عشقت انفاسك

الحلقة الواحد والعشرون

عشقت انفاسك
الحلقه 21
هشام / رنيت علي مالك سألت علي حسام قالي اليوم كاتبيله خروج وحاله أن شاء الله باهي كرعه مكسوره وعنده اشويه خبوش في كتفه وظهره الدكتور قال مرات يمشن بروحن مع العلاج والا يندارلهن عمليه
تغديت انا ولاء
هشام **امممم بنه تهبل عطيك الصحه
ولاء ** ههه انا وياك مشاركين فيها الجريمه
هشام ** نقانها جريمه اع مالحه بكل
ولاء ** هههه تي فاشلين ياحبي
هشام ** كل واحد يتكلم علي نفسه انت فاشله بس انا لا
ولاء ** عنجد وجك بارد
هشام ** وانت سامطه
ولاء ** خزي مريش
هشام ** شفشه ومعصعصه
في هذاك الوقت رن جرس الباب نحن طلبنا وجبه من المطعم لأنه المكرونه الي درانها متتكلش
ولاء / نضت نجري نبي نفتح الباب قبله وهو لحقني يجري
هشام / هي وصلت قبلي وفتحت الباب وخدت الوجبه وبحتت فيا
ولاء** ادفع يازوزي
هشام ** عنجد زوزي /طلعت الفلوس من جيبي وقعدت نحسب فيهن
ولاء / قعدت نراجي فيه ونبحت في البنت الي جايبه الوجبه طلبناها من مطعم مشهور
البنت تهبل المانيه انبحت فيها وقريب هبلت فيها سمحه سمحه انا هكي عجبتني امالا هشام شن صار فيه وقفت قدامها درقت علي هشام
هشام / عرفت طروحها بس مكنتش فاضي كنت نحسب في الفلوس طلعت حق الوجبه وبحتت في الباقي مزال اشويه معاش عندي فلوس واجد مش مشكله بكره نبعت لباتي يدزلي آخره
ولاء/ طلعت سكرت الباب وراها وجيت قعمزت ع الطاوله نأكل جا قعمز جنبي
هشام ** كنك ياطروح شن الهبال الي درتيه قدام البنت واقفه قدامي ودرقي عليا داروحه
ولاء** جت هك مش قصدي
هشام ** باهي وكليني وانت قضيتي عليه كله
ولاء/ وكلته ** خود هاك يانكد
هشام / عضيتلها صبعها ** انا نكد
ولاء **اي صبعي سيبني
هشام ** مش مسيبك لين نأخد حقي منك
ولاء ** هشام كنك حول هشو..... واااااا
هشام ** توا خلاص تقدري تنوضي
ولاء** خزي بارد
هشام** بكره في عياده الساعه 8 صح
ولاء** اي صح
هشام ** باهي انا خاش بنرقد بش نوض بدري وحتى انتي مطوليش
ولاء ** نبي انرن علي نهى وسهى مرايفه عليهن
هشام ** تي هبلات شن بدير بيهن
ولاء** خوات حبيبي اكبد غاليات
خش هشام رقد وانا كلمت البنات فيديو
نهى / انا وسهى مقعمزات جنب بعض
سهى ** وين هشام منكب امالا
نهى ** نهارك اسود شن منكب را زوجها تزعل
ولاء** هههه اي منكب
هشام / كنت واعي وباب الدار مفتوح وهيا معليا الصوت
هشام ** منكب ياولاء باهي احسابك عندي
ومشيتلها
ولاء** ههه حي علي امي سمعني
نهى ** ههههه ربي يكون في عونك را مطرشق
هشام / خديت من ولاء اللب ** انا مطرشق يامختشه
نهى ** حبيبي اوخي كيف حالك هههه
هشام ** توا اوخيك ومبدري مطرشق
سهى ** الصراحه ربي يكون في عونك ياولاء مش عارفه كيف متحملتيه نحن زمان في الحوش قريب طلعنا اعيونه
هشام ** طولي السانك انتي توا عارفتيني مش هنطق فيك واخده راحتك عاد
ولاء/ انا نضحك عليهم وخلاص
هشام / بحتت فيها ** عاجبك الجو انتي عاد
نهى ** ولاء راك تسكتيله كان غلط معاك حتى انا زمان نعطي فيه علي راسه هههه
