عشك صكر

البارت الرابع

#عشگ_صگر (نهوه)
«حـوراء طالب»
       _______________________________

هيلين
نفتح الباب ودخلت نرجس ترجف

- هيلين تعاليي ابوي يريدج

- ايي جاية

نزلت جوة فتحت باب الاستقبال لكيت صكر عصبي ويصيح

- مرتييي لحدد يدخلل

بابة طلع ضايج من صكر راح وراه عمو
صكر باوعلي وكال : اني اعلمج

- شنو تعلمنيي شمسوية

- شكاااايلة لأبوج

- مكايلة شيي

-  اي شي يصير بيناتنة محد الة دخللل بيه مفهوووومم

هزيت راسي وطلعت

سمعت عمتي تحجي عرفتها عليه بقيت واكفة على الدرج واسمعها

- شنو نخاف من ابوها

- أسـكتي يمة لا تسمعج

عفتها مالي خلك مشاكل وصكر مدري شبيه وياي
تمددت واني افكر بسالفتي شلون تنحل مخليت شي مسويتة ....

قطع افكاري صوت صكر : ويـن قميصي الاسود

كمت طلعتة بدون مـا احجي شي

- البنطلون الكاحت اغسلي وانطيني الأسود

رحت طلعتة وخليتة كدامة ضل يطلع حجج حتة بس اجاوبة

- شلون يعني راح تبقين هيجج

مجاوبتة رحت على الجرباية (سرير) ولفيت البطانية على جسمي كلة

- ارجع واعلمج على هذا العناد

بعدها نمت ...

♡ ♡ ♡ ♡ ♡
كعدت على دكت الباب  كوة فتحت عيني

صحت : منو

- هيلين تعالي اغسلي وياي الفراش

- ايي دادة جاية

كل ما اجي من اهلي يطلعن شغل من جوة الكاع رغم نرجس جانت حبابة بداية زواجي بس صار الها فترة احسها تخبث ويايه لـو اسوي روحها مريضه حته تذب براسي الشغل وحتة عمتي
واني جنت ابد مـا احجي شي اكول مــو بقصدهم واطلع أعذار

غسلت ونزلت باوعت على عمتي كالبة وجهها وتحسب تقربت منها وسألتها:عمة اكو احد مضوجج

-لا عليش تسألين
عافتني وكامت لغرفتها باوعت محد بالبيت والكراج كله فراشات نرجس مطلعتهم لأن مبقه شي على الشتاء وحيل كبار وثكال العام من غسلناهم صقر شالهم وعلاوي

انتضرت نرجس تجي حتة نغسل ماكوو رحت سويتلي لفة كلت بين ما تجي
ماا احس غير عمتي صاحت