عشق الأدهم

البارت 31

عدى اسبوع وهشام حالته بتتحسن وخرج من المستشفى وأحمد اللي بقى كويس جدا وخلاص حددوا معاد الفرح مع أسامه وغنوة
غنوة: بس ربنا يستر وميحصلش حاجة تاني
داليا بضحك: والله انا خايفة
احمد: اتريقوا براحتكوا كمان
اسامة بضحك: متقلقش يا ابو نسب هتعدي على خير باذن الله
احمد: والله نفسي قبل ما اموت
داليا: بعد الشر متقولش كده
غنوة: ربنا يخليك لينا ونفرح بيك يارب
احمد: حبايبي متحرمش منكوا المهم يلا سيبوني اجهز شنطتي
داليا: تروح وترجع بالسلامة يا حبيبي
احمد: الله يسلمك يا حبيبتي

عند هشام تاليا كانت بتروحله كل يوم تطمن عليه وحالته بتتحسن بشكل تدريجي وهو كان مبسوط بقربها منه كده
هشام: ما تيجي نحدد معاد فرحنا
تاليا بضحك: طب مش لما تقوم بالسلامة الاول العريس هيمشي بالعجاز كده
هشام: يعني موافقة ع الجواز
تاليا بخجل: ايوة
هشام بصوت عالي: اخيرررااا يا وعدي يا وعدي
تاليا بضحك: ششش بس اسكت المهم دلوقتي تاخد بالك من نفسك اهم حاجة
هشام: من عنيا

عند ياقوت قاعدة زهقانه الروتين اليومي بقا ممل جدا طول اليوم بتكلم داليا ومامتها او مامتها تروح تقعد معاها شوية وتمشي قررت انها تتكلم مع ادهم تاني
بعد دقايق ادهم بيتصل بيها
ياقوت: حبيبي وحشتني اوي
ادهم: وانتي كمان وحشتيني اووي طمنيني عنك عاملة ايه
ياقوت بزعل: زهقانة قاعدة في البيت لوحدي زي القردة مش بعمل حاجة ومليت من الوضع ده😢
ادهم: معلش شوية وهنزل اجازة واقعد معاكي
ياقوت بعصبية: انت عارف انا اقصد ايه يا ادهم متستهبلش
ادهم : احنا مش قفلنا الموضوع ده
ياقوت: لا متقفلش ومش هيتقفل انت مش حاسس بيا انا حاسة اني في سجن دا ميرضيش ربنا
ادهم بحدة: انا ملاحظ ان صوتك بقا يعلى كتير
ياقوت: والله ؟ هو دا ردك على كلامي يعني
ادهم: انتي شايفة ان ده وقته نتكلم في الموضوع ده
ياقوت بزعيق: اومال امتى انا زههقققت زهقت افهم بقا هطق وهفرقع
ادهم: يااقوت لاخر مرة هنبهك خدي بالك من طريقتك واسلوبك مفهوم ؟ومش عاوز اسمع منك حاجة تاني يلا اقفلي سلام
ياقوت: الو الو ادهم اووف

عند عمرو من يوم فرح أدهم وياقوت وهو بيحاول يعرف اي حاجة عن مليكة مش عارف فكر انه يسأل ياقوت عنها وهي اللي هتقوله اللي هو عاوز يعرفه فكر يروحلها وبعدين افتكر ان ادهم مش موجود كلم مامته تعزمها عندهم وبكده هيعرف يتكلم معاها
عمرو: بقولك ايه يا ماما ما تعزمي ياقوت تيجي تتغدى معانا
مدحت: والله فكرة حلوة بدل ما هي قاعدة لوحدها طول الوقت كده
مها: خلاص هكلمها دلوقتي

ياقوت كانت قاعدة متعصبة من أدهم تليفونها رن ردت
ياقوت: ازيك يا ماما عاملة ايه
مها: الحمدلله يا حبيبتي بخير انتي عاملة ايه
ياقوت: الحمدلله
مها: طيب انتي هتتغدي معانا انهارده البسي وتعالي
ياقوت بتردد: طب هشوف ادهم الاول
مها باستغراب: وهو ادهم هيمنعك انك تيجي ولا ايه
ياقوت: لا مش كده طبعا بس هو منبه عليا مخرجش من البيت غير لما أستأذنه الاول انا اصلا والله من يوم ما سافر مخرجتش خالص
مها: الله وليه كل ده هو هيستخدم حياته الميري عليكي ولا ايه سيبيهولي انا هكلمه وانتي يلا اجهزي وهبعتلك السواق ياخدك
ياقوت: حاضر
بعد ما قفلت معاها فكرت تكلم ادهم وتقوله ولا لا
ياقوت: مش هكلمه عشان يعرف اني زعلانة