رفيقتى إلى الجنه
ل فريده ابوالفضل
البارت التالت
فى اليوم التالى:
حور وحياء ومحمد صحيو طبعا بعد معاناه😂 وصلو الضحى وفطرو ونزل كل واحد فيهم على الجامعه بتاعته
#فى-جامعة-حياء
حياء ماشيه بتدور على البنت اللى قابلتها فى الكافيه امبارح بس للاسف مالقيتهاش
وهى ماشيه خبطت فى بنت بالغلط البنت كان باين فى وشها انها متسامحه جدا فاعتزرتلها بس افتكرت أنها شافتها مع البنت بتاعة الكافيه امبارح فقررت تسالها عنها
-حياء: لو سمحتى يا انسه ممكن سؤال طبعا لو مش هضايقك
-البنت بابتسامة : أولا أسمى نور ثانيا اؤمرينى
-حياء: الأمر لله وحده يا قلبي 😊 امبارح كنتى مع بنت وبعدين انتى خرجتى وهى جات قعدت هناك (وشاورت ع الكافيه)
افتكرتيها؟؟🤔
-نور: اااااه إسراء اللى كانت لابسه بلوزة موف عليها جاكت أوف وايت
-حياء:ايوه ايوه هى دى تعرفي هى فين دلوقتى ؟
-نور: هى مجاتش النهارده ودى مش عادتها مش عارفه مالها
-حياء: طيب ممكن رقمها لو سمحتى وياريت عنوانها
-نور: اه طبعا اكتبي ................
وملتها الرقم والعنوان
-نور : بس ممكن اعرف انتى بتسالى عنها ليه
-حياء: بصراحه انا غلطت معاها جامد امبارح وحابه اعتزرلها
-نور: اه اوكااااى
-ازيكم يا بنات
وده كان صوت حور اللى كانت واقفه مع صاحبتها
- نور: حور ازيك يا حبيبتى 😊💛
-حور: قزمتى الحلوه عامله اى 😂
-نور: احم طيب حتى مش قدام الناس 😂🥳برستيجى ضاع 😂🌚
-حور بتبص حواليها باستغراب : ناس مين🤔
-حياء: قصدها عليا انا يا حوريتى😂🥳
- حور: دى ناس 🤔🤔
دى كائن حى بيعيش ويتعايش على نفسه😂
دى حياء توأمى يابت😂
-نور : بجد 😳😂
-حياء: بجده😂🥳
-حور: طب حلو بما أنكم سوا تعالو نشرب حاجه فى الكافيه على ما المحاضره تبدأ
-حياء: معلش روحو انتو انا مش هحضر اول محاضره
-حور: هى مش هنا 🤔
-حياء : لا
-حور: طب انتى عارفه عنوانها ؟
-حياء: ايوه اخدته من نور اكتبي انتى الحاجات المهمه وهبقى اخدهم منك
-حور: طيب فى رعاية الله بس متتاخريش واتعاملى بطبيعتك
-حياء: عونيا بصي هبهرك😂😂
-حور: يا خوفى😂
-حياء: يالله استودعكم الله الذي لا تضيع ودائعه
حياء مشيت وركبت ميكروباص لأن مينفعش تركب تاكسي لوحدها مع راجل غريب لأنها هتبقى خلوه محرمه💛
وصلت البيت وخبطت لاقت ست كبيره باين فى وشها النور والطيبه استنتجت أنها أم إسراء من الشبه
-حياء : السلام عليكم ورحمة الله وبركاته
-أم اسراء: وعليكم السلام ورحمة الله وبركاته
-حياء: ازيك يا عمتو ده بيت إسراء مش كده؟
-أم اسراء: ايوه يابنتى اتفضلى
-حياء: حضرتك ممكن أدخلها ؟
-أم اسراء: اه طبعا يابنتى ثوانى هدخل اصحيها
-حياء: متتعبيش نفسك يا عمتو انا هصحيها بس اعمليلنا انتى عصير بايديكى الحلوين دول 😂 (طفسه زيي ماتستغربوش😂 )
-أم اسراء: حاضر من عنيا😂اتفضلى يابنتى اوضتها اهيه
-حياء: يسلمو عيونك يا قمر يا حلو انت😂
#عند-اوضة-اسراء
حياء دخلت لقيتها نايمه ومشغله اغانى والميك آب سايح (وشكلها يخوف😂) وشكلها كانت بتعيط
حياء طفت الاغانى وشغلت قرآن و طلعت وش الشبح اللى بتخوف بيه أختها لما مش بتصحى بالمايه ولبسته و قربت من وشها وهزتها و اسراء صحيت
حياء بصت فى وش إسراء وقعدت تصوت
-حياء واسراء فى نفس واحد : اعاااااااااااااااااااااااااااا😳
-حياء قلعت القناع وفضلت تجرى فى الاوضه وتصوت بس إسراء سكتت وبصتلها بزهول و ده لو تعلمون زاد الطين بله😂😂
-حياء: أعوذ بالله من الشيطان الرجيم
-إسراء : انتى😳أى اللى جابك هنا
-حياء: قومى بس احياة عيالك بسرعه اغسلى وشك ده عشان قطعتيلى الخلف😖🥺
إسراء كانت هتضحك بس افتكرت اللى هى عملته فيها امبارح فزعلت
حياء فهمت ده فحبت تغير الموضوع
-حياء: قومى انتى لسه هتفكرى
و جرتها للحمام اسراء غسلت وشها وطلعت لقت حياء قاعده بتلعب فى فون إسراء و ده عصبها لأنها خافت تقولها حاجه عل الشحط اللى هى شايله صوره معاها فشدت الفون منها بسرعه ورايحه تقفل الاستوديو لقت ...........
توقعاتكم
يا ترى لقت أى 🤔
و ردة فعل حياء ويا ترى هى شافت الصور ولا لا
#فريده-ابوالفضل
