البارت الخامس عشر من
رفيقتى الى الجنه ل
فريده ابوالفضل
-الشاب بصدمه:هو حضرتك كده طبيعيه ولا النهارده ظروف خاصه
-اسراء :امشي من وشي بدل ما اصوت والم عليك الجامعه كلها
-الشاب: لا انتى اكيد مجنونه
وفى سره: استغفر الله العظيم انا ايه اللى عملته ده وازاى اصلا اتكلم معاها كده
ولسه رايح يعتزر لقاها مشيت
*عند البنات
لقو اسرااء جايه بتعرج
-حياء: مالك يا إس انتى كويسه🥺😳
-ندى:مالها رجلك يابنتى انتى رايحه كويسه
-اسراء: منه لله البطريق اللى خبطت فيه
-حور:بطريق؟؟؟؟؟؟؟
-اسراء: ياستى واحد ماشى فى الجامعه كانها ارض ابوه متعجرف كده مش عارفه على ايه يعنى عشان عيونه زرقا و لحيته قمر وجنتل كده يخبط فى بنات الناس ؟
-حياء': لا مالوش حق الصراحه
و ايه كمان يا ستنا العاقله ؟
-اسراء: لا مفيش خلاص مانا غضيت بصري ومشيت
-حور: غضيتى ايه يا عنيا دا انتى كان باقيلك دقيقه وترسميه
-حياء: بغض النظر عن الزنوب اللى انتى عملتيها واللى طبعا لازم تتوبي عنها وتستغفري
بس انتى برضو شتمتيه وده طبعا حرام يعنى هو دلوقتى اخد من حسناتك
للدرجادى عندك حسنات كتيره عاوزه تضيعيها 🤔🤔
-اسراء: بس انا مكنتش اقصد اشتمه انا بس كنت متعصبه
-حور: يا نن عين امك من جوه😂😂
اسراء يا حبيبتى النبي صلى الله عليه وسلم
-البنات: عليه افضل الصلاة والسلام
-حور: النبي لما الصحابي جه عنده وقاله اوصنى قاله كلمتين بس شملت كل المصايب اللى عملتيها دى
قاله لا تغضب
لان الغضب احيانا بيعمى والشيطان بيستغل النقطه دى لصالحه لانك دلوقتى غضبتى لما هو خبطك مع العلم انه اكيد مكنش يقصد ولما غضبتى بصيتى على الشخص اللى خبطك فكدا زنب تانى اللى هو زنا النظر وانتى اساسا كنتى هتسيحى وانتى بتوصفيه 😂😂 وكمان لما شتمتيه اخدتى زنب تالت لان النبي قال ليس المؤمن بطعان ولا لعان ولما زعقتيله اخدتى زنب رابع ولما جيتى حكيتيلنا عنه وشتمتيه تانى اخدتى زنب خامس انك اغتابتى وزنب سادس انك شتمتى تانى كل دى زنوب انتى ماخدتيش بالك منها بس ملك السيئات شغال بيكتب لان ربك قال مايلفظ من قول الا لديه رقيب عتيد
ها تحبي تخليه يفضل شغال بالكتابه ولا تتوبي وتستغفرى
-اسراء بعياط : استغفر الله العظيم والله مكنتش اعرف يارب سامحنى
-حياء: ماتعيطيش وتخلى الشيطان يغلبك اغلبيه انتى بالاستغفار
-مريم: يالله يا بنات اقعدو الدكتور زمانه جاى