هشام ** عنجد وجك غير ماانروح بس/ بحتت في ولاء مسكتها من كتفها وقربتها ليا
هشام ** اصلا ولاء حبيبتي اتحبني ومتحملتني وانا مستحيل نزعلها
سهى ** ياهو نحن هنا
نهى ** صكري صكري خوك معاش يتحشم تو يدير لقطه تانيه أحرف من هذي فكينه منهم خليهم ياخدوا راحتهم / وصكرت
هشام / قعدت نضحك انا ولاء عليهن
وخشينا رقدنا الصبح نضنا مشينا للمستشفى
والدكتور طمني علي حالتها اكويسه بس ولاء خايفه شعرها قعد يطيح وانحس بيها متحسس من الموضوع هذا انا انحاول نقنعها
المستشفى طلبوا فلوس لعلاج ولاء وانا فلست بعتت لامي رساله ديرلي واسطه عند باتي يدزلي فلوس
ولاء /مروحين للحوش فايتين بالسياره من محل عجبني قفطان
ولاء ** حبي حبي وقف وقف
هشام **هيييي فجعتيني كنك
ولاء ** خلي انخشوا للمحل هذا فيه خارقت قفطان يهبل
هشام / خشيت معاها عجبها القفطان جت بتأخده
شفت فلوسي اشويه بكل
ولاء/ حسيت بيه ارتبك عرفت انه معنداش فلوس افلوسه كلهن علي علاجي درت روحي ان القفطان واسع عليا واني لما ركزت فيه معجبنيش
هشام / قعدت انقوللها خوديه وانا ندعي من داخل انها متأخراً لاني معنديش فلوس ومنقدرش انقوللها مبتش تاخده معجبهاش روحنا للحوش
/
/
/
(عند ساره )
اليوم مشينه للعياده الدكتوره قالت اني حامل ببنت كل مرا اتقول حاجه المره الي فاتت قالت ولد
يوسف قبل يبيه ولد وحسيت بيه تضايق وقت قالت بنت بس مرات انا نتحسس زياده روحت للحوش درت صفره سريعه تن وجبنه عصير وحاجات خفيفه كلينا انا وياه وهو يهدرز قلبلي دماغي حكي تفاصيل يومه كله من لما طلع من الحوش لين روح
نضت بنرقد
يوسف ** كنك مزال بدري الساعه 10
ساره ** تعبانه حبيبي فرختك متعبتني واجد
يوسف / قربتلها وحطيت يدي علي بطنها ونزلت راسي
يوسف ** اسمعي يابنت انا باتك وكلامي لازم تنفديه شفتي هذي / وبحتت في ساره
يوسف ** هذي امك يعني مراتي وحبيبتي مزال تعبيها تشوفي شن انديرلك إلا هيا عاد
ساره / ابتسمتله ** تصبح علي خير
يوسف / رقيتلها ** مش مزال بدري كسدي معايا نور عيوني
ساره ** تعبانه حبيبي حول بنرقد
يوسف / رفعتها ** تو ترقدي بس مش توا انكسدو مع بعض قبل ع التلفزيون
ساره ** قعدت انكشخ عليه
يوسف / نزلتها باين تاعبه وناعسه ** به عدي ارقدي مطلوق سراحك ياطويري
ساره / بسته علي لحيته ** سلم المتفهم ياربي
وخشيت رقدت
يوسف / قعدت اشويه ولحقتها رقدت
رقدنا بدري الصبح ناضت تنابش فيا نحس بشي علي وجهي يمشي ندير بيدي وانا مغمض عيوني بعدين انحس بيه مرا اخره فتحت اعيوني
القيتها مطبسه عليا وماسكه ألوان مائيه وترسم علي وجهي بحتت فيها مصدوم ناضت هي تضحك
ساره ** هههه سامحني ورأس حبيبي مكسده والله
يوسف / نضت للمرايه نجري بحتت في وجهي القيتها راسمه قلوب ومدكنه حواجبي وكاتبه علي جبهتي انحبك برمتلها نضحك
يوسف **هههه عنجد منظري لاكن احسابك عندي اصبري اشويه
خشيت غسلت وجهي ورجعتلها
يوسف ** ساره وينك وين عقلتي / قعدت اندور فيها القيتها وراء الباب في الدار كريتها
ساره ** سامحني ورأس حبي
يوسف ** انسامحك بس بشرط
ساره ** شن !
