اسير اول ما روحت قاست الفستان وورته لجميله ومصطفى
" جميله " الله ! جميل يا حبيبتي
" مصطفى " عقبال ما اشوف بالفستان الابيض فى ايد عريسك يا حبيبتي .... امال طارق فين ؟
"جميله " بيصالح سها
" مصطفى " ليه هو ايه اللى حصل ؟
" اسير " يووووه دى حكاية طويله اوى ماما بقى تحكيهالك
المهم بعد ما خلصو اسير دخلت اوضتها علشان تكلم آدم
" اسير " ازيك يا آدم
" آدم " الحمد لله وانتى اخبارك ايه؟
" اسير " تمام عامل ايه فى شغلك ؟
" آدم " تمام انا اصلا كنت لسه هكلمك
" اسير " خير
" آدم " تعرفى تشوفى اى حجه وتركبى مع سيف العربيه ؟
"اسير " اه اعرف بس ليه ؟
" آدم " العربيه هى المكان الوحيد اللى مش عارفين نوصل لسيف فيه ف عاوزينك تحطى ميكروفون صغير كده
" اسير " تمام هشوف هعرف اركب معاه امتى واقولك
" آدم " ماشى بس اهم حاجة تاخدى بالك من نفسك
" اسير " ماتخافش عليا وراك رجاله
" آدم " يا خوفى من الرجاله
" اسير " ههههه لا ماتخافش المهم هتدينى الميكروفون امتى؟
" آدم " مش عارف بس انتى تعرفى تروحى اى كافيه بكره ؟
" اسير " بكره احنا رايحين نشترى حاجات من سان استيفنو علشان الفرح
" آدم " تمام يبقى هنتقابل هناك وانا هقولك امتى بالظبط .... بصى هبقى اكلمك ونتفق قبلها
" اسير " تمام وانا هشوف امتى هعرف اركب مع سيف
" آدم " تمام اسيبك انا علشان تلحقى تنامى قبل الشغل الصبح
" اسير " تمام تصبح على خير
" آدم " وانتى من اهل الخير
~~~~~~~~~~~~~
عند سيف
" سيف" ها وعرفت عملت ايه ؟
" الشخص " ايوه يا باشا راحت محل بيبيع فساتين وبعدين خرجت مع طارق ابو الوفا وراحو محلات بدل وفساتين وبعدين رجعو لنفس المحل و بعدين راحو كافيه ع البحر وقعدو ساعتين كده وبعدين روحت اختها عمتها ورجعت البيت هى وواحده معاها
" سيف " طب تمام خليك وراها
" الشخص " تمام يا باشا
بعد مالشخص ده مشى
" سيف " ها يا حسن اخبار الناس ايه ؟
" حسن " دراعه اليمين :- تمام يا باشا ....... بس قولى يا باشا انت مش مطمن لاسير دى ليه ؟
" سيف " مطمن بس زياده حرص انت عارف شغلنا ، وبعدين انا عاوز احطها فى جيبى علشان اضمن الشركه كلها تبقى ليا ، هى بس توافق ع الجواز وانا كده ابقى ضمنت ان الشركه والفلوس كله ليا
***********************
طارق قاعد هو وسها بيتفقو على حاجات الفرح بعد ما اتصالحو طبعاً
" طارق" ها يا ستى اختارتى ايه ؟
" سها " انا شايفه ان ده احلى..... انت ايه رايك ؟
"طارق " بصراحه مش فارقة انتى عارفه انى مابدوقش فى الحاجات دى
" سها " اه ما هو باين ، بأماره الفستان
" طارق " طب انتى عارفة لو الفستان ملوش ديل ومش منفوش انا كنت قلت انه بدلة رقص ...... يا حبيبتي ماينفعش ..... ده الفستان مفتوح خالص وبعدين احنا مش قفلنا السيرة دى وانتى جيبتى واحد تانى
" سها " ماشى يا طارق
" طارق " طيب بكره نبقى ننزل نجيب الفرش....... اااااااه
" سها " مالك يا طارق ؟
" طارق " مش قادر استنى ليوم الفرح يا سوسو
" سها " يا اخى يخرب بيت برودك وقعت قلبى فى رجلى ..... وبعدين انت استنيت 3 سينين مش قادر تستنى 10 ايام ؟..... اعقل يا طارق ... اعقل يا حبيبي ربنا يهديك
" طارق " طب نامى يلا علشان تصحى بدرى علشان الشغل
" سها " روح انت كمان نام يلا علشان نبقى ننزل نجيب الفرش
