عشق الأدهم

البارت السادس عشر

غنوة فتحت الباب: اسامة؟
اسامة بابتسامة: كده تخضيني عليكي
غنوة:...
اسامة: مجتيش وتليفونك مقفول سالت آيه على عنوانك وجيت اطمن عليكي
سمر: مين ي غنوة؟
غنوة: دا دا
اسامة: ازيك يا طنط انا اسامة زميل غنوة في الجامعة
سمر: اهلا وسهلا اتفضل
اسامة: متشكر انا حاليا مشغول كنت جاي اطمن على غنوة واتطمن هستأذن واكيد هنلتقي قريب بعد اذنك
سمر: اتفضل

بعد ما مشي سمر بعدم فهم: بيقول ايه ده
غنوة: كان جاي يطمن عليا عشان مروحتش الجامعة
سمر: واشمعنى ده اللي ييجي هنا انتي اصلا بتتكلمي معاه ليه
غنوة: يا ماما دا زميلي عادي بعد اذنك
سمر: اما نشوف اخرتها معاكي ي غنوة

هشام بيمثل انه تعبان وكل ما حد من الممرضات تروحله يرفض ومصمم ان الدكتورة تاليا اللي تروح تشوف ماله
الدكتورة تاليا: خير ي فندم حاسس بايه
هشام: مش عارف حاسس ان الرصاصة في قلبي مش رجلي
تاليا ضغطت ع جرح رجله: اظن كده هترتاح
هشام بصراخ: ااااااه يا بنت المجنونة
تاليا بعصبية: احترم نفسك
هشام بزعيق: انا محترم غصب عنك انتي ازاي تكلميني كده
تاليا: لانك انسان مش محترم
هشام بعصبية: انا مش محترم طب انا هوريكي انا ازاي مش محترم وفي حركة سريعة حضنها وباسها في شفايفها بغل كأنه بيعاقبها على كلامها بس على طريقته مع صدمه لتاليا
تاليا بدموع: انت سافل ومش متربي
هشام: انا انا
تاليا: انت قليل الادب وانا مش هسكت وهوديك في داهية
وخرجت بسرعة كتبت فيه تقرير وبعتته للقائد بتاعه
هشام: ايه اللي انا هببته ده

احمد رايح يشوف هشام
: اي ي عم هتعمل نفسك تعبان وما هتصدق وتفضل نايم
هشام:...
احمد: مالك ي بني
هشام: انا روحت في داهية ي معلم
احمد باستغراب: اي اللي حصل
الباب خبط ودخل القائد
هشام بصوت واطي: اووبا كملت
احمد: اتفضل يا فندم
القائد: استريح ي احمد انا جاي للباشا اللي المفروض تعبان وموجود في مستشفى في ملهى ليلي
احمد: ايه؟
هشام بأسف: يا فندم انا
القائد: ولا كلمة انت متحول للتحقيق يا سيادة الرائد وموقوف عن العمل لحين يتم شفاك والتحقيق
احمد بصدمة: تحقيق!
القائد خرج واحمد مش فاهم اي اللي حصل
احمد: ما تنطق ي بني اي اللي حصل
هشام: مفيش بوست الدكتورة
احمد بصدمة: نعم يا اخويا
هشام حكى له من اول ما شافها لحد دلوقتي
احمد: والله تستاهل الرفد
هشام: ي عم هون عليا مش كده
احمد: الله يخربيتك طب انا هحاول اعتذرلها يمكن موقفك يتحسن
هشام: معتقدش
احمد: ملكش دعوة هي اسمها اي؟
هشام: تاليا
احمد: منك لله اما اروح اشوف حل في المصيبة دي

ياقوت بتتحايل على داليا تروح تقعد معاها في البيت هي خلاص بقت لوحدها ومفيش حد معاها
ياقوت: يا بنتي شوية بس حتى سليني لحد ما اعمل الغدا
داليا: يوووه على زنك ماشي
ياقوت بخبث: واهو نرغي شوية ع العريس اللي جاي بعد بكرة ده
داليا بحزن: متفكرنيش بقا والنبي
ياقوت: يا بنتي دا أمر واقع
داليا: ربنا يجعله الخير ليا ولو شر يبعده عني
ياقوت بخبث: دا شكله خير وخير اوي
داليا: ان شاء الله يلا عشان متأخرش
ياقوت: يلا

