عشقت انفاسك
الحلقه 20
حسام / رنيت علي زينب متردش فتحت ايميلي الي بااسم سهام وبعتلها
انا ( زينب كيف حالك )
هي ( الحمد لله.)
هي ( أنا وعدنان أطلقته )
انا ( شن صار )
هي ( خش عليا انكلم في حسام تعرفيه حكيتلك عليه )
انا ( اها )
هي ( معليشي سهام توا بنعدي للكليه بعدين نهدرزوا)
انا ( تم باي )
حسام / نضت زي المريوح بدلت ومشيت للكليه اعيوني قلوب قلوب لين شفتها مقعمزه مع نوال وبنت اخره قدمت
حسام ** السلام عليكم
كلهن ** وعليكم السلام
حسام ** معليشي بنأخذ منكم زينب اشويه
زينب ** اتكلم هنا
حسام ** علي انفراد يازينب
نوال / ركيتها وشوشت في ودنها ** نوضي شوفيه شن يبي
زينب / وقفتله** نعم
حسام ** الحقيني / ومشيت
زينب / قعدت نلحق فيه لعند القاعه الي داخل فاضيه مابيتش انخش
حسام ** هيا تربحي خشي
زينب ** اتكلم هنا شن الفرق
حسام ** بحتي هنا زحمه ومناخذش راحتي في الكلام وهو موضوع مهم
زينب / خشيت ** اتفضل احكي
حسام / ابتسمت ** اولا نبيش التكشيخه الي في وجهك تو ابتسمي😊 تانيا مش ملاحظه شئ في سومي مش رايح متغير انا
زينب / دمعن عيوني ** واجد انت مش سومي الأول انت تو راجل هديل وبات خالد
حسام / انصدمت من كلامها بس نبيش نعكر الجو
** تي يااعيوني شفتي القصه اجديده متع شعري اليوم قصيتها القصه الي اتحبها انتي
زينب / بلاش نيه ** ايه حلوه
حسام / معاملتها استفزتني كنت مقعمز مقابلاها نضت وقفتها مسكتها بالقوه من يدها وقعدت انبحت فيها حطيت خشمي علي خشمها
حسام ** قديش خاطري نأخذك في حضني نمشؤ انا وياك لعالمنا الخاص عالم مافشي حد الا انا وانتي بس حسام وزينب .نبي اعيال منك نبي حياتي معاك نبي نتصبح بوجهك ونتمسى بيه نبي يتصكر علينا باب واحد ترقدي علي صدري وانا نلعب بشعرك
زينب / يحكى وهو قريب مني ويبحث فيا ومتأثر ** حسام خلاص / بس مقدرتش انوخر ندمع وخلاص
حسام ** مخلاصش نبيك يازينب نبيك جنبي في كل الأحوال في فرحي وحزني صحتي ومرضي
نبيك ليا ليا انا بس متاعتي ملكي ام اعيالي وحبيبت قلبي زينب تتزوجيني
زينب / وخرت متفاجأه ** وهديل
حسام / قربتلها وانا خايف ترفض ** هديل تقعد خدامه كلبه تحت رجليك ولا انقولك انطلقها غير انت وافقي حبيبي
زينب / فصلت عليه ** طبعا تقعد كلبه خلاص خديت منها المصلحه انت لا انت مش حسام حسام عمره ماقلل من قيمة اي بنت حتى ولو كان يكرها
حسام ** قلت هكي لاني انحبك ومنبيكش ترفضي
زينب ** قصدك انت متوقع اني انووافق ياحسام انا مستحيل نرتبط بشخص خاني مره لأنه المره التانيه مش هتكون صعبه عليه
حسام ** ولايمكن اندير فيك هكي مره تاني
زينب ** قبل قصة هديل كنت اتقولي لايمكن تبحت في غيري وشوف شن صار بعدين
زينب / طلعت وسيبته
حسام / رقالي وعروقي يبسن طلعت نقالي بلا وعي كلمت عصام ولد عمي رد عليا باين مقربعها وسكران
حسام ** جايك وتيلي طاسه
مشيتله وشربت معاه وكترت روحوا بيا الشباب في نص الليل خشيت علي هديل ندعدع
هديل/ كنت راقده نضت علي دوشه ** حسام كنك
حسام / مسكتها من يدها ** حركاتك الحقيره فكينه منهن نبيش نقرب منك انت وحده واطيه ساقطه متسويش قرش