" طارق " وهو يغلق باب الاوضه :- تصبحى على خير
" سها " وانت من اهلو
✨تانى يوم الصبح ✨
" اسير " صباح الخير
" الكل " صباح النور
" اسير " هتعملو ايه انهارده
" طارق " هنزل انا وسها نشوف العفش ونعدى على فندق Layaly نشوفه فاضى يوم الخميس ولا لاء .. ولو مش فاضى هنعدى على فندق Sun Raise
"اسير " لاء احنا فى الشتا هتلاقيه فاضى
" سها " انتى اكيد اللى هتعملى الدعاوى والجست بوك والكاسات مش كده
" اسير " ايوه طبعاً هنزل اشترى الحاجات انهارده بعد المستشفي ... هروح سان الاول وبعدين اروح اشتريها
" جميله " آجى معاكى ؟
" اسير " لاء هاخد معايا ملك ... امال خالو مصطفى فين ؟
" جميله " نزل من شويه
" طارق " انا مش هروح المستشفى انهارده .... واخد اجازه أسبوع قبل الفرح و شهر العسل
" اسير " اه صحيح هتسافرو فين ؟
" سها " لسه هنشوف
" اسير " تمام ، جميله شوفى المدعوين مين علشان ابقى عارفه وعامله حسابى وابقى اكتبى اساميهم فى ورقه
" جميله " تمام
" اسير " انا نازله عاوزين حاجة؟
" جميله " خدى بالك من نفسك
******
اسير اول ما وصلت المستشفى راحت عند احمد
" اسير " صباح الخير
" احمد " حضنها وباسها :- صباح النور يا قلبي عامله ايه ؟
" اسير " ايه ده بتعاكسنى بتكسف
" احمد " ههههههه هو انا لو ماعكستكيش هعاكس مين ؟
" اسير " حبيبي يا بابا .... امال فين طنت احلام ؟
" احمد " روحت البيت تجيبلى هدوم
" اسير " انت اصلا خارج انهارده ... بس مفيش شغل في راحه
" احمد " هحاول
" اسير " اه صحيح عاوزه اعرف مين اللى هتعزموهم فى الفرح وهيبقو كام واحد وياريت تكتبوهم فى ورقه
" احمد " ليه ده كله ؟
"اسير " علشان الدعوات
" احمد " حاضر اول ما تيجى احلام هخليها تعملك الورقه دى
" اسير " تمام انا بقى همشى علشان اشوف شغلى واول ما اخلص هجيلك علطول علشان تروح
" احمد " ماشى يا حبيبتي
عند آدم فى المكتب
" آدم " انت متأكد يا مراد ؟
"مراد " ايوه كان فى حد مراقبها من اول ما خرجت من المستشفى لحد ما روحت البيت ، احنا طبعاً راقبناه علشان نضمن ان متبقاش فى خطر
" آدم " طب هنوصلها الميكروفون ازاى ؟
" مراد " هى قالتلك هتروح فين ؟
" آدم " هتروح سان استيفنو
" مراد " طب اسألها لو هتروح مكان تانى بس يكون زحمه شويه
" آدم " هكلمها ، اخبار المراقبة ايه ؟
" مراد " مستنيين الشحنه لسه المعاد متحددش
" آدم " ماشى
************************
اسير راحت تكلم سيف
" اسير " الو
" سيف " انا زعلان منك
" اسير بدلع مصطنع :- ليه بس انا لما روحت امبارح كنت تعبانه من الشغل ومخدتش بالى ان الموبايل فصل شحن متزعلش بقى
" سيف " انا مقدرش ازعل منك ...... بقولك ما تيجى نتقابل
" اسير " هخلص شغل واروح سان استيفنو و بعدين هنزل اجيب شويه حاجات
" سيف " ايه يا بنتى ده كله ما تريحى نفسك
" اسير " نفسى والله بس اعمل ايه الفرح قرب ولازم اعمل الدعوات و الجست بوك والكاسات
" سيف " ايه ده انتى بتعرفى تعملى الحاجات دى ؟
" اسير " اه بعرف .... المهم هتيجى معايا ولا لاء
" سيف " اه هاجى طبعاً
" اسير " طب يلا باى هكلمك قبل ما امشى
" سيف " ماشى سلام
اسير بعد ما قفلت :- بنى آدم زباله
*******************
طبعاً طارق وسها نزلو يجيبو العفش
" طارق " ها يا حبيبتي ايه اللى عجبك ؟
