البارت الرابع والعشرون من رفيقتى الى الجنه
-محمد: و ليه بقا ان شاء الله
-حياء: عادى من غير ليه
-محمد: حيااااء اظبطى احسنلك وبعدين هو ايه اللى من غير ليه
يعنى اقول للراجل هى مش موافقه من غير ليه
-حياء: ياعم البني ادم ده بالذات لا اتصرف بقا
-محمد: ايوه هو بالذات لا ليه بقا
-حياء: ياعم بسببه كنت هخسر صحبتى
-محمد: ازاى
-حياء: فاكر لما اتصلت بيك وقولتلك تعالى خخدنى وبعتلك العنوان وقولتلى انك كنت فى نفس البيت
-محمد: اه وبعدين
-حياء: اليوم اللى بعده بقا لقيت اخته جايه تعيط وتقولى انه قالها تبعد عنى
-محمد: طب و هو هيعمل كده ليه
اكيد في سوء تفاهم
-حياء: سوء تفاهم ايه اللى هيحصل و انا معرفهوش اصلا
-محمد: مش عارف بس هكلمه عشان مابقاش ظلمته وانتى صللى استخاره و ردى عليا
-حياء: طيب
*عند نسمه
-مروه: يا ماماااا
-ام نسمه': خير يا حبيبتى
-مروه بفرحه: تامر طلب ايدى النهارده قدام الكافيه كله
انا مبسوطه اوى يا ماما
-ام نسمه: ربنا يسعدك يا حبيبتى
وقعتى واد غنى مش زي ناس كل ما اكلمها تقولى حرام
اهي اختك كلمت و صاحبت وحبت واهو هيطلب ايدها ويتجوزها
الدور والباقى عليكى ياختى خليكى قاعده فى أرابيزى كده
-نسمه لنفسها: يا رب انا عارفه انهم غلط يارب اهديهم
-ام نسمه: ها يا مروه هييجى امتا
-مروه وهي بتبص لنسمه: ممكن بكره لحد ما اقول لبابا واكلمه اقوله
*الباب خبط
-ام نسمه: غور يا بت افتحى الباب
*نسمه فتحت الباب ولقت معاذ اخوها
-معاذ: القمر بتاعى زعلان ليه
-نسمه بابتسامه باهته: لا يا حبيبي مفيش انا كويسه
احضرلك الاكل
-معاذ: طبعا هو حد يقدر يقاوم اكلك يا حلو انت
-نسمه: ربنا يحميك يا قلبي ادخل اغسل على ما احطلك الاكل
-ام نسمه: مش تيجى تبارك لاختك يا معاذ
جايلها عريس
-معاذ: اختى مين
-مروه: اكيد مش الخيمه اللى جنبك
انا طبعا
-معاذ بتهكم: ويا ترى بقا عيل من اللى بياخد مصروفه من امه ولا صايع من شلتك
