عشق الأدهم

البارت الـ34

جه وقت الغدا ونزلت ياقوت عشان تتغدى وهي وأدهم متجنبين الكلام مع بعض نهائيا والكل لاحظ كده بس محدش علق
معتز بمرح: ايه يا مرات اخويا ساكتين كده ليه متخاصمين
ادهم بص له ومعتز سكت
معتز : احمم اسف
مدحت: بطل لماضة وكل وانت ساكت
معتز: حاضر
عمرو بضحك وصوت واطي: بتحط نفسك في مواقف بايخة
معتز: انا قولت افك الجو بدل ما شوية وهيقوموا يضربوا بعض
عمرو بضحك: طب خليك ساكت عشان متضربش انت
مها لاحظت ان ياقوت مبتاكلش : ياقوت مبتاكليش ليه الاكل مش عاجبك؟
ياقوت بتعب: لا ابدا انا تعبانة بس شوية
مها: مالك
ياقوت: دايخة شوية بس منمتش كويس امبارح
معتز: ايوة يا عم من كتر الرقص في الفرح
ادهم بعصبية: معتز
معتز بتوتر: مقصدش انا
مدحت بمقاطعة: بس خلاص مفيش كلام على طعام كلوا وانتوا ساكتين
ادهم: انا شبعت الحمدلله
مها: عاجبك كده اهو ضايقته ومكملش اكله
معتز: يا ماما شايفه متضايق قولت افك الجو شوية
عمرو بضحك: جيت تكحلها عميتها
مها: طب بس بقا وكلوا وانتوا ساكتين ياقوت خدي اكل ادهم وخليه ياكل
ياقوت: حاضر

عند هشام بيتخانق مع تاليا وصوتهم عالي جدا حسناء وامينة جم على صوتهم
امينة: ايه يابني صوتك جايب لاخر الشارع ايه الفضايح دي
هشام بزعيق: اسالي الهانم قال ايه عاوزة تعمل اوضة النوم نبيتي كأننا هنتعدم
حسناء: بعد الشر عليكوا ايه يا تاليا الالوان دي يعني من قلة الالوان
تاليا: يا ماما دا كان مجرد اقتراح وزي ما انتي شايفة كده هب في وشي
هشام: لانك كل كلامك واختياراتك من اول ما جينا وهي زي الزفت
تاليا: الله مش من حقي اختار الوان البيت اللي هعيش فيه
هشام: وانتي هتعيشي لوحدك مش في واحد هيتنيل معاكي
امينة: بسسس هشش خلاص اهدوا كده وصلوا ع النبي واختاروا الوان فاتحة كده حتى تفتح البيت وتكون منعشة كده ايه رايكوا نختار مع بعض
حسناء: اه ياريت خلينا نخلص بقا
تاليا: ماشي

عند اسامة وغنوة بيتفسحوا وبيتمشوا في المانيا وغنوة مبسوطة جدا
غنوة: انت مش متخيل انا فرحانة اد ايه استنى خد صورني
اسامة: يا حبيبتي انتي لحد دلوقتي متصورة اكتر من 100 صورة كفاية بقا
غنوة: دي ذكريات لازم اوثقها والنبي والنبي يلا صورني
اسامة: هاتي، بقولك ايه تعالي نتغدى عشان جوعت اوي
غنوة: يلا وانا كمان
دخلوا مطعم شيك جدا وطلبوا الاكل وقاعدين بيتكلموا ويضحكوا غنوة لاحظت بنت قاعدة مركزة مع اسامة وهو كمان بدأ ينتبه ليها
غنوة بعصبية: والله ما اجيبلكوا اتنين لمون بالمرة
اسامة: ايه بتقولي ايه
غنوة: خليك معاها انا ماشية
اسامة حاول يمسك ايدها يمنعها مقدرش هي بتجري وهو جرى وراها وهي بتعدي الطريق كانت جاية عربية بسرعة جدا
اسامة: غنوووووة

ياقوت طلعت لادهم ومعاها الاكل
ادهم: خلاص انا شبعت
ياقوت بحب: طب عشان خاطري انت مأكلتش وطبقك زي ما هو
ادهم: وانا قولتلك شبعت
ياقوت: طب اعملك ايه عشان اصالحك
ادهم: متعمليش حاجة
ياقوت قعدت جنبه وعيطت وادهم مش عاوز يضعف ويكلمها وفي نفس الوقت صعبانة عليه
ادهم: يووووه طول الوقت عياط عياط انا زهقت
ياقوت بصوت مبحوح: انا اسفة اعمل اي تاني
ادهم: ياقوت انا على اخري يلا قومي البسي عشان نروح
ياقوت: طيب
قامت تغير هدومها ادهم مسك ايدها واتفحص وشها كويس كان باين عليه التعب جدا
ادهم: شكلك تعبانة اوي
ياقوت: انا كويسة متقلقش عليا هلبس بسرعة ونمشي
ادهم : هستناكي تحت