" سها " مش عارفه يا طارق حاسه ان دول موديلهم قديم تعالى نروح مكان تانى
" طارق " سها يا حبيبتي احنا لفينا البلد ارحمى يا ماما شويه
" سها " يعنى انت لفيت مشى ما انت راكب العربيه وبعدين ايه ماما دى ؟
" طارق " سها انا والله تعبت اختارى اى حاجة وخلاص
" سها " قول بقا انك مكنتش عاوز تيجى معايا
" طارق " سها احنا بقالنا 3 ساعات بنلف وانتى مش عاجبك حاجة
" سها " طب تعالى طيب نسألهم لو فى موديلات احدث
راحو سألو وفضلو طول النهار يلفو ورجعو اخر اليوم
******************
المهم آخر اليوم اسير اتصلت على ملك
" اسير " ايه يا ملوكه انتى فين ؟
" ملك " انا خلاص قربت من المستشفى
" اسير " بسرعه انا مستنياكى
اسير قفلت مع ملك واتصلت بسيف
" اسير " الو
" سيف " ايه يا حبيبي انا خلاص قربت اهو مش هتأخر
" اسير " انا كنت بتصل بيك علشان اعتذرلك .... ملك هاتيجى معايا
" سيف " خلاص ماشى روحو وخدى بالك من نفسك
" اسير " على فكرة بابا هيخرج دلوقتي
" سيف " بجد ! طب انا هاجى آخده اروحه
" اسير " ماشى
" سيف " مرديتيش عليا بردو
" اسير " على ايه ؟
" سيف " لما طلبت ايدك
" اسير " معلش انا مشغولة الفترة دى بعد الفرح نبقى نتكلم
" سيف " ماشى ، باى
اسير بعد ما قفلت اتصلت بآدم واتفقو ان هو هيخبطها فى كتفها براحه وبعدين يديها الميكروفون من غير ما حد ياخد باله ، وبعد ما خلصو راحت لاحمد
" اسير " ها يا بابا جاهز ؟
" احمد " اه يا حبيبتي جاهز
" اسير " ازيك يا طنت
" احلام " الحمد لله يا حبيبتي انتى عامله ايه ؟
" اسير " الحمد لله حضرتك خلصتى اللسته ولا لسه
" احلام " خلصتها اهى يا حبيبتي
اسير اخدت الورقه من احلام :- ماشى شكراً يا طنت ولو عايزه تضيفى حد ابقى كلمينى
ملك جت
" ملك " ازيك يا بابا عامل ايه انهارده ؟
" احمد " الحمد لله يا حبيبتي اسير أخيرا ادتنى براءه وهتخرجنى
الكل " هههههههههههههههه
" اسير" طب يلا يا ملك علشان منتأخرش
وهما فى العربيه
" اسير " ها يا ملك عملتى ايه مع مراد ؟
" ملك " هو قالى انه هيكلم بابا
" اسير " مقالكيش امتى ؟
" ملك " لاء بس تقريباً مستنى اما يخرج
" اسير " ربنا يتمملكم بخير
" ملك " ماما عجبها الفستان اوى
" اسير " هو فعلاً حلو .... يلا عقبال فستان الفرح وانا اللى هنقيه
" ملك " هههههه اكيد ..... هو انتى مش ناويه تفرحينا
" اسير " عندك عريس
" ملك " ليه انتى مبيجلكيش عرسان ؟
" اسير " بييجى بس انا برفض
" ملك " ليه ؟
" اسير " ما البركه فى طارق كان مالى عليا حياتى بس دلوقتي شكلى هبدأ ادور
" ملك " تدورى ليه ؟ ده انتى بسم الله ما شاء الله قمر
" اسير " يوووووه دول زى المطر بس انا مبيعجبنيش حد ...... يلا وصلنا
اول ما دخلو المحل
" ملك " انتى عاوزه تشترى ايه بالظبط
" اسير " عاوزه شوية حاجات لسها وعمتو
" ملك " مش المفروض هما ييجو يقيسو ؟
" اسير " لاء انا عارفه مقاسهم يلا بس
اسير اشترت حاجات كتير وهيا رايحه تحاسب خبطت فى آدم
" آدم " انا آسف مخدتش بالى
" اسير " عادى حصل خير
آدم لم الحاجات اللى وقعت منها وهو بيديهالها اداها الميكروفون من غير ما حد ياخد باله
" اسير " ها يا ملك هاتيجى معايا ولا تعبتى ؟
" ملك " لا هاجى معاكى بس تعالى نروح نتغدى الاول لانى جعانه
" اسير " طب يلا انا كمان جعانه
