عشك صكر

البارت السابع

#عشگ_صگر (نهوه)
# حوراء_طالب

(( وگلبي طاح بناس كساره خواطر))
______________________________

- شوف صقر شكد حلو

- يخبل طالع عليج

اباوعلة واني مبتسمة خدودة ورديه وشفتة صغيررة وعيونة سود كبار :- مامة حبيبي يروحي انتَ ... وهوة يناغي الي ويحرك بأيدة

ضحكت على صقر الي صافن علينة ومبتسم :- انطيني اياه
بوستة ودا انطي الصقربس فجأة راح صوتة وضل ميتحرك هزيته على كيف واني احجي :- مامه حبيبي شبيك ،، صقر شوفه شبيه مدا يتحرك

اخذه مني وهوه يحرك بيه صار قطعة جامدة وعيونة مفتوحة انهاريت وصقر احتار بيني وبينة شايلة بيدة ويحجي وياه بقهر :- ها بابة وانتَ هم تريد تكسرني

صرخت بصوت من شفتة غمض عيونة :- ابنننننننييييييييييييييي

.
.

كعدت اصب عرك وعيني كوة افتحها من الصخونة ،حركت راسي بثكل شفتها ب٩..... مـا كدرت اكوم جسمي مكسر وبعدني ارجف من الحلم
الي صار ٣ مرة اشوفة ابني يموت واني لازمتة بأيدي وحتى صقر محجيت الة عليه ....

ماحسيت غير على صوت قوي بالباب ويندفع بقوة وصياح عمتي :- كومييي العاجررر نايمة للظهاري

ما كدرت ارد عليها فد مرة حالتي عفتها تدك ... وسمعت صوت عمو يصيح عليها وهيه ترد عليه بصوت عالي وتدك بباب غرفتي

كمت كوة فتحت الباب اول ما فتحتة صرخت بوجهي :- نزلييي نظفيي بسرعة راح يجونة خطار ،،، وحسابج بعدين مال نوم الظهاري

حجيت بثكل :- عمة والله راسي راح يموتني وجسمي مكسر

هزت ايدها وكالت:- عساج ان شاء الله

عافتني وراحت رجعت كعدت ؏ الجربايه افرك براسي ... اتصل بيه صقر جاوبته وطمنتة عليه

حجاها بضحكة :- بس اجي تصيرين زينة

- شلون ههههههه

- اني ما احب الحجي احب الفعل فمن انزل اكلج شـلون

ضحكت وكتله:- بطل عاد
ضحكنه اثنينه وكتله حنزل جوه ... بدلت ملابسي ونزلت
نظفت الصالة وعلى طول ما اني انظف عمتي مخلصت من كلامها عليه وما كدرت بعد اكمل كعدت على الكرسي واخذت صمونه خاف يصير عندي هبوط
سمعت اجن خالاتهم  عفتهن ما كمت اني ماخذه موقف منهن ..

دخلت للمطبخ واجتي عمتي وراي :- عود شني مـا دكومين تسلمين وصلت حدها وياج
عافتني وطلعت بقيت على كعدتي لحد ما اجت نرجس تباوعلي صفح

- خالاتي يسألن عليج ، كومي سلمي

- نرجس فدوة راسي موتني، ما اكدر اكعد يمهن

- يكول كاتلات نفسهن عليج

اعرفهن من يجن بس يذبن سمهن ويرحن والمشكلة عمتي ونرجس يصفن وياهن....رحت سلمت وكعدت يمهن بـس حسيت راسي يريد ينفجر وهنه كل شوي يسألن على صقر وشوكت ينزل  .... جان وحده من بنات خالتهم اشرت عليه وضحكت  ... لزمت التخم وعصرتة بيدي حيل