عشك صكر

بارت الرابع

#عشگ_صگر (نهوه)
«حـوراء طالب»
______________________________

من دخلت للبيت جان اشوف ولد واكف بالكراج يتعارك وي احمد راد يضربه صرخت لاااااااا
وركضت حضنت احمد

- دخلي جوه هيلين
لولد صاح
: نوب مخلين هيلين مفرعه

احمد من سمعه هيج حجه ضربه بوكس وهوه الولد ضخم هجم على احمد اني ومامه بس نصرخ خابرنه خالي قريب علينه اجه بسرعه وفارغهم احمد وجهه كله دم ويحجي وياه كله حمزه تطلع بره احسلك

- راح اطلع بس انا الك

طلع عمو حمزه والي فتهمته جاي يريد ابوي وأحمد طارده

- ليش طردتو؟؟

- روحي لغرفتج

- لا اشو اريد اعرف

- هيييييلين صعدي بغرفتج

: ما اصعد ومعليك بيه

ضربني راشدي بقيت صافنه معقوله هذا احمد صعدت الغرفتي ابجي اول مره يسوي هيج وره شوي صعد سجاد

- ها ولج شعندج كاعده وحدج

- هيج اريد اكعد وحدي

- بويه باع البراطم

- سجااااد وخر

ها ادبسززيه شلونكم

-ماكو غيرك ادبسزز

وبقو يضحكوني وكل شوي مهند شاد وصله ويركص

- ههههههههههههههه ‏شبيك ولك

- حبيبتي خانتني

- يعني لازم تضوج وتنقهر مو؟

- لا مكبل وياها من غير حساب

- لككككك كفوو بالعباس

- طاح حظكم

بقو يمي لحد م طفينه ونمنا كلنا بغرفه للصبح واحد يدفر الثاني بحيث كعدت لكيت نفسي بالباب وسجاد يم الكنتور
طكيتهاا ضحكه وكمت غسلت وجبت بطل مي ذبيته عليهم ونكتلت مـن الصبح نزلنا جوه ملكيت احمد بس بابه ومامه

هيلين : صباح الخير

بابه & مامه : صباح النور حبيبتي

مر اليوم عادي وعرفت بابه مرزل احمد لان ضربني
بليل اجه أحمد سلم مرديت السلام وكمت منهم صعد وراي

- هاي العلاكه المن
باوعتله صفح ودرت وجهي

-يحلو انته

- وخر ما اريد شي منك

- اسف بنيتي بــس جنت ضايج بوقتها

- تمام وخر

- يابويه من تعاندين عود جبتلج حلويات ونوتلا بس راح انطيهن ال سجاد
جريت العلاكه وكتله بقيها وانته اطلع

- هههه خوش باسني بخدي وطلع

بدت الامتحانات النهائية فــ آخر يوم واني راجعه للبيت صفت سياره سوده عاليه ونزل منها عمو حمزه ويا ولد عنده شوارب وعيونه ملونه

- هــلا هيلين

-اهلا

- شلونج حبيبتي

- تمام

- هاي الورقه انطيها لبوج

- انته انطيها اله

- اخذيها بدون حجي زايد

- ما أخذها وشتسوي سوي

الولد حجه : عمي عوفها هالوكحه

- نجب انته

الولد : هاي عليمن ادبسزز

- عوفها صكر

هيلين : وخرو من طريقي بابه ميقبل احجي وي ناس مثلكم
تقدم عمي وهمس حته ميسمع الولد (صكر)

- بسيطه اني اعلمج واسوي بيج مثل ماسويت بأخوج

- مفهمت

ضحك وراح

طول الطريق واني افكر بكلامه وكلبي يم اخواني
رجعت للبيت شفت احمد مدنك راسه وابوي يخابر ويصيح ذبيت الجنطه ورحت يم احمد

- شبيك حبيبي

- طردوني من شغلي

- عزهه بعيني ليشش

- يمه شلون بيه شيردون من ابني ماكو غيرهم اهلك

-اسرااااااء عوفي اهلي تره طالعه روحي

- اي صحيح بيت جدو سوو هيج بأحمد

كلها سكتت واحمد رفع راسه وسألني : ليش منو گلج

-  اليوم اجه عمي ......... وحجيت السالفه كلها

بابه اخذ سويج السياره وطلع ركض وراه احمد مالحك بيه كبل صعد بالسياره تتصل بيه ميجاوب لثاني يوم احنه منايمين خفنه بابه صار بيه شي

ثاني يوم العصر اجه بابه سلم علينه وكعد على التخم باوع علينه كال شبيكم ما دكعدون ضحكنا ارتاحينه من شفناه هيج يضحك

-  بابه شفت جدو وبيبي

- اي يسلمون عليكم

مامه كمزت وحجت : يعني رحتلهم مووو

- اي

- براحتك اذا تريد روح واخذ جهال وياك

- اي انتي ابقي واحنه نروح وغمز النه

- يلا ابقي اذا طلعتي اموتج

- منريدج بعد ابقي هنا

- خوش

عافتنا وراحت للغرفه رحنا وراها حته أحمد جان ضايج بسبب الشغل وضحك ويانا ضلينا نشاقيها ونضحكها

- اليوم حضرو روحكم اخذكم بليل لكورنيش الاعظميه

- ييياااايي بس سجاد ميروح ويانه

- شمسويلج الصفره

- ابو النسوان
وضلينه نتعارك لحد ما بابه صرخ بينه
بليل رحنه وتونسنه وتصلو ب بابه كالو خلي يرجع احمد للشغل خطيه كلش فرح واحنه همات فرحنه على فرحته

بس شنو ح يصير وره هالفرحه؟!

يتبع....

صوتو حبايبي 💕