عشقت انفاسك
الحلقه 19
زينب / فتحت الفيس القيت حسام بعتلي اول مره من سنه يبعتلي وبعتلي مقطع فيديو اغنية مجد موصلي
(سامحيني واشهدي .....ع كلامي اكدي
انتي مش اي مره انتي مره بتعقدي
افلي قلبي بقفل..... واللي بدو يزعل يصطفل
حاسس بحضنك انا. .....ارجعت بحضن امي طفل
@@ كل رجال معرض لو مهما يكون تمرق بحياتو نزوه ويضعف ويخون
يللي قاتلني جرحتك ....كم درب جنون
وانتي رديتي الجرح بحب وإخلاص
خاف اني اخسرك ....وهيك جرحي يدمرك
جيت خبرتك انا احسن مغيري يخبرك
اقلبك الغالي انصدم .....زاد حبك ماانهدم
صرت اعرف قيمتك ....والله اكلني الندم والله اكلني الندم )
سمعتها وقلبي يدق بسرعه
بعتلي رساله اخره
هو ( رايفت عليك ..صوتك ضحكتك ريحتك وحتى زعلك منى )
انا ( لو سمحت را انا مره متزوجه وانت راجل متزوج )
هو ( 😠 نعرف وهذا الشئ الي قريب يقتلني )
انا ( خلاص انساني وعيش حياتك )
هو ( انت قدرتي تنسيني )
زينب / كتبتله وانا متردده ونبكئ
انا ( لا مع الأسف )
هو ( يعني مزال تحبيني )
انا ( خلاص حسام لو سمحت صكر الموضوع )
هو ( نبي نسمع صوتك بس مرا وحده صدقيني اشويه ونصكر ردي عليا تو بنتصل )
حسام / طلعت رقمها واتصلت ضرب كم مره وبعدين ردت
زينب ** الو
حسام ** اه تو نقدر انقول اني عايش
زينب ** كيف حالك وحال هديل ولدك
حسام ** قصدك كيف حال شبحك لاني يازينب من يوم سيبتيني وانا مش عايش في الدنيا
زينب ** هديل تو اتنسيك مع الوقت تو اتحبها اكتر مني
حسام ** مستحيل.. عندك علم إني من يوم اتزوجتها مرقدتش انا وياها في نفس الدار
زينب ** ميهمنيش
حسام ** انحبك انت بس
زينب ** حسام بالله عليك خلاص
حسام ** قولي انك اتحبيني بس وانصكر ومعاش نزعجك
زينب ** 😢انحبك انحبك انحبك
زينب / فجأه القيت عدنان يضرب فيا سمع كل كلامي مع حسام
حسام / سمعته يهزب فيها وهي اتعيط واضح يضرب فيها قعدت انصيح في النقال
حسام ** ياحقير سيبها .سيبها
صكرت النقال وولعت سيارتي وطول لحوش زينب درست قدام الباب قعدت انراقب معرفتش شن اندير متجيش ننزل انخش لحوشهم بايخه
اشويه وطلع عدنان دف زينب برا ورمي وراها شنطه دبش وخش وصكر الباب
مشيتلها نجري نزلت عندها كانت تبكئ
حسام ** زيزي خلاص ياعمري
زينب **😢😢 طلقني ياحسام
حسام / من داخلي فرحت بس الكلب ضاربها ومخلي وجهها حاله
حسام ** ودين ربي ماني ساكتله / نضت بندق عليه مسكتني من يدي
زينب ** لا بالله عليك فكينه من المشاكل
حسام ** باهي خلاص انت اسكتي حبيبي
زينب ** نبي نروح
حسام ** انروح بيك انا
زينب ** متجيش تو انكلم أحمد
زينب / كلمت أحمد جا روح بيا وحكيتله علي ان عدنان طلقني بس مقدرتش انقوله ع السبب
حسام / روحت للحوش وعقلي وقلبي عند زينب
القيت هديل اترقد في خالد
هديل ** مساء الخير
حسام ** مساء النور انحس بروحي جعان في شئ ناكلوه
هديل ** هي تو انحطلك عشئ
حسام / تعشيت وخشيت رقدت
/
/
/
(عند أحمد )
كلمت عدنان فهمت منه القصه قالي انه خش عليها اتكلم في واحد
عديت هزبتها مسحت بيها الوطئ
ليلى / الحوش كله انقلب عمي وأحمد يهزبوا في زينب انا وخوله وعمتي انهدوا فيهم والكلبه هناء تبتسم
أحمد / مسحت كبدي فيها بعدين خديت ليلى ومشينه للحوش
ليلى ** أحمد زودتها معاها واجد
أحمد ** ليلى شن تفترشي انت تي باهي الي مقتلتهاش الراجل سمعها تحكي مع غيره
ليلى ** باهي اهدئ اشويه
أحمد ** افففف والله جوي شيني بكل
ليلى ** أحمد حول مش هنا
أحمد ** تي اصغار راقدين
ليلى ** وخر اشويه بنقولك حاجه
أحمد ** ها شن في
ليلى ** هناء
أحمد **افففف لازم اتعكريلي جوي
ليلى ** هناء تضايق في أهلك واجد لحد أمس مبزعه اميه من البلكونه وزينب كانت لوطه
أحمد ** تو نلقى حل أن شاء الله ياروحي غير تو تعالي وااااااااا
