عشك صكر

البارت الخامس

#عشگ_صگر (نهوه)
«حـوراء طالب»
       _______________________________

هيلين
كعدت ؏ صوت نرجس بـ باب غرفتي : يمة دعوفيني شني سالفتج
ودكت الباب
فز صقر وحجة بنعاس : منوو

- انا ،ويـטּ هيلين امي تريد تروح توصل جوارينة واريدها تساعدني
بالطبخ
اعرفها هيه دائماً تكعدني مـטּ وقت علمود الشغل بس لانو صقر موجود هيج حجت ، ومرات تكعدني وترجع تنام او تلعب بالتلفون ومن يجي عمو تدخل للمطبخ
كل هذا وعمتي ابد متحجي وياها ومغلسه ؏ تصرفاتها كلش

كمت بنعاس فتحت الكنتور طلعت ملابس ودخلت للحمام ،لبست ونزلت جوة
- واخيرااا ؟

- شنو شبيج

- شنووو شبيجج (تعوج بحلكها وتقلد ؏ كلامي )

محجيت وياها شي حميت الجاي وسويتلي ريوك ، اكلت ؏ السريع وبديت بـ الطبخ وراها اجت عمتي نزعت عباتها واندارت عليه وحجت : ركبتي ( بـ معنى طبختي ) لـو لا

- اي سويت مركة دجاج حمرة

- كم وحدة سويتي

- اثنين

- اي هم يلا ، نرجس وين

- بغرفتها
عافتني وراحت كعدت يم نرجس بغرفتها، اجتي بالي مامة مـטּ اجيت لهسه ممتصلة بيها اخذت التلفون واتصلت بيها يرن بـَسہ مترد عفتة
وكملت شغل نزل صقر : هـا حبيبي

- عشگي

- اسويلك ريوك لـو تنتظر عمو ؏ الغدة

- سويلي ريوك ابوي خابرني مـا يجي هسه

- تمام قلبي

غمزلي وضحك ، رفعتلة تك حاجب وكتلة : خير ان شاء الله

- لا سلامتج بـَس خوش جسم صــآيـر

- نعمم

- نعم الله عليج

- متسحتي تتحارش بـ بنات العالم لا

- چاا بوية البارحة منو چان بحضني ؟

- ههههههههههههههههههههه اكرهكك

ضحكت ؏ كلامة وحركتة الي سواها بهل اثناء اتصلت مامة
ررحت احجي وياهه وراضيتها لانو جانت زعلانة عليه مـטּ عركتنا اني وصقر
وسولفتلي ؏ اخوي يريد يخطب حبيبته

- يومم ترا السالفۃ حيل طولت

- ايي دادة شمدريني بـ أخوج كل يوم بقرار جديد ساعة اخطب هسههہ ومن نتخرج يصير العرس ساعة يكول اعوفها مـטּ نتخرج اخطبها

- ههههه فدوة الگلبة شكد يحبها ، مامة

- هـا عيني

- ابوس عينج ، بابة معرف شي جديد ؏ احمد ؟

- لا والله ياريت ، هيج ربي يفرحني واسمع اخبارة
رغم كلشي سواه احمد وياي ومعارضته ؏ زواجي مـטּ صقر بس ابد مراح عن بالي ضحكتة ، سوالفة وياي بكل مرة اتعارك ويا سجاد يطلعه هوة الغلطان حته لـو جنت اني السبب
وجان دائماً يكلي ( هيلين اني اريد اخذج ونطلع للخارج ) لاننو هوة مـטּ زمان يريد يطلع ويكول مـا اكدر افارگج وبابه يكلة : اييي كلش خليتك تروح وفوكاها ياخذ الفاهيه وياه لا ربحنا