هديل / فكيت يدي** وانت اوطئ مني ولا ناسي انك انت الي اعتديت عليا
حسام / قعدت نضرب فيها بهستيريا ** مش ناسي مش ناسي دمرتيلي حياتي ربي ياخدك وريحني منك فشيت فيها غلي بعدين طلعت وسيبتها مشيت لحوش زينب
وقفت تحت روشن دارها
حسام ** زيزي حبيبي / وبعتلها بوسه ** نحبك انزلي ياعمري سامحتك علي كلام اليوم أهم شئ متسيبينيش بس
زينب / كنت راقده الساعه 3:15 نص ليل نضت علي صوت حسام طلعت للبلكونه منظره يرعش سكران عيونه حمر ويدعدع قريب يطيح قعدت نرعش فضيحه في الشارع وكان أحمد فطن تقعد جريمه قعدت انهدئ فيه
زينب ** حسام رووح بعدين انرن عليك
حسام ** كذابه اترني حقه
زينب ** حقه غير روح
حسام ** به ياعمري نبي بوسه انصبر بيها روحي ابعتيلي وحده ع السريع
زينب / منظره درهلي كبدي اول مرا انريه هكي بعتله بوسه بش يروح ولع سيارته ومشئ
مرنيتش عليه وهو مدورش اكيد روح رقد في حضن مراته
/
/
/
(عند ساره )
طلعت بالعبايه والقوانطيات كم مره ومن هذك اليوم يوسف مصر عليا اني معاش نطلع إلا بيهن
وانا الحق نبي نلبس عندي عرم دبش تناقشت انا وياه ع الموضوع هذا وكل مرا ننهو نقاشنه بعركه
اليوم نبي نمشئ لحوش هلي
يوسف ** ساره هي السياره سخنت واجد
ساره / نلبس ع السريع ** هي حبيبي دقيقه بس
يوسف / قعدت انراجي فيها لين طلعت لابسه عبايتها الضيقه مقلتلهاش شئ انكشخ بس
ساره / طول الطريق يكشخ ومش عاجبه
ساره ** كنك
يوسف / نبرم في الدومان ** لا شئ
ساره / نزلت لحوشنا سلمت علي أمي وركبت لسمر
سمر ** رايحه سمحه يافرخه وبطنك زايده
ساره ** 😍 حقه
سمر ** ايه الدلال باين في وجهك
ساره ** شكله بينقلب نكد الدلال هذا
سمر ** كنك يوسف دارلك شى امالا
ساره ** رايح عصبي ميتحملش مني كلمه
سمر ** بالك انت مزودتيها عليه نعرفك دلوعه من يومك
ساره ** به عطيني وليد خويا
نبي نلعب بيه لوطه
سمر / مديتلها جود ** هاك ياحنه وهذي رضاعته
سمر / نزلت ساره رن نقالي سراج خويا انفجعت
رديت
سمر ** الو سروجه خير
سراج ** سمر حسام خوك في المستشفى أمس في الليل مداير حادث مقلوبه بيه السياره
سمر / صكرت منه قعدت انعيط ونخبط ركبت ساره وعمتي قعدن يهدن فيا اشويه وجا ياسر رفعني للمستشفى
ياسر / طوول الطريق اتعيط ** خلاص سمر اسكتي أن شاء الله خير
وصلنا للمستشفى خشت شافاته من وراء القزاز مدايرله اجهزه وأهله كلهم في المستشفى اولاد عمامه وأصحابه مراته وأمه والوضع شكله خطير
طلع الدكتور
سراج / مشيتله نجري ** طمنه يادكتور
الدكتور ** مش عارف شن انقول الشاب هذا كان تحت تأثير الكحول الحادث الي داره مش ساهل حاليا في غيبوبه وان شاء الله ربي يستر/ ومشئ
سمر / قعدت انعيط وخلاص ياسر قبل بيروح بيا بس قلتله نبي انروح مع امي وهو وافق
ياسر / روحت للحوش ساره قاعده عندنا بايته كسدت امعاها اشويه بعدين ركبت للشقه ادوشت وجيت بنرقد اتصلت رشا
اكيد عرفت اني رفدتها رديت قعدت اتعيط وتأسفت وقالت إن معندهاش كيف تحصل خدمه تانيه ولازمها فلوس وجعتني يعني نازحه وربي اعلم بحالهم وافقت بس بعد وعدتتني أن الي صار معاش يتكرر وأنها متتعداش حدودها معايا
صكرت النقال بخيت عطر سمر علي مخدتي وتعنقتها ورقدت