يوسف / أشرت علي خدي ** بوسه هنا / واشرت علي خدي التاني ** وبوسه هنا / اشرت علي فمي ** وهنا / أشرت علي جبهتي ** وهنا / أشرت علي رقبتي ** وهنا
ساره ** هكي واجد
يوسف / قدمتلها ** خلي الحكايه تمشي بوس خير مايصير شئ تاني را
ساره / حطيت يدي علي صدره بنوقفه ** به موافقه / بسته علي فمه وخدوده ورقبته وجبهته
ساره ** هكي باهي
يوسف / مشيت بحتت في روحي في المرايه وجهي كله روج
يوسف ** لا هكي في عقاب تاني شوفي وجهي
كيف خليتيه
ساره ** لا لا مدخلنيش انت الي طلبت
يوسف ** قلت عقاب تاني يعني عقاب تاني
ساره ** به شن هو
يوسف ** تلعبي معايا بلاستيشن
ساره ** ههههه به
يوسف / لعبت معاها كوره غيرنا جو
ساره ** لا لا مش هكي
يوسف ** تي ياهبله مش هكي . اضغطي علي هدي
ساره ** به توا تعلمت وتو اتشوف كان ماغلبتك
يوسف / خليتها تفوز
ساره / غلبته نضت انط ** فزتك تو المفروض اتنفد الكلام الي انقولك عليه
يوسف ** باهي مش كان فزتي اتخليني خدام عندك
ساره ** والله انت اتحديتني وانا فزت المفروض اتنفد اي عقاب
يوسف ** به وشن تبي توا
ساره / أشرت علي نفس الاماكن الي هو أشر عليهن ** بوسه هنا وهنا وهنا وهنا
يوسف ** احلى عقاب في العالم / وقعدت انبوس فيها
ساره ** خلاص يوسف كنك وانت ماصدقت
يوسف ** عقابك هذا ديمه عاقبيني بيه سمح بكل
ساره ** به هي نوض
يوسف ** كان نور اعيوني اديريلنه فنجان قهوه اتريحي منوره
ساره ** قصدك تو مش منوره
يوسف ** هههه تي منوره بس تزيدي نور علي نور يانور اعيوني
ساره / درتله قهوه شربها برمت ع الحوش وحددتله دبشه وانا غيرت وجينا بننزلوا بس قبل ننزلوا قلتله
ساره ** حبيبي مضايقتش وقت عرفت انها بنت
يوسف / بحتت فيها كنت اندور في مفتاح سيارتي وهيا واقفه قدامي
يوسف ** هبله انتي انا صح كان خاطري في عبدو بس حتى حليمه ابنيتي ونحبها يكفى انك امها
ساره ** حليمه لا لا قصدك تبي اتسميها علي امك
يوسف ** اي
ساره ** لا اع اسم قديم انا عبدو رضيت بيه بالسيف بس بنتي نبي انسميها اسم حلو
يوسف / رقالي نزلت وسيبتها ** بعدين نتناقشوا مستعجل توا
ساره / قعدت انادي عليه مردش نزل زعلت منه
ونزلت
/
/
/
(عند حسام )
روحت للحوش كرعي مكسوره وظهري وكتفي خبوش من هذيك المرا معاش شفت زينب
قاعد في شقتي في المربوعه وناس طالعه وناس خاشه يسألوا عليا
هديل تستقبل في الصبايا داخل وانا في الرجاله برا
في الليل الحوش فضئ أمي وخواتي ونسوان خوتي وعيت عمي يعني هل هديل بس قاعدين
خشيت
حسام ** السلام عليكم
سلوى ام هديل ** الحمد لله علي سلامتك ياحسومه
