عشق الأدهم

البارت الثامن

رحاب: يااااقوووووت
ياقوت بفزع: في اييييييه
رحاب: قومي جايلك عريس
ياقوت بدون استعاب: ايه ده ؟ يعني انا كنت بحلم!
رحاب: انتي بتقولي ايه
ياقوت: مفيش مبقولش انتي بتقولي ايه انتي
رحاب: بقولك جايلك عريس وظابط و..
ياقوت بصدمة: انا بحلم ولا حقيقة ولا اييييه
رحاب بفرحة: موافقة صح
ياقوت: ماما انا مش فاهمة بجد اي حاجة ف اهدي عليا شوية عشان افهم في ايه
رحاب: الاستاذ سيد صاحب ابوكي انهاردة قاله ان في واحد ظابط عاوز يتقدملك وياخد معاد ييجي هنا هو وعيلته اظن ملكيش حجة واحد محترم ومركز وعيلة
ياقوت: طب اسمه ايه
رحاب: معرفش والله يا بنتي المهم يلا بقا قومي عشان متتاخريش عالكلية وتيجي نشوف هنعمل اي
ياقوت: حاضر
قامت ياقوت وفكرت تكلم أدهم تسأله بس قالت تستنى لحد ما هو اللي يقولها أحسن

هشام وباباه ومامته مع رؤى
مؤمن: حمدلله ع السلامة
رؤى: الله يسلمك يا بابا
أمينة: ياريت تكوني اتعلمتي من اللي حصلك ده
هشام بحدة: اعملي حسابك انتي مش هتخرجي من باب اوضتك بعد كده مش البيت ... فاهمه
مؤمن: هشام انت بتقرر عنها وانا عايش
هشام: مقصدش يا بابا انا اسف واللي تشوفه حضرتك بعد اذنكوا
أمينة: يلا عشان نروح البيت

اشرف والد احمد رجع من السفر وسمر واحمد قالوا له الموضوع
أشرف بفرحة: من غير تفكير طبعا موافق الف مبروك يا حبيبي
أحمد بضحك: انتوا كلكوا عاوزين تخلصوا مني ولا ايه
اشرف: انت ابني الكبير واول فرحتى اي حاجة ليك هتكون دايما مختلفة
احمد: ربنا يخليك لينا يا بابا
سمر: ربنا يخليك لينا لما نفرح بباقي أخواته يارب
أشرف: يارب
أحمد: ع العموم انا قولت لواحد صاحب والدها ياخد معاد عشان نروح فيه وهيرد عليا انهارده بالليل
اشرف: خير باذن الله

ادهم بيكلم ياقوت بالليل
أدهم: فينك يا بنتي من الصبح
ياقوت بخبث: لا مفيش اصل صحيت ع خبر حلو نساني نفسي بس
ادهم بعدم فهم: وايه هو الخبر اللي ينسيكي كده
ياقوت: لا خليه مفاجأة بقا
أدهم: مش فاهم بس اوك المهم انتي عاملة ايه
ياقوت: انا حلوة خالص
ادهم: يارب دايما يا قمر
ياقوت: 😉 بتعاكسني ولا ايه
ادهم: عندك مانع؟
باقوت: لا خلاص زيدنا في دقيقنا بقا
ادهم بعدم فهم: ايه؟
ياقوت:😂😂خلاص خلاص انا هقفل بقا عشان مشغولة هنتكلم وقت تاني
ادهم: خير
ياقوت: بعدين بقا
ادهم: غريبة جدا انتي انهاردة
ياقوت: بكرة تفهم يلا باي
ادهم: باي

مدحت رجع البيت
مدحت: الحمدلله انا كده مرتاح وانا في البيت جدا
مها: حمدلله على سلامتك يا حبيبي
مدحت: الله يسلمك يا حبيبتي
عمرو: حمدلله ع السلامة يا بابا نورت البيت .. شد حيلك الشركة وحشة من غيرك
مدحت: البركة فيك يا عمور ربنا معاك
معتز: حمدلله ع السلامة يا بابا
مدحت: الله يسلمك يا ميزو طمني عنك عامل ايه
معتز: الحمدلله .. عاوزين مني حاجة انا خارج بقا
عمرو: على فين
معتز: خارج مع صحابي سلام
عمرو: مش لازم خليك معانا انهاردة
مدحت: سيبه يخرج هيقعد ليه
معتز بهزار: البوب الصح يلا سلام