عشق الأدهم

البارت الـ 39

مليكة بصدمة: ايه؟
عمرو: بحبك
مليكة: يالهوي😍
عمرو بضحك: طب اقعدي هتفضلي واقفة كده
مليكة: انا مش عارفة انا فين ياقوت
عمرو بضحك: اهدي بس انا اللي عملت ده كله عشان تيجي ياقوت مجتش
مليكة: يا بنت الايه يا ياقوت
عمرو: مسمعتش ردك🤗
مليكة بخجل: عمرو ارجوك متكسفنيش
عمرو: هعتبر دي موافقة ❤️خديلي معاد مع والدك في اسرع وقت
مليكة مش مصدقة وحاسة انها بتحلم هي فعلا حبته جدا واتمنت اليوم ده

عدى كام يوم وجه فرح هشام وتاليا احمد مع هشام من اول اليوم وادهم معرفش ينزل حتى يوم واحد اجازة وكانوا كلهم زعلانين عشان كده بيكلموه في الفون
ادهم: مبرووووك يا عريس
هشام: الله يبارك فيك يا ابو البنات كان نفسي تكون موجود اوي
ادهم: والله انا اكتر معلش هنعوضها لما انزل المهم عاوزك ترفع راسنا انهارده فاهم😂
احمد بضحك: والله شاكك في الموضوع ده
هشام بضحك: مين دا ياض اللي شاكك انا اسد
ادهم واحمد قعدوا يضحكوا عليه

ياقوت كانت مع داليا من اول اليوم وملاحظة عليها الحزن
ياقوت: هتفضلي كده كتير
داليا: اعمل ايه يعني
ياقوت: متفكريش في الموضوع كتير يا داليا انتي لسه مش متجوزة بقالك سنين عشان تعملي كده بصراحة بقا ومتزعليش مني انتي اوڤر اوي في الحكاية دي
داليا بزعيق: ما انتي عندك بدل الواحدة اتنين مش هتحسي بيا اللي ايده في الميه مش زي اللي ايده في النار لو كنتي مكاني مكنتيش قولتي كده
ياقوت اتصدمت من رد فعلها لمت حاجتها بسرعة ومشيت داليا بعد ما مشيت استوعبت هي عملت ايه نزلت بسرعة تلحقها بس كانت مشيت اتصلت بيها كتير مردتش عليها قعدت تعيط

عند رؤى كانت بتجهز نفسها والميكب ارتيست موجودين وليان كمان جه في دماغها فكرة انها تعزم سيف ع الفرح
ليان: وتفتكري هييجي؟
رؤى: مش عارفة هجرب
رؤى اتصلت بسيف
سيف: الو
رؤى: ازيك يا دكتور
سيف: مين معايا
رؤى: انا رؤى
سيف: ازيك يا رؤى عاملة ايه
رؤى: الحمدلله بخير انا كنت عاوزة اعزم حضرتك على فرح اخويا انهارده في ... لو تقدر تيجي هبقى مبسوطة اوي
سيف: مش عارف هقدر احضر ولا لأ بصراحة مش هوعدك لاني مشغول انهارده
رؤى بخيبة امل: ولا يهمك
سيف: عموما الف مبروك وعقبالك
رؤى: الله يبارك فيك ميرسي
بعد ما قفلت ليان: ها قالك ايه
رؤى: مشغول 😒
ليان: كنت حاسة

ادهم بيكلم ياقوت وحس انها زعلانة
_,مالك ي حبيبي حاسس انك زعلانة في حاجة؟
ياقوت: لا ابدا انا منمتش كويس من البنات بس
ادهم: اكيد؟
ياقوت: اكيد اطمن
ادهم: اوك خلي بالك من نفسك ومن البنات ومعتز هييجي ياخدك ويرجعك
ياقوت: حاضر
ادهم بتحذير: ياقوت مش هتقومي من مكانك فاهمة ولا لأ
ياقوت: اووف حاضر
ادهم: ايه اوووف دي مش عاجبك كلامي ولا ايه
ياقوت: لا عاجبني 😏
ادهم: واضح عموما هعرف
ياقوت: حاضر هروح اقعد زي الكرسي اللي هقعد عليه🙂
ادهم: برافو عليكي
ياقوت: رخم والله