حسام ** الله يسلمك ياعمتي هي تصبحو علي خير
سلوى / ركيت هديل ** عدي الحقي راجل بالك يبي شئ
هديل / لحقته في الدار
هديل ** حسام كيف حالك توا
حسام ** الحمد لله اكويس وين خالد
هديل ** عند حواء اختي في الصاله
حسام ** هاتيه ليا نبيه
هديل ** به انت متبيش شئ حاجه تأكلها متلا
حسام ** لا لا بنرقد غير هاتي خالد
جابتلي خالد مسكته لعبته اشويه
ومسكت النقال رنيت علي زينب
حسام ** الو حبي
زينب ** سومي كنك
حسام ** شن كني
زينب ** كنك متصل تو ليل
حسام ** مرايف علي كبيدتي
حسام / خالد قعد يناغي
زينب ** ياروحي هذا خالد صح
حسام ** اي صح
زينب ** حط النقال خلي نسمع صوته
حسام ** لا انغار
زينب ** حسام بطل سماطه
زينب / كلمت خالد يناغي وخلاص
بعدين حسام فتح معايا موضوع الزواج
زينب ** حسام انا نحبك صح ونموت فيك بس مش هنقدر
حسام ** باهي ليش زيزي
زينب ** هديل ياحسام مستحيل نحرق قلبها انت راجلها وبات ولدها صعب عليها اشاركها حد تاني فيك
حسام ** انا مش راجل حد انا راجلك انت بس سمعتي انت بس وهديل تو نحكي معاها في الموضوع ومتاكد انها هتوافق
زينب ** بس
حسام ** مبسش تو اسمعي خلي نغيروا الموضوع احكيلي شن لابسه وشن اديري
زينب ** لابسه توته وقاعده
في داري انكلم في واحد سامط وبارد باهي انت تو احكي
حسام ** انا قاعد في الدار معايا خالد ونكلم في كبيدتي وروحي وام فروخي
زينب ** افوخك صار
حسام ** اي فروخي را اسمعي نبي 5 بنات 5 اولاد
زينب ** لا والله
حسام ** هههه اي نحكي جد نبيك تجيبي من هنا حمل طول من هنا
زينب ** غير احلم بس
حسام **ههههه
زينب ** حبيبي نبي نسألك سؤال
حسام ** اتفضلي حبيبي
زينب ** شن قصة الشرب معاك
حسام ** زينب صكري ألموضوع
زينب ** لا منبيش انصكره تو حسام تحكيلي من الشله الي مخلطها وكنك رايح حكي
حسام ** شن قصدك بكني رايح هكي . كني مافيا شئ
زينب ** يوم الحادث كنت شارب وهذيك اليوم كنت شارب فسرلي شن هذا
حسام ** يوم الحادث شربت لاني تعاركت معاك .
وهنا مرتين الي شربت فيهن ودمرلي حياتي
زينب ** باهي سومي اوعدني معاش تشرب
حسام ** وعد طالما انتي معايا
حسام / صكرت من زينب والحوش فضى مشيت حكيت مع هديل علي موضوع زواجي من زينب حكيت معاها بهدوء وفهمتها اني انحب زينب واجد وافقت يمكن لأنها عارفه اني بنتزوج زينب برضاها ولا بلا رضاها فخلت الأمور تمشي ع الهادي
مشيت للنقال نجري كلمت زينب
زينب ** اللطف ياربي توا كيف صكرت
حسام ** يوم الأحد بنجي نخطبك كلمت هديل وهي موافقه
زينب ** تحكي جد
