عشك صكر

بارت ال 17 والأخير

#عشگ_صگر (نهوه)
«حـوراء طالب»

‏گل بنات الدِيرة يحچن بيك سَكتة
الغيرة گتلتني ( يـ زلمة گلبي ) أنتَ ♥️.
______________________________
هيلين

بدلت احلا شي عندي ونزلت باوعلي صفح وكال يلا امشي
طول الطريق واحد ميحجي وي الثاني ولا عبالك رايحين نعقد
باوعتله بدلته العسكريه وعطره مالي السياره ضليت صافنه عليه مشتاقه الوجهه

- خير مضيعه شي بوجهي

- لا

- شني عود هذا العناد ،،، من ادز عليج ماتجين وعلي كلت بس اشوفها انعل والديها

- لتغلط على اهلي

- دنجبي

- رجعنيي للبيت...وبجيت

- ام دميعه

- ههههههههههه

- وحق الله مو صاحيه

- نننننن

خلصنها بس عرك عقدنه ومن صعدت السياره كلي مبروك علينه
باوعتله صفح وكتله رجعنيي للبيت ولتحجي وياي

- ها بويه شمالج

- مابيه شي

- براحتج

بس احسه ضاج عقد حاجبه وما حجه شي ابد
- صقر

مرد عليه رجعت حاجيته
- صقر مو احجي وياك
- هااا

- وين رايحين

- للبيت غير

- لا خلي نطلع

- مو كلتي رجعني

- اشاقه وياك شبيك

غير الطريق واخذني المنتزه مابي بس عوائل اعرفه مايحب المولات يكول بس عفطيه

كعدنه سألني جوعانه لو اجيبلج حلويات

- حححلوياتتت

- هههههه خوش

- راح جابلي واجه اخذتهن منه وكتله احبك موت

- القزم

- ليش دكولي قزم تره طولي يخبل

- هههههههههه ربع ردن وعلي

درت وجهي وضحكت
شويه ورجعنه للبيت قبل لا انزل لزم ايدي

- حضري نفسج تره مابقه شي على العرس

- يعني شكد

- شهر

- عزه شسوي بيه هذا الشهر

- مو مشكله هيلين سكت ورجع كمل .... تره تعبان بس خلي نتزوج

- ‏شـبـيك تعبان

- ماكو شي

- صقر انته تحبني

- هذا سؤال؟

- اي لان دا احسك متشاركني اي شي يصير وياك
احترم خصوصيتك يجوز تريد تبقيه بينك وبين نفسك،، بس اي وقت تريد تجي تحجيلي ح تلگاني يمك تمام