي عن المرة مؤمنه وجهه بي نور راح اكول حيللل مقصرة بحقها
جاي اكل وماسمع غير صوت عالي رجال يصيح من هبطه عفت الاكل اريد اشوف شنو صاير ،نسوان بقن واكفات بالمطبخ مو نفسي طلعت لان صوت عالي
تعبتت من وضعية عشيررررة بيت وأحد وزغيرر وانوب وين بنجف ونعم بابو الحسنين بس تعبت من وضعيه
بويه انه اطلع وحدي بيت بعد جم يوم اريد ازوج وين اخليها فوك راسك لو ابنيلها بيت يم مگبرة وادي سلام
وهز ايده
الكل سكت جان بعد شاب يطلع عمره بلعشرينات وعيونه حمر من عصبيه
وكف كباله عمي محمد وعيونه حمر خطيه
استغفر وراح مادري شنو يسوي وشوية واجه ونزل اردنات دشداشته من خلال وضعيته عرفته توضى واجه
شفت كلها زلم خليت ودخلت
سئلت مرت عمي أحمد
شبي هذا ولد
مابي شي
جرت حسرة وكالت
الله يهدي بس هاي لكولها
الله يعين أحلام هسه وخاصه اذا كانت مشكله بين الاب وابن حيل صعبه
شفتها مانطتني كلمه اريح بيها گلبي خليت وسكتت
وره شويه ابوي صاحلي رحتله
وشفت جنط بيديه
عدلت حجابي وكلتله
هااا بابا شكوو
ماكو شي حبيبتي بس خل نأجر فندق أحسن
ماكلت لاا دخلت ابدل وسمعت عمي محمد يكول
اذا طلعت وأجرت انه اروح وياك وبعد ماجي
ابوي لزم جتفه وكلاله لا والله خويه بس علمود اقرب من الايمام