احمد واقف مع تاليا بيحاول يحل الموضوع
أحمد: أنا آسف أرجوكي اقبلي إعتذاري
تاليا: يا حضرة الظابط حضرتك مغلطتش فيا عشان تعتذر
أحمد: هشام زي أخويا وبيحب يهزر وهزاره تقيل شوية فأرجوكي اقبلي اعتذاري بالنيابة عنه دا اتحول للتحقيق واتوقف عن العمل
تاليا بخضة: ايه؟ انا متوقعتش ان الموضوع يوصل لكده
أحمد: والنتيجة هتكون أصعب من كده كمان
تاليا: طيب يا حضرة الظابط حصل خير وانا هبلغ القائد ان مفيش مشكلة والموضوع مش مستاهل
احمد: انا مش عارف اقول لحضرتك ايه بس يارب الموضوع يخلص
تاليا: ان شاء الله

(ادهم قاعد مخنوق مش عارف ليه بيتعامل مع ياقوت بالشكل ده يا ترى فعلا بيحبها ولا اتسرع لما صارحها بالحب ده ولا الوقت مكانش مناسب مش عارف يفكر بس الحاجة الوحيدة اللي متأكد منها انه ظلمها في حبه!)
دخلت عليه مها: حبيبي
ادهم بانتباه: اتفضلي يا ماما
مها: شاركني تفكيرك يا قلب ماما متبقاش وحيد كده
ادهم بتنهيدة: انا كويس يا امي متقلقيش عليا
مها: عارف يا أدهم كنت بحلم من صغري إني أخلف 4 ولاد وكنت راسمه في خيالي لكل واحد وظيفته لما خلفتك اتمنيت تكون ظابط ولما خلفت عمرو فرحت اكتر واتمنيت يكون دكتور بس خالف ظني😂 ولما خلفت معتز اتمنيت يبقى رجل اعمال كبير وفعلا درس ادارة الأعمال وكان مستقبله باهر بس بيضيع نفسه بايده والله اعلم هيعمل ايه في نفسه وفينا تاني
ادهم: هوني على نفسك يا أمي انا هتصرف متقلقيش
مها: مش عاوزاك تقسى عليه عشان خاطري
ادهم: ماما انا لو كنت سليم كنت كسرت عضمه دلوقتي حسابه معايا لسه مجاش
مها: عشان خاطري دا اخوك الصغير
ادهم: خير يا امي متقلقيش
مها: طيب اخبار ياقوت ايه؟
ادهم قلبه دق بسرعة: معرفش
مها باندهاش: ليه؟
ادهم: عادي يا ماما اتشغلت في كذا حاجة ومعرفش
مها: ودا ينفع بردو؟ دي كانت موجودة في المستشفى دايما واجب تسأل عليها يمكن تعبانة
ادهم: ان شاء الله حاضر
مها: ربنا يصلح حالك يا حبيبي

تاليا راحت للقائد تحاول تلطف الجو تاني عشان هشام ميحصلوش مشكلة
القائد: حضرتك انا معنديش مشكلة انك شايفة الموضوع عادي ومش مستاهل الباشا هيتحقق معاه كتحسين تقويم من عندنا احنا
تاليا: بس يا فندم حقيقي الموضوع بسيط ومش عاوزة اكون سبب في اذى حد
القائد: اطمني هيكتفى بنقله لمكافحة تانية فترة لحد ما يثبت نفسه ويرجع تاني
تاليا: اللي تشوفه يا فندم بعد اذنك
بعد ما خرجت أحمد كان مستنيها: ها عملتي ايه؟
تاليا بانهزام: للاسف عملت اللي عليا لكن لازم هيتعاقب
احمد بحزن: الله يخربيتك يا هشام
تاليا: اطمن هو اكدلي ان العقوبة هيكتفي بنقله لحد ما يثبت كفائته ويرجع تاني
احمد بزهق: خير انا متشكر جدا يا دكتورة
تاليا: على ايه انا كان نفسي اساعد بس على فكرة هو يستاهل عشان قليل الادب
احمد بضحك: عارف
تاليا باحراج: احم طب بعد اذنك بقا
احمد: اتفضلي

ياقوت رجعت البيت وبدأت فقرتها المفضلة انها تطبخ
ياقوت: واخيرا خلصت الغدا
داليا بزهق: قصدك العشا احنا بعد المغرب
ياقوت بضحك: الله مش عشان اطلعلك حاجة حلوة
داليا: ربنا يستر وتطلع حلوة بس
ياقوت: صنية مكرونة بشاميل هتاكلي صوابعك وراها
داليا: اما نشوف
داليا بانبهار: ايه ده يا بت دا انتي طلعتي شيف جامدة
ياقوت بغرور: شوفتي بقا
داليا: لا حلوة اوي بجد يا بخته اللي انتي من بخته هههههه
ياقوت بتنهيدة: يا بخته بقا
جرس الباب رن قامت ياقوت تفتح الباب
ياقوت بصدمة: أدهم؟!