حسام ** جد الجد ياعن شكلك
زينب ** اه مش عارفه
حسام ** تو تعرفي اصبري اشويه
صكرت من زينب ومشيت لهديل طلبت منها اتكلم زينب
زينب / رن نقالي نحسابه حسام لأنه رقمه رديت
زينب ** ها حبيبي
هديل ** الو زينب كيف حالك
زينب ** هديل ! باهي الحمد لله كيف حالك انتي وخلوده
هديل ** الحمد لله
حسام / كاسر ودني علي النقال مع هديل
حسام ** هدوله احكيلها
هديل ** زينب نبي انقولك حسام يحبك ويبي يتزوجك وانا موافقه را صح حسام زوجي وبات ولدي بس هو يحبك انتي من البدايه وزواجنا كان بيش نصلحوا غلطتنا بس وهو اختارك انتي من البدايه
حسام ** تفتحيش الموضوع هذا قدامها
هديل ** تي باهي
زينب ** أن شاء الله خير
حسام / فكيت النقال من هديل
حسام ** لا نبي موافقه توا انا
زينب ** يصير خير
حسام ** لا نبي كلمة موافقه
زينب / انحس بروحي تايه من جهه حبي لحسام وحبه هو ليا ومن جهه هديل وخالد انحس بروحي لو وافقت هنخرب حياتهم بس انحبه ومنقدرش انعيش بلاه وساد من البعد مليت نبيه جنبي طول الوقت ساد من مراعات شعور الناس اهي هديل موافقه ليش نرفض
زينب ** موافقه
حسام ** وحق ربي نحبك / وبحتت في هديل حسيت بروحي حقير صكرت من زينب
حكيت مع هديل
حسام ** هديل انتي بنت عمي وام الغالي وزوجتي ومكانك انتي وخلوده مستحيل يتغير انا صح عمري ماقربت منك ولا لمستك غير المره هذك بس هذا ميعنيش انك مش غاليه انت بنت عمي زي ماقلتلك وام ولدي وتحملتيني سنه كامله بعاملتي الزفت معاك انا اناني . اه صح انا اناني
كسرت قلبك اه صح كسرت قلبك
كسرت قلب زينب اه صح كسرت قلب زينب
دمرت حياتي وحياتك في لحظة تهور اه صح دمرتها والنتيجه كانت خلوده وليدي
تو اتقولي في خاطرك ليش يحكي معايا في الكلام هذا توا شن يبي
/ مسكت يدها ** هديل نبي انقولك اني انحب زينب ونبيك اتحسي بيا زينب هي الوحيده الي سكنت قلبي أما بالنسبه ليك انت فاانتي هدوله الغاليه مراتي الاوله وان شاء الله هنغير معاملتي معاك وهنزيد نتقرب منك اكتر وهنعيشوا زي اي اتنين متزوجين بس نبي وقت
هديل / كنت نسمع وخلاص كمل كلامه خدي نقاله وطلع للبلكونه سمعته يكلم في زينب
ورأس ولدي ماني مهنيتكم بس خلي الأمور تمشي اشويه وتشوفوا هدوله شن بدير دايرين روحهم قيس وليلى هههه هلا بالعروس هلا
حسام / كلمت زينب في البلكونه
حسام ** ها حبيبي تقدريش تبعتيلي صورتك توا
زينب ** خليها بكره
حسام ** تو احسن
زينب **به اشويه بس
حسام / اشويه وبعتت صورتها 😍تي اتهبل طالعه لابسه توته ولافه شعرها فوق ومكياج
حسام ** امتى امتى بس
زينب ** امتى شن !
