رفيقتى الى الجنه
ل فريدة ابوالفضل
البارت التامن
حياء راحت عند البنات
-حياء: اى يا حلوين مش يالله ولا أى أظن أنكم دلوقتى عاوزين تولعو فيا 😂
-ندى واسراء بصولها بحب
-ندى: يالله نمشي
البنات نزلو تحت المسجد
-إسراء بتردد: اااااااا.... بنات ممكن اعمل مكالمه
-حياء: امممممم ايوه ممكن😂😌
-ندى: ااا... وأنا كمان
- حياء: مريم مش عاوزة تعملى مكالمه😂
-ندى: مش هغيب
-حياء: ماشي يا حبيبتى بس بسرعه
البنات مشيت
-مريم؛ حياء انتى بتضحكى على اى 🤔
-حياء: ها لا مش بضحك عادى يعنى
تعالى نستغفر على مايخلصو
#عند-إسراء
-اسراء:ايوه يا خالد
(ايوه ايوه هو خالد ابن عم ندى😂 )
-خالد: ايوه يا قلبي وحشتيني
😊
-اسراء: اااا خالد انت بتحبنى
-خالد : ايوة طبعا يا إسراء بتسالى ليه
-اسراء: يبقى تيجى تتقدملى انا زهقت وانا بكلمك من ورا أهلى
انت جاهز مش محتاج تكون نفسك وانا فى الكليه يعنى مش لسه صغيره ومش هينفع اكلمك من ورا أهلى تانى
-خالد: بقولك إيه يا إسراء انت اتصلتى تعكننى عليا ولا أى ماقولتلك مش دلوقتى
وبعدين محدش ضربك على ايدك وقالك كلمينى
هتستنى أهلا وسهلا مش هتستنى يبقى كل واحد يروح لحاله
-إسراء قفلت فى وشه وقعدت تعيط على الحال اللى وصلته
#عند-ندى
-ندى: ايوه يا نادر
-نادر: ايوه يا عمرى
-ندى": نادر احنا مش هينفع نتكلم تانى
-نادر: ليه يا ندى اى اللى حصل زعلانه منى
انا عملت حاجه غلط
-ندى: كل اللى بنعمله غلط كلامنا دلوقتى غلط
نادر انا قررت أتوب والتزم بجد و علشان ابدا صح لازم نبعد و لو عاوز نكمل سوا باب بيتى مفتوح اتقدملى لكن لوقتها مش هنتكلم
-
-نادر: طب لو عاوز اطمن عليكى
-ندى: استودعنى عند ربنا واللى عند ربنا مش بيضيع
سلام
وقعدت تعيط
بعد شويه
ندى واسراء رجعو للبنات
-حياء: يا صلاة العيد 😂
اى الابتسامه الحلوه دى
-اسراء: حياء ممكن طلب
-حياء: عونيا😌😂
-اسراء: انا عاوزة أتوب
-حياء : اول حاجه لازم تخلصي نيتك لله وبعدين كل حاجه سهله
-ندى: هو انا ينفع التزم ؟
-حياء: ينفع 💛😊
-ندى: حتى لو عملت ذنوب كتيره😓
-حياء: ينفع
-ندى:حتى لو ....
-حياء: ينفع بس انتى ابدأى
-اسراء: تعرفى انى حبيتك اوى
-حياء؛:القلوب عن بعضها يا اوختشى😀
-ندى: حياء انتى عندك صحبة صالحه بتعينك على كده
