عشق الأدهم

البارت الثامن عشر

ياقوت بخوف: مين
ادهم: متخافيش انا ادهم
ياقوت براحة: الله يخربيتك قطعتلي الخلف منك لله
ادهم بضحكة خفيفة: مجنونة
ياقوت بعصبية مزيفة: ايه اللي هببته ده وازاي تدخل البيت كده
ادهم: عاوز اتكلم معاكي
ياقوت: ودي طريقة للكلام يا حضرة الظابط .. لو سمحت اطلع برة
ادهم: طب ممكن تهدي انا اسف طبعا بس مش قادر لازم اتكلم معاكي واعتذرلك عن سوء التفاهم اللي حصل
ياقوت بقوة: ميهمنيش اعتذارك انت متفرقش معايا واذا كنت فاكر اني لعبة في ايدك تجرحني وقت ما تحب وتعتذر وقت ما تحب والمفروض عليا اقبل بأي وضع تبقى غلطان واتفضل برة بدل ما اصوت والم عليك الناس
ادهم بصدمة: ياقوت انا
ياقوت بقوة: لو سمحت برة
ادهم حس انه هان كرامته انه راحلها من البداية وانه فكر فيها هي متستاهلش ولا عاشت ولا كانت اللي تهينه بالشكل ده قرر يمشي بهدوء

(بعد ما مشي ياقوت عيطت جدا على اللي حصل: غصب عني انا عندي قلب انت جرحتني كتير )

(ادهم خرج مهموم وقرر يشيلها من قلبه بشكل نهائي وميفكرش فيها تاني)

عند هشام
اتحقق معاه واتنقل لمكان تاني متضايق انه بعد عن صحابه اللي عمرهم ما افترقوا وكله بسببها هي في وسط تفكيره تليفونه رن
هشام بضيق: عاوز ايه
احمد: يا ساتر انت اتنفيت مالطا ولا اي
هشام: اخلص انا ع اخرى
احمد: اي بس طمني
هشام: اتنقلت ي عم وكله بسببها
احمد بضحك: اهدى فترة وهتعدي ي اخويا
هشام: انت عاوز اي
احمد: خطوبتي يوم الاتنين عملتها قبل ما تسافر انت وادهم جهز نفسك
هشام: مبروك ي حبيب قلبي
احمد: الله يبارك فيك عقبالك
هشام: ابدا انا اتقفلت منهم خلاص
احمد بضحك: دا تاليا عملت مفعول جبار
هشام بضيق: اقفل يالا

عند غنوة
قاعدة بتعيط بس قررت تعتذر لسامر ومتتكلمش مع اسامة تاني راحت اوضة سامر وخبطت
سامر من الداخل: ادخل
غنوة بخجل: سامر
سامر : تعالي
غنوة بتوتر: انا اسفة ع اللي حصل واوعدك والله مش هرد عليه حتى السلام
سامر بحب: غنوة انتي اختي الوحيدة انا خايف عليكي مش بقولك لأ مش من حقك تحبي لأ بالعكس انا مش همنعك بس لازم تعرفي الشخص ده يستاهل حبك ولا لأ لأن كسرة القلب مش سهلة وانتي لسة صغيرة فاهماني؟
غنوة: ايوة
سامر باس راسها: خدي موبايلك اهه وعلى فكرة انا واثق فيكي انتي عمرك ما تخوني ثقتنا ابدا
غنوة حضنته: ربنا يخليك ليا يا سامورة
سامر: ويخليكي ليا يا أحلى غنوة في حياتي

خرجت وقررت متكلمش اسامة تاني غير لو في حاجة رسمية بينهم...

ادهم واحمد وهشام مش بيفترقوا خالص لحد يوم الخطوبة
ادهم: دبست نفسك بدري ي عيني عليك وع شبابك اللي ضاع
هشام: ونكد بقا يا لهوي دا انت داخل على ايام سوده
احمد: يا اخي منك لله انت وهو دا كلام يتقال في مناسبة زي دي
هشام: مش لازم ننبهك عشان تاخد بالك للمعركة اللي داخل عليها
احمد: كتر خير والله
دخل سامر عليهم: يلا يا احمد هنتاخر
احمد: اسبقوني انتوا واحنا جايين وراكوا