عشقت انفاسك
الحلقه 4
بترقد عند مريم لأنها مش هترقد بدري وهتعبك كيف مكانت ادير امعاي بس بعد دقيق دقيت باب داري
**ليلى انا أحمد ممكن انخش
كنت راقده ع السرير وقتها بس لما سمعت صوت الباب نضت وفتحتله
** اتفضل
(عند أحمد )
فتحتلي ليلى الباب بحتلها كانت لابسه بجامه وحاطه شال علي كتفها متحشمه مني
خشيت لدار وهي قعمزت علي طرف السرير وكيف الي خايفه
قربت قعمزت جنبها
** ليلى نبي نعتذر منك على صار امس
**لا عادى انا فاهمه انك اتحب مرتك ومتبيش تضايقها وباتك ضغط عليك في موضوع الزواج وانت كنت حامق
**وجت فيك
ضحكتي وانت تقوليلي
** وجت فيا ....بس عادي ولا يهمك
أحمد ** يعنى ننسو يوم أمس خلاص
ليلى** نسيته اصلا
أحمد ** شكرا
ناضت ليلة من جنبي ووقفت ع المرايه
ليلى** مفش داعي لشكر
لحقتها ووقفت وراها
سحبت الشال من علي كتفها
أحمد ** هادا مليشي داعي تتحشمي من راجلك يعني
رعشت ليلى ووخرت
أحمد وهو يتبعد** ها ها خلاص وخرت بس متخفيش ..ليلى انا مش هنقرب منك
رجعت ليلى حطيت الشال على كتفها
ليلى** أحمد انا اسفه بس مش متعوده نقعد هكي قدام راجل غر
مخلتكش اتكملي الكلمه
أحمد ** أنا مش غريب ياليلى انا زوجك يعنى عادي تقعدي هكي قدامي لاهو عيب ولا حرام
ليلى ** في الوقت الحالي مزلت متعودتش يعنى صعب اشويه ياأحمد
أحمد **على راحتك
ليلى حست وكأني زعلت منها فحاولت اتلطف الجو بحتت فيا وابتسمت
ليلى ** جعان انحطلك شئ تاكله
رميت روحي ع السرير وحطيت ايديا وراء راسي وبحتت فيها وابتسمت
أحمد ** لا مش جعان مرتي دارت رز وبعتت منه لعيالها وانا كليت منه غادي 😄
ليلى** اه يعني كليت منه الرز .ياريتك ماكليت اليوم جاني مش حلو مش كيف قبل .وتو انت تحسابني منعرفش انطيب
أحمد ** هههههه تي غير وسعي بالك والله قريب كليت صوابعي مع الرز الي مش عاجبك هدا
(عند ليلى)
كنت نشبحله ومستغربه الي قدامي مش هو الي أمس اليوم باين عليه رايق
كان راقد ع السرير وكأنه في حوشه
وانا واقفه قدامه
معرفتش عليش ناوي المفروض اليوم يقعد عند هناء
ليلى ** أحمد لما بتمشئ للحوش قولي نبي نبعت معاك حاجه لزينب
أحمد ** ومن قالك بنمشئ للحوش انا بايت هنا اليوم
ليلى 😲** وهناء
أحمد ** هناء عند هلها بيمشؤ لطرابلس يعنى بنقعد عندك اسبوع
ليلى .....
أحمد ** عادى لو متبينش نقعد في الشارع
