عشقت انفاسك
الحلقه 28
زينب / سكرت الدولاب وجيت لحسام
زينب ** حسام حسام رقدت حسام افففففف رقد
خشيت تدوشت وطلعت غيرت حسيت بروحي جعانه لبست جاكه وطلعت
مشيت للمطبخ فتحت التلاجه وخديت قشطه
قعمزت ع الطاوله قعدت ناكل
خشت عليا لابسه روب وعادي واخده راحتها
هديل ** معليشي زينب بس مزال متعودتش
يعني لبستي عادي متركزيش متعوده نلبس هك
زينب ** لا عادي / سدت نفسي وهي تتميل ايمين ايسار رديت القشطه ورجعت لدار
القيته كان بيطلع
حسام ** وينك من بدري انادي عليك
زينب ** جعت مشيت ناكل
حسام ** به ارقدي انا انعدي ندوش
زينب ** ارجى تعال بحت
حسام / طلعت من الدولاب روب ** كنه
زينب ** بحت ها مشرط
حسام ** من دار فيه هك
زينب ** يعني متعرفش
حسام ** هههههه لابستيه انتي قبل كان هاذا نعترف بالجريمه
زينب ** حساااام نبصرش انا
حسام ** منعرفش ياروحي منعرفش
زينب ** امر غريب انا خليته مافي شي
حسام ** اكيد علق في شي ونشرط
زينب ** اكيد تصبح على خير
طلع حسام وانا رقدت
الصبح نضت القيته ماشي للعمل نضت غيرت لبست توته وطلعت القيتها اتفطر في خالد
مقعمزه علي طاولة المطبخ ومقعمزاته في حجرها
هديل ** صباح الخير
زينب ** صباح النور ماشاء الله نايض بدري السنفور
هديل ** هههه اها باته نوضه يقدرش يمشي الا لما يبوسه
زينب ** اها / في خاطري مار عليهم ومنوضهم وانا ولا عبرني طلع بدون مايحكي معايا
هديل ** زينب في العشيه ننزلو لوطه
زينب ** ايه ان شاء الله
هديل ** امسكي خلوده اشويه انوض نصبلك قهوه
زينب / طبست حطت خالد في حجري بانت عليا رقبتها معلمه
قعدت علي اعصابي طول اليوم
نزلت لوطه انا وياها زادت حرقتلي دمي
داير روحها الكل ف الكل
بعد المغرب جا حسام نادا عليا طلعتله في الجنان
حسام ** السمح شن اخباره
زينب ** حسام اركب الشقه تو نلحقك
حسام ** ههههه حي عليا شن تبي مني
زينب ** حسام را راقيلي مش وقت بصاره
حسام ** ان شاء الله خير غير وسعي بالك
زينب / تسللت بالشويه خليتها لوطه وركبت
حسام ** كنك معصبه
زينب ** هديل
حسام ** كنها ياودي
زينب ** مش عارفه شن نحكي
حسام ** احكي شن في
زينب ** قصدي انت . خلاص خلاص نبيش نحكي
حسام ** تعالي هنا مش خلاص
انت قصدك هديل مراتي مراتي ولا مراتي ع الورق بس
زينب ** اها
حسام ** وانت شن تبي
زينب ** الحق انا نبيك ليا بس يعني سومي لزيزي
بس هي ام وليدك ومراتك الاوله فلازم تعطيها حقها كزوجه صح هذا يزعلني بس هكي مكتوب علينا
حسام ** اها كلام مقنع
زينب ** مقنع
حسام ** هههههه انت الي حكيتي
زينب ** لا جد حبيبي حرام يعني انت ديمه بايت عندي
حسام ** مو انت حبيبتي وروحي نقدرش نرقد بعيد عليك
زينب ** نجك ليا
يعني شن مقرر بعدين لما نسكنو بروحنا بتخليها بروحها هنا
حرام
حسام ** بعدين ساهل حبيبي تو انخش انديرلك قهوه من ايدين سومي ونقعمزو نتكيفو انا وياك ياعسل
