عشك صكر

بارت ال16

#عشگ_صگر (نهوه)
«حـوراء طالب»

بلايّه لونك،
‏خربت رسومي التودّها
‏بلايّه لونك،
‏كل بساتين المُدن ذابل وردها ♥️🥀...
______________________________

هيلين

شكوو

مهند : هذول الزلم اجو حته يخطبونج محاجين عمي حمزه

واجه كال لابوي هذول خوش ناس جايين على هيلين ابوي راد يسأل عليهم بس عمي حمزه ما قبل،،، انا وسجاد مارضينه بدون مانحجي رحنه سألنه عليهم واخذنه العنوان من مبايل عمي حمزه
تدرين طلعو قفاصه وعمي يشتغل وياهم

- عزه بعينيييي لعد شعدهم جايين

- كلنه خلي نشوف وين توصل وياهم ونشوف عمي ويـن يلتقي و ويامن

- والله العظيم عرفت من هذن النسوان الجايات ابد مو راحه

سجاد : بويه مو نسوان ضيممم

مهند : ليش متاكل خره

سجاد : شفت ام الوردي دخخـيللل الكعبه

هيلين : الزاحف

سجاد : اول شي اني مو زاحف ثاني شي هنه النسوان حلوات شسوي يعني

مهند: تنجب وتسكت،، هيلين روحي نامي ولا تفكرين بهذا الموضوع

- تمام تصبحون على خير
طلعت من غرفتهم لاكتني مامه

- ها يوم كاعده

- اي والله ما جايني نوم،، جنتي يم مهند وسجاد

- اي

راحت يمهم واني رحت طلعت الموبايل واباوع على صور صقري
نمت والموبايل مشتغل على صوره

مر اسبوع
بابه مكاعد بالبيت يروح من الصبح يرجع بليل
الناس بعد ما اجو من يومها ،،، والشي الغريب عمو ابو صقر رجع يحجي وي بابه لان همه جانو متعاركين ويانه وميدخلون لبيت جدو
احمد مرجع ويكولون مسافر....

كاعدين جوه بس الوضع مو طبيعي بابه مثل كل يوم طالع هوه وابو صقر
حمزه دخل للبيت وجهه اصفر سألته بيبي كال ماكو شي صعد لغرفته
بس بيبي كالت كلبي يوجعني اكو شي

شويه ودخل سجاد يركض

- وين مسدس بابهههه بسرررعههه

اسراء : هاا شكوووو

- ماكووو شي بس جيبيييي المسدس

- ما انطي اله دكول

عاف مامه وصعد يدور عليه صعدنه وراه كولنه اجه سيف يركض

- ها سجاد وينننهه

- هذااا يلاا تعال

- ولكمممممم وينن رايحين

ما يحاجونه طلعوو ومامه كعدت تصرخ اجه حمزه

- شنو هذا الصياح