عشك صكر

بارت ال14

#عشگ_صگر (نهوه)
«حـوراء طالب»
______________________________
هيلين
كعدت على صوت مره تصرخ طلعت اشوف شكو
اول منزلت لكيت ام صقر وبناتها

ام صكر :  الله لا ينطيج أنشاء الله

اسراء : ليش هل دعاء على بنتي مو حرام عليج

ام صكر : انتن تعرفن الحرام وليدي ما ادري بيه وين من وره هاي الكـ..
تعاركن هيه ومامه وصريخ وعمتي صوتها عالي حيل

دخل حمزه صار وي ام صكر وضل يحجي على امي ،،، مامه من سمعت هيج راحت لمت ملابسها وخابرت بابه كلتله هسه تجي ما ابقه دقيقيه

- مامه شبيـها مرت عمو

- شبيهااا يعني صقر ما كو من البارحه وذبتها براسنه

- عزههه بعيني يـعني وينه

- وخريي مننييي ادبسزز تسأليني  عليه انشاءالله يموت ونخلص منه

- لااااا مامه لا تدعين على صقر

ضربتني راشدي وكالت جيبي طاري صقر مره ثانيه ،، ضلت بس دموعي تجري خليت ايدي على وجهي وطلعت من الغرفه لكيت حمزه واكف

- كلههههه منننن وراكك الله ياخذكككك انشاءالله

- ههه

- انتهه سويت كل هذاا وحته الفيديو انته سويته

من حجيت هيج طلع احمد ورايه سحبني للغرفه بالحزام على جسمي بحيث
كل ضربه احس روحي تطلع حته صوتي راح من كد ما صرخت يدكون الباب يردون احمد يفتحه بس ماهتم الهم
عبالك عدوه ويضرب بيه ،،، اسمع بابه يصيح عوفهااا لا تضربها بس بعديش؟

كسرو الباب ودخلو مامه ضلت تلطم من شافتني بدمي بابه وكع بالكاع من شاف هيج مسوي بيه ،،بس مفتحه عيوني يحاجوني ما اكدر ارد عليهم احس لساني بطل ينطق الكلام غمضت عيني واتخيل صقر يجي ياخذ حقي منهم
هوه مو كلي هيج!؟

اغمى عليه ،،،،، فتحت عيني بالمستشفى بس ماا اكدر احجي
كل ما افتح عيوني واريد احجي ما اكدر وارجع اغمض
كعدت اني بحضن بابه

- هاا شلون صرتي

اريد احجي ما اكدر اشرتله انو ما اكدر احجي مامه لازمه ايدي وتصرخ

- شسويتي بتيييييي مااامههه هيلين ليش متحجين

- اوكفي ياااا مرهه على كيفج وياها ،، بابه شبيج متحجين ما تكدرين
هزيت راسي بمعنى اي

- وحق الحسين اذا صار بتي شي احمد كتلته على ايدي ليششش حسييننن مووو هاييي بتككك ليششش

بابه بس مدنك راسه ما حجه شي عافنه اني ومامه بالغرفه وطلع
جربت مامه تحاجيني او ارد عليها بشي ماكو ما اكدر

للصبح مامه تتحسب عليهم ودكول ادري بيج شنو بس خلي تصيرين زينه ما نبقه دقيقه هنا
جسمي متكسر من الضرب حته ما اكدر اشكي ،، نمت من التعب
كعدت الصبح مامه نايمه يمي كمت للحمام فتت من المرايه

انصدمت بشكلي موو ٲنـيہ ابدد جسمي و وجهي عباره عن اثار ضرب
جان اكو اغراض على الميز شلتهن كلهن وكسرتهن ما اكدر اصرخ ذبيت حركتي باغراضي وبالغرفه مامه كعدت تريد تهديني ما تكدر
راحت صاحت بابه واجه سجاد جانو سهرانين هوه ومهند

من شافوني هيج يردوني بس اهداء ويعرفون شبيه كعدت بالكاع ابجي
واشرلهم على وجهي وجسمي سجاد فهمني

- باجر ناخذج للدكتور بس لا تبجين

حضني وبجه مامه كعدت يمنه وحضنتنه ثنينه كلبناها مناحه مهند ما اجه
وخرت منهم ورحت حضنته وابجي شالني وكعدني بحضنه يمسح بدموعي ويكلي كافي مو كطعتي كلبي
ضليت حاضنته ونمت بحضنه ......

كم يوم واخذوني للدكتور علمود النطق كال متعرضه الصدمه
صارت حياتي عباره عن دكاتره وما احجي وي احد بس كاعده وحدي
بابه من يومها محجيت وياه ومن ياخذني للدكتور ما اباوع بوجهه اخلي مهند يروح وياي
صقر اي خبر ماكو عنه يومي اخلصه واني افكر هسه هوه وين ؟ شنو اكل ؟
مرتاحح ؟،،،،

حياتي من يومها تحولت جحيم نتيجتي طلعت بمعدل عالي مهتميت وفضلت انو ابطل

مامه تريد بس تغير من نفسيتي كل شوي رايحه للسوك مشتريه شي الي
وبابه هم بس عتزلت عنهم كلش وحته مهند وسجاد بتعدت عنهم
احمد مرجع من يومها لان بابه حالف اذا يشوفه يموته

عمو ابو صقر وعائلته مااجو لبيت جدو ابد وعمتي ذابه الصوج بيه
دكول فكر وماشفنه راحه من وراها
حمزه كل يوم مسويله مكسوره وصايره مشكله ،،،،
.
.
.
.
.
مرت شهور على هل حال ومبطلت بجي على صقر ماكو آي خبر عنه امه تمرضت حيل على فراكه

بيوم كعدت الصبح مثل كل مره على صوت مامه حته اكوم اتريك واشرب علاجي كمت
بــس تفاجاة واني ..

يتبع .....