زينب ** اييي يابارد/ نخصني في جنبي وخش للمطبخ
قعدت محتاره حسام ميكذبش عليا باين عليه يحي بجد
بس هي بحركاتها تبي اتبينلي ان حسام يقعد معاها يعني ادير في الجو وتبيني نتعارك معاه بس الحمدلله سايسته بالشويه
وتاكدت انه مستحيل يقرب منها مرا تانيه
هي بس ام ولده
يمكن التفكير هذا انانيه مني بس هكي تبي الدنيا
الحاجه الي في يدك متفرطش بيها
وانا حسام مش هنفرط بيه
شربنا قهوه وكسدنا علي مسرحيه كانت مدرسة المشاغبين كنت مقعمزه قريب منه هو لافني بيده
زينب ** هههههههه عنجد جوهم
حسام ** ههههه بكل تهريج وخلاص
زينب ** اففففف اعلان تو تبيلك تلات ساعات بش تبدأ
حسام ** مش مشكله ناخدو حتى نحنا استراحه هههههه
زينب ** وخر سومي كنك تي حسام بطلع مش هنا عيب نحنا في الصاله هديل تو تخش علينا
حسام ** اسسس انسى هديل والدنيا كلها تو في سومي وزيزي بس وااااااااا
زينب ** هكي باهي تو هاك البس قميصك/ مديتله قميصه
حسام ** ههههههه مش ناوي نلبسا توا تو نلبسا في الدار بعدين
زينب ** عينك انخش نرقد اصلا انا
حسام ** ههههه والمسرحيه
زينب ** قريب تكمل البركه فيك فوتتها عليا
وقفت نمشي خشت هديل حسام كان متسطح ع الصالون وانا منظري بايخ دبشي مش مرتب واضح شن صاير خشت اتكشخ وتنفخ
لميت حاجات بنخش لدار بحتت في حسام ناض يلبس في قميصه
هديل ** قلة ادب عليك جو
حسام ** نعم نعم شن قلتي
زينب ** خلاص حسام مصار شي اهدى
هديل ** ياروحي دايره روحك طيبه تي بلاش جو طروحك هذينا فاهمتهن في الاول قلت عادي انفوتها عروس جديده معذوره
اتجي اتقولي حسام دار حسام حط تي تحكيلي في كلام يسلخ الوجه ع الشي الي يصير بينكم في الدار انا نتحشم نصحتها قلتلها عيب هذي اسرار زوجيه متطلعش برا الدار تقعد تهزب وتقولي انت غايره مني عشان حسام مش معتبرك مراته
زينب / كنت واقفه مصدومه تكذب بكل عين حمره قدامي لا وانحس بيها مصدقه الي اتقول فيه يعني كيف مايقولو تكذب الكذبه وتصدقها
زينب ** كذابه انا مستحيل نحكي معاك هكي تي انا حتى اقرب الناس ليا ليلى منحكيش معاها في الموضيع هدينا
حسام ** هديل تأسفي وخشي دارك تو نتفاهم معاك بعدين ع الكلام ههذا
هديل **😢انا عرافتك مش هتصدقني بس عندي دليل
زينب / خشت لدار تبكي اشويه وجت جايبه روب معاها
زينب ** هذا روبي
هديل ** ايه وهذا الدليل
بحت ياحسام مراتك اتجيبلي في اروابها مشرطات وتقولي حسام دار هكي وتقعد تحكيلي
زينب ** اسكتي ياحقيره ياكذابه انا منديرش الحركات هذينا انت الي اديري في الجو
را كشفتك في حركة الصبح اتوريلي في رقبتك بلعاني
هديل ** كنها رقبتي ها مافيها شي
زينب/ فعلا ورتني رقبتها مافيها شئ يعني مكياج مسحاته
حسام ** زينب هديل بلاش مهزله وكل وحده في دارها
حسام /طلعت من الشقه بكل وسيبتهن مش عارف من انصدق
تي عليك سريب فتحته علي روحي
رنيت علي مالك مشيت كسدت عنده
