عشقت انفاسك
الحلقه 7
شبحت في روحي في المرايه** لالا أخيه الكلام هضا
كنت ندرب كيف بنقول لهناء بس هيا سمعتني وخشت اتخبط
هناء** كيف ياأحمد كيف ادير فيا هكي مش قتلي مش هتقرب عليها
بدت تبكئ وطاحت ع الوطأ نزلت عندها
أحمد ** لا ياهنو فاهمه الموضوع غلط
هناء** كداب حقير كيف ادير فيا هكي مش قتلي بتتزوجها عشان الصغار بش تقعد جنب اهلك وانك مش هتقرب منها
كانت تبكئ بشكل غريب تعنقتها وقعدت انسكت فيها
أحمد ** حبيبتي ياعمري والله انا ليك انت بس انت الي في القلب
رفعت راسها وبحتت فيا
هناء** باهي هي
سكتت معرفتش شن انرد
فجأه لقيت هناء دافتني ووقفت
هناء بلهجه حاده ** يانا ياهي مستحيل انسامحك علي درته إلا لما تقرر
أحمد ** هناء صلي ع النبي
هناء** عليه الصلاة والسلام. بس مدخلنيش اختار توا ياهنو ياليلى
أحمد ** هناء مش وقت الكلام هذا توا ياسر في الطريق .بعدين نحكوا
هناء ** لا توا بنحكوا ولا تبي اتفوتني بش تمشي للحقيره الي طيحاتك وضحكت عليك
أحمد ** هناءءء 😠
/
/
/
/
/
/
/
/
/
/
(عند سالم بات أحمد )
سالم ** عفاف شن الصوت هذا
عفاف ** مانسمع في شئ
هناء بصوت عالي ** طلقني ياأحمد
أحمد بصوت عالي ** راهو زودتيها
سالم وقف وهو يرعش
سالم ** ياساتر خيرهم يتعاركوا واصواتهم طالعه
عفاف ** ياناري شن في. يستر ربي الحقهم ياحاج
/
/
/
/
/
/
/
/
/
سالم وعفاف مشؤ شور ادروج حوش أحمد
تلاقوا هما وهناء نازله لابسه عبايتها وأحمد جي وراها
هناء وهي تنزل ** طلقني يعني طلقني
أحمد وراها ** مستحيل
سالم ** خير خير شن في
عفاف ** شن الكلام هذا ياهناء
أحمد ** متشغلش بالك ياباتي موضوع بسيط وتوا انحلوه
هناء بعصبيه ** بسيييط لا بسيييط بكل
أحمد ** هناء اسكتي مش وقته الكلام هذا توا
هناء** مش وقته .لا ياحبيبي وقته ونص وكان انت متحشم من الي درته ومتبيش اتقول لباتك انا منتحشمش وبنقوله
أحمد ** هناءءءءء
سالم ** اسكت انت .ها ياابنيتي شن بتقولي
هناء ** ياعمي ولدك جاي بيقولي ان المدام ليلى عجباته ويبي يقعد يوم عندها ويوم عندي
سالم ** باهي شن فيها هذي مراته ومن حقه
هناء** لا مكانش اتفاقنه هك
سالم ** أحمد اتزوج ليلي والطبيعي أن يقعد عندها زي مايقعد عندك
هناء ** انا منعرفش يانا ياهيا .وطلقني
وطلعت جي خوها روح بيها لحوش هلها
(عند ليلى)
سمعت العركه انا وزينب لما كنا في المطبخ
وقعدت نبكئ نسمع فيه كيف يقوللها سامحيني وقريب يبوس علي رجليها
المهم كملنا العشئ والجو كان متعكر جئ ياسر ونسيبه في المربوعه .وأحمد يخش ويطلع للمطبخ وهو قالب وجها عليا حسيت بروحي حقيره بكل كأني انا الي خليته يدير هكي بالسيف
كان اينفخ ومحكش امعاي بكل