حسام ** امتى تقعدي بين ايديا وفي حضني
زينب ** هههه بالشويه امتى مايسخر ربي
حسام **تي نبي نمسك يدك زي مانبي انبوس زي مانبي تي والله بنعيش احلى عيشه ومش هتندمي وهتنسى الي شفتيه مع عدنان
زينب ** مش مشكله الي شفته مع عدنان المشكله في الي شفته معاك
حسام ** زينب شن تقولي
زينب ** حسام انا نحبك صح بس انحس بروحي مزال مسامحتكش علي درته ومش عارفه نقدر نسامحك ولا لا ثقتي فيك انتهت
حسام ** صدقيني ثقتك فيا هترجع زي قبل واحسن
/
/
/
(عند ياسر )
سمر ليها كم يوم عند هلها بسبب قصة حسام اليوم رجعت انحس بروحي رايفت عليها مشيت روحت بيها سلمت علي هلي وركبت انا مشيت للدكان جبت حاجات للحوش فاضي. وحفاظات لجود
ركبت القيتها تنضف في الحوش حطيت الكياس ومشيت حضنتها من الوراء
ياسر ** رايفت لينا واجد صح
سمر / تخطيته ** كنه الحوش هكي اتقول كان فيه حرب
ياسر / قربت منها لميت شعرها ع جنب ونزلت علي رقبتها ** خلينا من الحوش خليك فيا قلتلك مرايف تعالي معايا
سمر / مشيت وسيبته ** يسو جود ناض
ياسر / رقتهلي تتهرب
مني طلعت من الحوش ولعت سبسي
رنت رشا
البنت ندمت علي داراته وتبي تنضف صورتها قدامي . انا انحاول قد مانقدر اني منتخطاش حدودي معاها ونخلي معاملتي معاها علاقة عمل
بس اليوم راقيلي من سمر تتهرب مني ومتبينيش شعور صعب انك اتكون غير مرغوب
رديت علي رشا فضفضت معاها اشويه وهدرزت وحسيت بروحي اتريحت وهديت
ومرن ايام وانا علي نفس الحاله انحاول انقرب منها وهي تتهرب
سمر / ليا كم يوم مش عارفه كني انحبش انشوف وجهه بكل وهو يدحنس ويدره الكبد رايح
سمر ** مش عارفه ياساره كني
ساره / اليوم يوسف عنده سفره لطرابلس وانا بايته عند اهلي ومكسده في حوش سمر ونهدرزوا
ساره ** تي حرام عليك راهو تحرمي في الراجل من حقه هذا حقه الشرعي
سمر ** مش عارفه كني ياساره مش طايقه وجه ريحته وكلامه كله رايح اع
ساره ** تي شن قصتك يامرأ
سمر ** والله ماني عارفه
ساره ** حي يوسف يرن / درته صامت
** نبيش انرد عليه
سمر ** كنك
ساره ** متعاركه معاه
سمر ** ليش
ساره ** يبي يسمي بنتي حليمه
سمر ** وكنه حليمه سمح غير انتي تدلعي بس
ساره ** اع واصلا مش ع السبب هذا بس
سمر اتحسي يوسف بدأ يتغير عليا انحس بيه قعد يضغط عليا قبل مايدققش واجد علي قصت لبسي ينصح فيا بس .لاكن تو يهزب وينت ويدير منها قصه قعد متحكم واجد
ساره / سكن يوسف يرن رديت عليه
يوسف / متعارك انا وياها بس نبي نطمن عليها
يوسف ** كيف حالك
ساره ** اكويسه
يوسف ** به راك تنسي دواك خوديه قبل ترقدي
ساره ** مش ناسيته تو نأخده
يوسف ** ارقدي بدري
ساره ** به
يوسف ** ومتشربيش مشروب
ساره ** به
يوسف ** وراك تهدرزي علي حد مش قاعد اتقرمي يعني
ساره ** به
يوسف ** وتغطي اكويس
ساره ** به
يوسف ** وكولي اكويس
ساره ** به
يوسف ** وانحبك
ساره ** به
يوسف ** شن به قتلك انحبك
ساره ** وانا قتلك به
يوسف ** في حد جنبك
ساره ** ايوه
يوسف ** باهي تصبحي على خير
ساره ** به
صكرت برمت لسمر
سمر ** به هههه تي يحبك ياهبله مهانش عليه ترقدي زعلانه
ياسر جي روحت ساره لحوش هلها وانا خشيت لداري رقدت ع السرير
