البارت 34 والاخير😉🥳🥳🥳🥳 من رفيقتى الى الجنه ل فريده ابوالفضل
مروه راحت العنوان وشافت تامر مع واحده تانيه فى وضع غير لائق
-مروه بصدمه؛ تامر
-تامر بتوتر: م مروه انتى اى اللى جابك هنا
*مروه ضربته بالقلم ورجعت ع البيت وقعدت تعيط
بعد شويه دخل تامر
-تامر بعصبيه : انتى اتجننتى يا بت انتى ازاى تضربينى انتى الظاهر عاوزه ربايه من جديد .
*تامر قعد يضرب فيها لحد ما بوقها جاب دم
؛- تامر بغضب: معدش غير واحده زباله زيك اللى تضربنى
وبعدين اى اللى مفاجئك كده يا حيلتها مانتى كنتى مقضياها معايا قبل الجواز ولا تحبي افكرك
-مروه ببكاء: انت حيوان انا لايمكن اقعد معاك بعد كده يوم واحد انت فاهم ؟ طلقنى
-تامر ببرود: بس كده انتى طالق طالق طالق ها حلو كده ولا عاوزه كمان
امشي بره وورقة طلاقك هتوصلك يا...
وكمل بسخريه: يا مدام
*مروه رجعت بيت ابوها فى منتصف الليل بتعيط
( لا تحسبن الله غافلا ...)
(عزيزتى البدايات التى لا ترضي الله نهايتها لا ترضي صاحبها)
&عدت مده حياء و على اتجوزو وعملو فرح اسلامى وكانو مبسوطين جدا
عند نسمه :
-معاذ: بابا فين نسمه
-والد نسمه؛ مش عارف يا معاذ بس هي هنا شوفها بقا فى اوضتها ولا فى المطبخ عشان عاوزها
-معاذ: تمام
&*معاذ دور على نسمه لقاها فى المطبخ
-معاذ: نسمه ممكن تيجى تحفظينى
-نسمه: حاضر يا ميزو هخلص طبخ لاختك وهاجى
اقرأه مرتين على مااجى
-معاذ: حاضر
*نسمه راحت اوضة مروه بالاكل
-نسمه بتداعى المرح: الله عليكى يا بت يا نسمه و على طببيخك اللى زي الفل
لا داعى للتصفيق يا جماعه
-مروه بشرود:...............
-نسمه : ااا..بت يا مروه يالله كلى بس ماتبقيش طفسه وتاكليه كله
-مروه بشرود:........
-نسمه بحزن: هتفضلى كده كتير يا مروه بقالك شهر و زياده على الحاله دى
ربنا هيحاسبك على صحتك دى
طب لو مش عشانى ع الاقل كلى عشان ماما انا عارفه انك مش بتحبينى بس انا والله العظيم بحبك
ماما معدتش بتاكل وتضحك زى زمان عشانك
مالهاش نفس لأى حاجه لانها شايفاكى زعلانه و بهتانه
دى مش مروه اللى كانت دايما بتضحك علينا و تهزقنا
يا ستى احنا عاوزينها تانى احنا راضيين بيها
'كملت ببكاء: عاوزين اختنا اللمضه من جديد
