رفيقتي الي الجنه

البارت (18)

البارت الثامن عشر من
رفيقتى الى الجنه
ل فريده ابوالفضل

-حور: انا قررت البس النقاب 

-حياء بفرحه: بجد يا حوريتى
الف مليون مبارك يا قلبي ربنا يثبتك
بس عن اقتناع ولا عن اقتناع😂😂

-حور: لا عن اقتناع 🥳

-حياء: طيب يا قلبي ربنا يثبتك فرحتلك جدا والله  يبقا هتبقى الفرحه فرحتين  ننزل نشترى نقابات ليكى وادناءات ونهيص 😂

-حور: ماشي اتفقنا هروح احضر الغدا  واقول لمحمد

-حياء: ماشي وانا هغير هدومى واحصلك ع المطبخ

-حور: تمام
*حور قالت لمحمد و محمد فرح جدا لاخته و دعى لها بالثبات

*يوم الجمعه
فى بيت ندى

*بعد الترحيب باهل نادر طلب سعيد من ام ندى تناديلها

*فى اوضة ندى
-ام ندى : يالله يا حبيبتى الناس مستنيه بره

-ندى بتوتر: لا ياماما مش لاعبه

-ام ندى: نعم ياختى😂🤥

-ندى: ياماما انا خايفه اوى
خليهم ييجو يوم تانى

-ام ندى: يالله يابت قدامى الناس مستنيه بره هتحرجى ابوكى قدام الناس يعنى

-ندى:لا طبعا بس بصي خليكى فى ضهرى عشان لو وقعت هيبقى شكلى وحش اوى😂😂

-ام ندى: ماشي يالله بقى

*ندى طلعت بتوتر و حزن لانها تمنت انها تكون زوجة نادر

دخلت القت السلام بخفوت غاضه بصرها  وقعدت جنب باباها

-والد ندى: طيب نسيبهم لوحدهم شويه

-ندى بهمس لوالدها: يابابا انا بنتك والله  انت سايبنى مع الواد ده لوحدى ليه
يا حاج يا بابا ياختاااااى

-سعيد بهمس: يابت اتهدى انا هقعد قبالك هناك

*الاهالى طلعو و فضل ندى ونادر لوحدهم و ابوها قاعد بعيد عنهم شويه

صمت يعم المكان🤫
قطعه نادر
-نادر: احم ازيك يا انسه ندى

-ندى غاضه بصرها  بهمس: معقول لا اكيد انا بيتهيقلى ايوه صح اكيد بيتهيقلى

-ندى: احم الحمد لله

-نادر: كان عندك حق لما قولتى ان الله لا تضيع ودائعه 🥰

-ندى رفعت راسها بسرعه وشافت شاب  بلحيه خفيفه تزيد من وسامته يشع من وجهه نور من الايمان

-ندى بصدمه:....

-نادر: اعرفك بنفسي
نادر جلال 23 سنه كلية الصيدله
كنت من شهرين بس شاب طايش بيحب بنت بس كان ناسي ان قلب من احببت بيد من عصيت
والباقى طبعا حضرتك عارفاه بس الحمد لله ربنا انعم عليا بنعم كتيره وكان من النعم دى الصحبه الصالحه اللى كانت خير عون ليا وربنا جعلهم سبب فى التزامى انا الحمد لله دلوقتى حافظ القران كاملا وبجتهد عشان اعمل بيه و بجاهد نفسى اولا ثم هواى وشيطانى ثانيا
وان شاء الله اكون الزوج الصالح اللى بتتمنيه حضرتك