ياسر / خشيت جنبها مكلمتهاش عطيتها بظهري حسيت بيها تلعب بصوابعها علي كتفي مسكت يدها وانا عطيها بظهري
ياسر ** بطلي اهبال
سمر / حسيت بروحي ضالمته حرام مع اني مش طايقته ومش عارفه السبب الي اني هنركب علي روحي ونضغط علي روحي ع شأنه مسكته من عند كتفه وبرمته
سمر ** مرايفتش علي سوسو حبيبتك
ياسر / مسكتها ** تحكي جد
سمر ** ياسر را نغير رأي
ياسر / نزلت بنبوسها ناضت تجري للحمام ترجع
رجعتلي وجها اصفر
سمر ** معليشي حبيبي انحس بروحي مريضه بنرقد ورقدت
انا طلعت من الدار لصاله
رنت رشا رديت عليها كالعاده هدرزت معاها واجد وصكرت كل يوم نتقرب منها أكثر وكأني ننتقم من سمر عن طريقها يعني لو سمر مش طايقتني فرشا قريب تموت ع التراب الي نمشي عليه
بس انا قريب انموت ع التراب الي تمشي عليه سوسو ياترا شن قصتك ياسوسو وامتى بتحني عليا مدتلي ايديك ومتخلينيش انضيع
/
/
/
(عند أحمد )
هناء اتزوجت ومحمد قاعد معاها تسكن في الشقه نفسها الحقيره باتي صكر الباب الي يفتح عليهم بالبلك وقعدت في الشقه بس باتي حالف يطلعها وياخد محمد منها
ناخد في محمد مرا مرا منها
ليلى / رايح ديمه سارح وعقله مش معاها يخمم علي ولده بس هاملني وهامل اصغاري زياد يبي حليب حكيتله عليه أمس ونسى رايح مش معدل
دق الباب فتحت هو جايب حليب زياد وكيس عنب
أحمد ** هاك اغسليلي
ليلى / غسلتله عنب كلي ويبي يدوش قلع دبشه وخش ادوش وطلع خشيت بنغسل دبشه
طبعا نشوف في الجيوب قبل نغسل
القيت طرف شكلاطه وورقه فتحتها
( كولي منها وعقبيلي انحبك )
ابتسمت وطلعتله ناكل في الشكلاطه
ليلى ** هاك حصتك
أحمد /قربتلها بمنشف الحمام ** حطيها في فمك
ليلى /حطيتها
أحمد / قربت منها وكليتها من فمها ** طعمها هك احلى اتصدقي
ليلى ** مجنون
أحمد ** بيك
ليلى ** حمودي خاطري في حاجه
أحمد / فتحت الدولاب بنغير**شن
ليلى ** نبي نرقص معاك
أحمد ** ههههه عنجد الحاجه / قعدت ندربك ع الدولاب
أحمد ** هي ارقصي ههه
ليلى / زعلت منه كشخت فيه
ليلى ** نبي اندير جو رومانسي بس ليبي شن بيطلع منك
أحمد / كريتها ** يطلع مني واجد
سيبتها ومشيت جبت السبيكروات من الدولاب ولعت اغنيه تركيه هاديه ورومانسيه
ومسكتها حطيت يدي علي وسطها واليد الاخره في يدها وقعدت نرقص معاها
ليلى / انسجمت معاه كان هادئ هذك الوقت ورايق
حبيت نفتح معاه موضوع محمد حطيت راسي علي صدره
ليلى ** حبيبي شن صار في موضوع محمد
أحمد ** ماصار شئ ياروحي رفعت دعوة حضانه
وتو نجري عليها والله واخده منها هالحقيره واخده
ليلى **به حبيبي شن رأيك نمشؤ كم يوم للمصيف نغيروا جو
أحمد ** مش تو حبيبي مش وقته
ليلى **به افطن لروحك را رايح هاملني
أحمد ** أنا معقوله
ليلى ** اي لك كم يوم اطنش ومش عاجبني ديمه سارح ومش معايا
أحمد ** نخمم علي محمد ياروحي
ليلى ** أن شاء الله يصير خير
أحمد ** أن شاء الله بس توا نبيييي / وقربتها ليا
ليلى ** شن تبييي
أحمد ** نبيييي افهمي عاد / وبستها علي عينها
رن نقالي
أحمد ** ييييي مش وقته بكل باتي
ليلى ** رد عليه تو يفصل وانا قاعده مش طايره
أحمد / عضيتلها يدها **حقه
ليلى ** حقه غير رد
أحمد ** الو
سالم ** تعال تو تو
أحمد ** خير ان شاء الله
سالم ** من وين بيجي الخير
أحمد مشيتله والقيت
يتبع

.